噸計鋰電池運上機 「炸彈」滿天飛

香港成違規空運鋰電池中轉站!國際民航組織(ICAO)及國際航空運輸協會(IATA)自今年四月起,對運送鋰離子電池(下稱鋰電池)執行新規定,除禁止利用客機託運鋰電池外,透過空運貨機運送鋰電池亦有嚴格限制。不過,本報記者追查發現,部分深圳的物流公司覷準香港快捷的清關制度,每日將以噸計的鋰電池,當作一般貨品託運,由本港機場以空運貨機運往外地。有業內人士直指,新規定實施後,令託運成本增加,有物流公司以賤價搶客,違規「走」鋰電池。學者警告,若在航機運載沒有妥當包裝的鋰電池,隨時着火甚至爆炸。

鋰電池是電子產品的必備配件,一般手機鋰電池約十瓦特,而超過一百瓦特的屬大功率的鋰電池,可供電動輪椅使用,惟過往不時發生航機運送鋰電池的爆炸事故。今年四月一日起,IATA對國際空運鋰電池設下新規定,除民航客機禁運鋰電池外,以空運貨機運送的鋰電池,充電狀態上限為百分之三十,而包裹數量及包裝方式亦有嚴格規定。雖然新規定實施近四個月,但不少深圳的物流公司懶理,將大量鋰電池當作一般貨物,從香港機場以空運貨機運往外地。

無放特製箱 混其他貨運
「我們公司每日託運一噸的純電池(鋰電池),加上其他電子產品,可以走八到十五噸。」深圳一間物流公司的客戶經理小楊(化名)向佯裝託運的記者侃侃而談,並讓記者參觀其物流中心,當日便有近四十板、每板約二百公斤貨物正在運送上中港貨車,「這些都是電池,大概下午就可以送到香港機場,再趕凌晨的飛機出發!」他指,該公司會透過中港運輸公司,將鋰電池運往香港機場,再以貨機空運到外地。由於香港及歐盟等地機場採取簡易清關程序,所以十分安全,「除非有人投訴,否則一般都不會抽查。」

小楊續稱,新規定實施後,不少物流公司為安全已停運大功率鋰電池,但該公司仍有「方法」走貨,「(大功率鋰電池)可以放進其他電池,或與其他貨一起走。」他指,以運送鋰電池往英國計,每公斤收費三十八元人民幣,再另加每次託運的五十元人民幣附加費。

另一間同在深圳自稱專門託運鋰電池的物流公司亦指,可託運一百瓦特以上的大功率鋰電池,同樣經香港機場轉運往外國,利用普通貨箱便可託運,不需將鋰電池放在專門運送危險品的特製箱中,而每箱不超過二十公斤,鋰電池可夾雜其他貨物運送。

託運須繳附加費增成本
一名從事物流業多年的知情人士透露,實施新規定後,業內需嚴格包裝空運的鋰電池,託運者需提供鋰電池詳細資料,並繳交額外附加費,令空運成本增加,「透過物流公司空運,只是快遞三分之二的價錢,託運者多會選擇空運。」他指,在內地機場也可空運鋰電池,惟只有小量物流公司領有允許鋰電池空運的出口報關證明,加上內地民航管理當局安檢嚴格,故不少物流公司都經香港機場走貨往外國。

去年3380宗 涉近15萬件
根據香港機場保安有限公司資料,揭發違規空運鋰電池的個案近年大幅增加,其中去年有三千三百八十宗,較前年九百三十二宗,上升兩倍,而去年涉及鋰電池的數量更有近十五萬件。

