[開箱] REMAX RB-S3藍牙耳機開箱+試用

本帖最後由 hk133 於 2016-1-11 16:43 編輯

首先,奉勸大家睇完就算,千其唔好買。
至於點解,睇埋落去就知。

REMAX嘅充電線,非常垃圾,損耗大,相信用過而且用白尾巴測試過嘅CHing一定知。
不過佢勝在設計好睇,包裝精緻,所以有幾次我都忍唔住買左某啲產品。
試過有一樣REMAX嘅產品,我買左一個,覺得都ok,於是打算去再買一個。
點知,第二次去買,試左三個,全部都係壞嘅。。。
結果店員退番錢比我。。。
廢話講完,開始睇開箱。



今次又忍唔住買左REMAX哩款藍牙耳機,設計同索尼大法SBH20雷同。
但價錢只係大法嘅一半,加上藍牙4.1估計都唔會太差?所以就買黎試下。
網上好似無任何開箱,所以無得參考其他人嘅用後感。。。
包裝算係唔錯,印刷質量睇落ok,REMAX一貫嘅精緻包裝。




用細字標示係bluetooth 4.1技術,“高質素聲音效果”,便攜,支持FM。
希望音質真係ok啦。。。




包裝背面,睇落都算ok。
大概介紹一下產品參數,好似無咩唔妥。
底部標籤好有REMAX風格,全個包裝唯一一個地方有寫中文就係嗰張標籤。。。
扮咩外國貨吖!!




參數部分用韓文(?)加法文(?)標示,其他介紹內容都係用英文。。。
好多餘。。。就咁英文都得啦,仲要加埋其他睇唔明嘅外文。。。
真係玩野。。。




打開包裝,第一眼就係見到藍牙耳機接收器+跟機耳機。
就咁睇好似都唔差,接收器表面仲有一張保護膜。
跟機耳機好似係金屬音腔,都算有誠意。




取出黑色膠托之後,見到底下仲有一條充電線+兩對耳塞。
仲有保用證同說明書。
不愧係REMAX,包裝一直都好認真。






左邊:合格證,右邊:保用證
“我們致力於做您心中的通訊數碼配件專家”,品質做好啲先好講哩句啦。。。
不過合格證嘅設計的確幾好睇(或者可以話幾有特色啦)。




包裝內含物品全家福。
就咁睇配件都算齊全,但都係索尼大法好啲,SBH20仲有法律資訊,同埋聲明符合輻射限制要求。
(索尼大法睇落pro好多。。。REMAX扮唔到。。。)




補拍包裝側面,“MY DEVICE MY LIFE”,REMAX口號。




正面,除左中間嘅按鍵之外,應該係金屬材質。
拉絲紋好有金屬光澤,不過整體望落好醜。。。
深黑色磨砂機身配銀色金屬拉絲紋表面。。。視覺效果九流。。。




每一面都有插孔/按鍵。。。
哩個係開關機制。。。




micro USB充電插孔。。。




耳機插孔,做工有啲粗糙。。。




音量調節鍵。。。




背面。
背夾似乎係仿金屬,做工非常粗糙。。。
背夾上面印住REMAX口號,“MY DEVICE MY LIFE”。。。






同索尼大法SBH20比,做工真係差太遠。。。
SBH20全機身嘅顏色一致,按鍵同埋耳機插孔有邊緣倒角設計,美觀好多。






跟機耳機睇落做工ok。


實際測試,發現耳機有問題。
插頭附近線材需要屈曲180度(屈曲至貼近插頭),否則其中耳機一邊無聲音。。。
果然係REMAX品質,垃圾。
唯一值得安慰嘅,就係音質比SBH20嘅跟機耳機略好。。。

藍牙耳機接收器有嚴重底噪(對比SBH20),音頻解析力缺乏,表現勉強合格。
搭配小米圈鐵耳機,聆聽多個FLAC音頻,聲場比起直接連接手機弱好多,
音頻細節丟失比較嚴重,而且底噪一定程度上造成干擾,影響聽感。
最大問題係,唔能夠直接關機。。。
要喺開機狀態下進行充電,然後拔除充電線,再將開關機鍵推向關機方向,咁先可以關機。。。
做錯一個步驟都唔可以關機。。。可能係買到次貨?
同埋,用哩部嘢調較音量+/-,會有好大聲嘅“bip”提醒你已經調較音量。。。
佢嘅音量調較係獨立嘅,同手機分開。


只能夠講,買唔過,千其唔好買。
真係要以此為鑒,以後盡量唔買REMAX產品。。。




本文到此完結,感謝觀看。


***
附件: 您需要登錄才可以下載或查看附件。沒有帳號?註冊

如果係香港以$89可以買到對4.1藍芽耳機算係咁,將價就貨

TOP

本帖最後由 hk133 於 2016-1-11 15:22 編輯
如果係香港以$89可以買到對4.1藍芽耳機算係咁,將價就貨
speed 發表於 2016-1-11 14:44



    表現仲差過bluetooth 3.0。。。而且好多問題。。。宜家基本上閒置。。。
    同埋bluetooth 4.1+EDR 真係未見過,+EDR係講緊bluetooth 2.1嘅時代。。。

TOP

我藍牙主要用黎聽歌, 其實我只需要主體嗰part, 耳機我會用另外嘅
唔計個耳機, 呢部用黎聽歌掂唔掂? 因為真係好平

TOP

我藍牙主要用黎聽歌, 其實我只需要主體嗰part, 耳機我會用另外嘅
唔計個耳機, 呢部用黎聽歌掂唔掂? 因為真 ...
karsocrates 發表於 2016-1-11 15:57



    哩部嘢本身音質都唔掂,出街聽歌唔覺有問題,但喺屋企安靜咁聽歌就會聽到比較明顯嘅底噪。
    比多一倍價錢買SBH20好好多。。。

TOP

我都有用緊佢另一款藍芽,不過不失

via HKEPC Reader for Android

TOP

AAC aptx都冇… 用藍芽應該都冇乜要求
但aptx都冇有咩用
90蚊攞去食左佢好過

TOP

AAC aptx都冇… 用藍芽應該都冇乜要求
但aptx都冇有咩用
90蚊攞去食左佢好過 ...
EVIS 發表於 2016-1-11 17:11



    咁平仲想佢有高音質?要高音質又要平,就唔好用bluetooth,用有線耳機啦。

TOP

哩部嘢本身音質都唔掂,出街聽歌唔覺有問題,但喺屋企安靜咁聽歌就會聽到比較明顯嘅底噪。
    比多 ...
hk133 發表於 2016-1-11 16:40


我只係要黎屋企用, 咁睇黎唔啱使

TOP

本帖最後由 KwokAngus 於 2016-1-12 05:10 編輯

remax 嘅野同好多taobao 貨好似, 感覺勁似係大批訂, repack
感覺似主要係賣packing 嘅taobao 貨


p.s. btw bluetooth audio 要音質好少少, 一定要有aptx

TOP