[新聞]三星A7爆炸,代理:1500

【東方日報專訊】【本報訊】再有三星手提電話叉電時爆炸冒煙,用戶情急之下拿起電話,但因燙手電話跌落地撞崩角,後到三星維修,三星竟稱「跌崩非自然損耗,要收一千五百元維修費。」用戶不滿向本報反映,三星在本報查詢下才說不收維修費。

任職保安員的顏先生年初買了三星A7手提電話,上月(十一月)七日晚,他用原裝叉電火牛叉電話,十多分鐘後,電話傳來「滋滋」聲,突然發出「啪」一聲,冒出白煙。顏先生拿起電話檢查,形容「好似拎咗個火球上手」,電話跌落地,右下角撞崩。他發現機背隆起,機身出現裂縫,寬度足可塞入一個五角硬幣。翌日,他拿電話到三星位於旺角的維修中心。

本報助查詢方獲免維修費

顏先生說維修部職員檢視其電話五分鐘後,指電話有一年自然損耗維修,但當他查問早前Note7爆炸,其電話電池是否同一類時,職員改口說:「個角似乎係跌崩,非自然損耗,要收千五元維修費。」顏先生之後向本報求助。記者陪顏先生再到維修中心,他向職員重申電池有問題,最終職員收下電話表示要交工程師詳細檢查。三星回覆本報稱,詳細原因有待詳細檢查,並表示不會向該顧客收取維修費,但拒絕透露還有多少宗同類事故。

理工大學前機械工程學系工程師盧覺強說:「叉電僅十多分鐘,電池便過熱、短路、爆炸,反映電池質量好差!一般來說,電池有保護裝置,叉滿電後斷電,不會令電池過熱。」


邊個話到今日,三星己經無左壞機先1500傳說

原本免費整,因為機主多口又提 note7 門,
CS 想嚇到佢走人  

TOP

重點係爆炸竟然唔CHECK 勁!!

TOP

【東方日報專訊】【本報訊】再有三星手提電話叉電時爆炸冒煙,用戶情急之下拿起電話,但因燙手電話跌落地撞 ...
DGCNYO 發表於 2016-12-6 15:15


好彩CS用$1500大走佢,佢先有機會揾記者做證,
如果收咗部機先,屈返你人為外部加熱   

TOP

又開多個post, ....一單野又要睇幾十個post..

TOP

又開多個post, ....一單野又要睇幾十個post..
rcyw 發表於 2016-12-6 20:22


好事傳千里

TOP

理工大學前機械工程學系工程師
大學工程學系入面,搵個學生都可以叫工程師架啦

via HKEPC Reader for Android

TOP

好彩CS用$1500大走佢,佢先有機會揾記者做證,
如果收咗部機先,屈返你人為外部加熱     ...
itpeanut 發表於 2016-12-6 19:59


其實係個 CS 白痴

TOP

其實係個 CS 白痴
BenKewell 發表於 2016-12-6 22:49



    其實咁,同無標準一樣,任佢講

TOP

其實咁,同無標準一樣,任佢講
DGCNYO 發表於 2016-12-6 23:03


    真誠好重要

TOP

相關文章