平價充電器無保險絲易爆炸

充電器品質參差,《蘋果》從市面買來5款平價充電器,委託理大電機工程學系教授鄭家偉測試,發現大多有問題,包括有充電器金屬線焊接位差劣,碰撞後極易斷裂;有的電池表面無保護標記,一旦充電時溫度及壓力過高,容易短路甚至爆炸。

該5款充電器,除黃色充電器購自旺角女人街攤檔外,其餘4款購自先達廣場手機舖,所有產品包裝印有「Smart Power Bank」字眼,中國製造,沒標示生產商,價錢介乎50至90元,電池容量介乎5,600mAh至15,000mAh。

膠殼脆弱散熱差

鄭家偉分別將充電器作正常充電及拆解內部結構測試,他指上述產品雖有用智慧型芯片(Smart IC),即能自動偵測手機充電進度,手機充滿電後會停止供電,但內部裝置品質欠佳,如電池全無配備溫度感應器、洩壓閥及保險絲,一旦充電時電池過熱,容易爆炸。

他表示,其中兩款充電器使用塑膠外殼,較為脆弱,遇上撞擊難以保護內部結構,散熱功能亦比金屬外殼差,其中黃色充電器電極位置生銹,金屬線外露,安全大打折扣。

他指幾款充電器的電池類型,均沒顯示內部配備保險絲,倘電池過熱,保險絲會自動斷開防止短路,電池表面會印上「Protected」字眼。而幾款產品的電池末端均無洩壓閥裝置,若電池充電時令內裏電解液產生過多氣體會變脹,甚至過熱着火。

鄭指,安全的充電器有3個特徵,第一是電子線路使用智慧型芯片;第二,電池有洩壓閥釋放過高壓力,防止爆炸;第三,電池內應配備保險絲,遇上電流過高斷開防短路。他認為,要製作具品質的充電器,電池成本約過百元,但是次用作測試的電池,成本可能僅一、兩元人民幣。

http://hk.apple.nextmedia.com/news/art/20160801/19718005

我有佃maxell 6500mah 。 made in japan. 200文,用得放心

via HKEPC Reader for Android

TOP

其實平價小米都OK

TOP

他指幾款充電器的電池類型,均沒顯示內部配備保險絲(即係開黎睇都懶)

要製作具品質的充電器,電池成本約過百元,但是次用作測試的電池,成本可能僅一、兩元人民幣。(不如吹應該過萬元啦)

係咪上次專登過沖、製造短路果位教授?人地記者問你唔一定要造個答案比人既!

TOP

他指幾款充電器的電池類型,均沒顯示內部配備保險絲(即係開黎睇都懶)

要製作具品質的充電器,電池成本約 ...
Monkey2016 發表於 2016-8-1 10:56


睇蘋果嘅介紹,就似乎係啦。
不過,尿袋有保險絲?好似真係唔多見邊隻係有㗎喎。

TOP

話成本一兩蚊人仔條友係咪傻,剩係一粒18650既電都幾蚊粒,外殼幾蚊,電路板貴D,充電線就真係一兩蚊成本,就算虛標冇保護裝置,成本起碼都二三十蚊,

TOP

現在市面上有邊款尿袋係有保險絲及電池有洩壓閥?

TOP

我有佃maxell 6500mah 。 made in japan. 200文,用得放心

via HKEPC Reader for Android
parkland 發表於 2016-8-1 10:46



    又made in japan?
made in japan 係成個尿袋定淨係入面D電?

TOP

其實d大陸大牌子例如小米,樂視,anker,romoss,360,羽博,品勝,飛毛腿

出既充電器都好穩陣,睇大陸好多拆解,d電路設計好好,有曬保護,chipset,電芯都係用大廠

普偏近一百$,或百零蚊就買到,都唔明點解要去買d無牌子既山寨野

TOP

回覆 9# SSII

我覺得係好多人都唔會去了解,身邊好多朋友都係咁,是是但但買隻用得就算,有啲就以為越貴一定越好,其實國內有好多牌子都又平又靚,大家多啲睇充電頭網了解下.

TOP