香港空運貨站職工會副主席葉以勒坦言,香港機場的貨運量龐大,其中鋰電池運送量極多,需要靠寄貨人自律遵守規定。而IATA實施的新規定在業內最為嚴謹,不少航空公司及貨運業均會遵從。他稱,空運貨站的員工在接獲貨物後,會查看其申報及貨箱上所貼的標籤及資料是否符合,並檢視相關測試報告,以及檢查貨物有否超過限制數量,然後會交予相關航空公司託運。

http://orientaldaily.on.cc/cnt/news/20160805/00176_115.html

本帖最後由 20030311 於 2016-8-5 09:37 編輯

香港機場出哂名亂出險貨,睇下幾時又係DXB爆大鑊

http://www.prba.org/general/prba ... rers-in-china-1143/

TOP

都好嚴重下喎。
我以為陸路先係咁

via HKEPC Reader for Android

TOP

都好嚴重下喎。
我以為陸路先係咁

via HKEPC Reader for Android
風十三 發表於 2016-8-5 15:14



    香港D野一向都咁,走精面就叻....

TOP

我想問下,那篇報導,有沒有英文版本?

TOP

我想問下,那篇報導,有沒有英文版本?
風十三 發表於 2016-8-5 16:39

http://www.prba.org/general/prba ... rers-in-china-1143/

TOP

本帖最後由 kawing 於 2016-8-9 10:33 編輯
香港D野一向都咁,走精面就叻....
DGCNYO 發表於 2016-8-5 16:30


頭幾段講緊大陸物流公司將鯉電池放入普通Carton 箱,
當係 General cargo 直接係香港機場走貨喎, 請問關香港咩事?

乜一間"深圳的物流公司"可以直接係香港機場走貨既咩 ? ??

一定要經香港 forwarder 先可以走貨架喎, 中間經過乜野程序先 ?

篇報導完全冇提,淨係話 "經香港機場",東方你講哂啦!



請問你知唔知經香港Forwarder 走鯉電貨有幾嚴格?

知唔唔知鯉電有分 Ion 同 metal?

知唔知再細分走純電,packed with equipment同 packed in equipment?

知唔知走純電貨而家全部要當Dangerous goods 走?

知唔知要Shipper要準備咩文件?

知唔知Carton 箱外要貼咩label?

知唔知邊間航空公司可以走貨?

知唔知要先係貨運站經過嚴格驗貨?

   
如果乜都唔知就唔好懶醒打幾隻字Reply 以為自己乜都識!!!

利申:從事空運業超過十年,略懂皮毛

TOP

本帖最後由 kawing 於 2016-8-9 10:47 編輯
香港機場出哂名亂出險貨,睇下幾時又係DXB爆大鑊
20030311 發表於 2016-8-5 09:32


點樣出哂名法呀?

你好似知好多內情咁喎, 不如分享比大家知丫

DXB 你講緊 Dubai airport 定民 X 聯呀 ?


"香港機場的貨運量龐大,其中鋰電池運送量極多,需要靠寄貨人自律遵守規定"

Shipper 份 booking 話走乜就係乜架啦, 你話自己走玩具, 成衣, 電子產品 (不含電池),
我地咪當 General cargo 即黎即走囉

如果你話走電池貨, 我地一定會問清楚係乾電定鯉電, 一定會問你拎 declaration letter 同 MSDS,
你話走鯉電我地一定會好好招呼你單貨

TOP

頭幾段講緊大陸物流公司將鯉電池放入普通Carton 箱,
當係 General cargo 直接係香港機場走貨喎, 請問關 ...
kawing 發表於 2016-8-9 10:15



    你真係睇小出面點走飛機箱,同你溝貨砌到盡數有幾難?貼紙少幾張就話查你姐

做足曬跟曬單你咪慢慢驗囉,上唔到飛機你既事,仲未講入面鬼鼠野

大陸公司識鬼玩香港玩法咩,貨內大把黎D空運野做緊黎D...

掉得多官腔唔代表不存在

利申船飛機大陸車都做過,幾低能既偷雞出事同過左海既神仙都見過下就十年咁

做得物流,緊知出面有D公司好多鬼野,而點解果D公司生存到係有原因,除非你做開好正統果D...

不過睇你要個客答你係咪走電池貨,都幾正統果D

TOP

機場衝貨有好多種
捉人衝貨都有好多種
驗電開箱/XRAY
我地公司直頭開箱睇貨

東方做新聞一流,空運運輸識條鐵咩

TOP