難敵一張 A4 紙的高度!小米 MIX 一跌即爆 Mon

本帖最後由 diotong 於 2016-11-3 11:46 編輯

一張 A4 紙的長度大約 30cm,就是約 1 呎左右,究竟一部手機從一張 A4 紙的高度跌下,會有什麼損傷呢?印度手機網站 PhoneRadar 日前在測試小米 Mix 的時候,就為了拍攝手機的外觀將真皮保護套移除,再利用小米提供的吸盤手機座支撐著手機拍攝,突然間吸盤突然鬆脫,手機就從少於 1 呎的高度跌下。

結果就是如上圖一般,屏幕玻璃連同陶瓷物料機殼崩掉了一角,屏幕亦有一條長長的裂紋橫跨左至右。由於小米 Mix 採用了懸臂壓電陶瓷震動技術傳送聲音,PhoneRadar 在屏幕破裂後測試通話,發現質素未受影響。PhoneRadar 表示手機將需要更換觸控面板,但因為屏幕本身屬於小米特別定制的,相信價格不會便宜,他們又認為如果小米採用 Gorilla 強化玻璃,未必會出現相同情況。此外,網站亦特別提到小米放棄傳統的膠水或黏合劑,改以入榫式裝嵌機身和屏幕。

今次並非小米 Mix 的第一爆,日前在大陸的杭州小米之家,有試機人士已經不慎跣手將小米 Mix 跌落地,結果比 PhoneRadar 的更嚴重,屏幕大範圍碎裂之餘,就連陶瓷外殼亦斷裂爆開。似乎考慮購買小米 Mix 的消費者,要使用保護套並確保手機不會被跌碰,因為 1 呎的高度都足以致命。

http://unwire.hk/2016/11/03/mi-m ... -fall/mobile-phone/

肯定係高仿假貨

TOP

本帖最後由 diotong 於 2016-11-3 11:56 編輯

小米打手mode練習,集思廣益 :
跌爆都好過3星自爆,好過LG倒水電,
你用手機就預比人開後門啦,真係好多謝小米令佢有cheap機用。

TOP

圖在那?

TOP

其實好正常,陶瓷外殼+玻璃MON,一跌實爆,唔爆就有鬼啦。

TOP

等於一隻瓷杯,一隻玻璃杯,跌落地,你估唔估到邊隻唔爆?估計唔會有人估到,如果賭一鋪,亦唔會有人敢賭。

TOP

其實講到耐磨,耐跌,塑料係最好,硬度亦可以做到硬過鋼鐵,但唔知點解手機廠家要用乜陶瓷,乜合金,簡直不知所謂。

TOP

我一早話唔會買陶瓷外殼嘅機,嗰時有人話係我嘅問題

TOP

其實講到耐磨,耐跌,塑料係最好,硬度亦可以做到硬過鋼鐵,但唔知點解手機廠家要用乜陶瓷,乜合金,簡直不 ...
midtor 發表於 2016-11-3 11:55



    係呀,我一直想手機回歸靚膠。

一切都係由於 iPhone 4 開始,用乜鬼玻璃做手機外殼,屎忽痕。跟住又搞到話金屬好高貴,啲人嘅審美觀真係好垃圾。

無辦法,廠家為咗回應呢啲垃圾嘅審美觀唯有用啲騎呢物料做機殼,標奇立異。。

TOP

所以我欣賞 MIX 嘅屏幕佔比,但唔該出隻膠殼嘅我先會考慮買

TOP