Phone光不再 華強北爆倒閉潮

港人北上放賣手機熱點、被譽為全國最大電子商品集散地的深圳華強北,近年來因當局嚴打水貨及偽劣產品下,不少商家已轉營手機軟件升級或更換外殼等服務,惟近期又被以非法改裝手機為由查封,生意大減。縱使經營困難,商場方近日仍宣布加租一成,商戶雪加上霜,觸發倒閉潮。

近日網上一篇「別了!深圳華強北,別了!手機行業」的文章引起關注,內容訴說華強北已不再興旺,自政府去年開始的嚴打措施壓力下,已有不少商家被查貨及沒收,如今大部分店舖都已關門大吉,「店租交着,不敢開門,貨壓着,不敢出」。

吉舖湧現 落閘停業
本報記者昨到深圳了解情況,發現曾是人山人海、擠得水洩不通的華強北商場,如今「吉舖」湧現,許多商家落閘停業,平時擺滿各類手機的櫃台,現在亦空空如也,部分更貼出轉租或停業告示。近日當局再加強巡查力度,與華強北一路之隔的通天地通訊城內貼滿警告標語「嚴厲打擊銷贓窩贓違法行為」,一旁則為「加租百分之十」的通告。

在華強北經營手機維修的陸先生表示,當局查水貨及偽劣產品本無可厚非,但現在連手機維修店亦受牽連,令業界無法生存。陸先生舉例指,數月前曾有同行幫客戶升級手機軟件及更換外殼後,突遭執法人員指控非法改裝手機,店舖即時被查封。風聲鶴唳下,不少人即使租約未完亦寧願賠錢離開,搬離華強北轉戰其他地方。

張貼轉租 減低損失
商戶撤離,商場人流大減,商場方卻仍然加租一成,「如同對商戶趕盡殺絕。」在三樓經營二手機買賣的楊先生坦言,通天地的客戶多是中低端人士,二手機大多銷往偏遠地區。但近期外籍客大減一半,生意不景氣,在加租的雙重打擊下,商家近日紛紛貼出轉租廣告,期待有人接手減少損失。

早幾年內地並非蘋果產品的全球同步開售名單中,加上人民幣匯率強勁,僅一河之隔的華強北遂成港人炒賣手機的熱門地點。隨着蘋果公司的市場政策改變,兼中國當局嚴打水貨客,華強北的光環已褪去。在華強北打算放手機的香港女子May更坦言,如今商家已不太敢收機,或只願開低價,扣除交通成本後根本無利可圖,長此下去會考慮另覓他途。

http://orientaldaily.on.cc/cnt/news/20160821/00176_055.html

暴政之下,無所不能!
人民苦矣!

TOP

手機百花齊效, 而且效能已經到樽頸位, 埃瘋又無得炒
靠手機搵食好難再以前咁風光

TOP

花無百日紅,
市場就係咁。

TOP

之前大多數人都係想炒i瘋, 而唔係想用, 只係炒唔起先自己拆黎用..

TOP

花無百日紅,
市場就係咁。
bennylouisa 發表於 2016-8-21 13:20



    唔覺.

我估, 似係 APPLE 係咁投資去大陸. 大陸俾面佢做 D 野.
你係大陸政府, 情願得罪 APPLE, 定得罪 D 蟻民 ?

APPLE 今年話去大陸開乜乜中心. 又可以請人. 又可以俾大陸去監控, 仲要入大陸地方入面.......大陸都變首發.
但香港港始終有大陸人鐘愛. 而家又未監控, 遲下就好難講.

TOP

又來别了华强北,3年前開始封路建地下鐵,大陸班水軍就年年出膠post,吹华強死都吹足3年,果然5毛是内地最大産業,終於明白宝强離婚怎麼做到3天250萬個post,1個億回覆量

TOP

其實整死華強北對深圳政府有咩好處?
當然華強北對我來講都只係放手機或買周邊野既地方,買電話就......

TOP

又來别了华强北,3年前開始封路建地下鐵,大陸班水軍就年年出膠post,吹华強死都吹足3年,果然5毛是内地最 ...
tommy9353 發表於 2016-8-21 13:34

哈,唔講唔覺一講就覺,華強北無論電話定電腦,真係吹左好多年

TOP

唔覺.

我估, 似係 APPLE 係咁投資去大陸. 大陸俾面佢做 D 野.
你係大陸政府, 情願得罪 APPLE, 定得 ...
bobopig 發表於 2016-8-21 13:27

乜強國政府會比面外資既咩

TOP