V20 小小苦主用家分享

一眾打手敏感症嘅兄弟就先請高抬貴手, 小弟唔係郁下換新機,買得既都想用返佢兩三年,所以當係睇下我哩個小小苦主呻兩句咁既心態睇落去會好啲

用咗兩個星期,你話佢好順好好電力就絕對唔係,用番我上一部Vega iron 2黎比,就算用咗兩年幾但個續航力都比用咗兩星期V20高(仲要都幾明顯)而以前從來唔駛就住火力全開乜app都著住,嗰面down緊tubemate大大套片,哩面睇緊高source相片,背後播緊歌,whatsapp,FB,乜都齊,再入相機影張相都冇問題.....但V20就明顯做唔到,尤其用海豚,或tubemate,只要稍為離開,番轉頭就一堆死圖要refresh至睇到,開啲大相,又或用快圖瀏覽淨係load thumbnail都覺慢咗,我就當你7.0大食,咁你都已經多咗成激ram啦,唉

另真心請教,喺V20有用快圖既師兄,點解佢啲thumbnail咁容易會從新load過?入去睇個app啲cache成日自己清(當然我冇set任何自動清cache既野)而且都幾常會强關,又講,以前未試過咁滯

係,講真影相聽歌我覺得已經唔錯,但有個我發誓下部唔會再用ips mon機既問題,點解事隔幾年,再用LG,個mon都係有橫紋架!!!係,相較我對上一部p880,確係冇咁明顯,但有就係有(我認我聞mon)究竟係ips問題定LG工藝問題?又講,今次堅係好驚個mon再入塵(我部p880就係中哩樣頂唔順至換走)講開工藝,V20確係麻麻,背蓋同上下機身摸真有幾明顯高低級

又講今時今日買得V20既,我諗有九成貪佢換得電,但係問題又嚟喇.....LG set 個媒體庫真心怪雞,以前用p880,剷張相都要成部機重新掃描媒體,搞到歌都唔播得住要等佢掃完(心諗,今時今日仲咁真係死得)V20當然冇哩個問題,但都奇奇怪怪,經常係第二度搬過或删過相,原生相簿都慢過人知道,而最搞笑既係,關機換電再開,佢既歌庫係重新掃過,所以你無論剛加咗啲咩新歌落去,佢個“最近新增歌曲”都係你sd card 最尾個file既歌,真係冇得再低能(反而佢走去記住你之前播緊咩歌幾分幾秒,話佢低能冇話錯)

冇既,唔買都買咗,小弟又係重重度用者,唯有焗住用落,鬼叫佢係僅存有得換電插咭既機咩

有圖冇真相

TOP

有圖冇真相
mcflurry 發表於 2016-11-11 13:12



    要咩圖好?

TOP

唔好傻啦,玩過V20無你所謂問題喎,
無圖

TOP

V20吾係咁差?

TOP

Vega iron 2 幾靚喎~

TOP

開心使用中啵

TOP

都預咗會咁.....其實我所講既又唔算係啲乜嘢大問題既,咁我自己用緊有咁既領受,而你又“真”係用緊而又冇我所講既情況,我恭喜都嚟唔切啦

TOP

回覆 1# simmom

為咗釋除其他會員嘅疑慮,你就簡單貼吓屏幕橫紋或者嚴重倒水電嘅圖片啦....

To其他會員:切勿作出灌水或存在惡意嘅回覆。版主示

TOP

要靚Mon 買Sony 有部有4k

TOP