日光日白D相.真係嘩左一聲.係掂,但M9我個人喜歡D.

TOP

本帖最後由 小林尊 於 2016-11-17 14:07 編輯

今日開箱見到係B109SP1版本,可以吾使退
附件: 您需要登錄才可以下載或查看附件。沒有帳號?註冊

TOP

日光日白D相.真係嘩左一聲.係掂,但M9我個人喜歡D.
wingkps2 發表於 2016-11-17 13:47



10倍價錢

轉左digital之後, 又唔覺得Leica相比起其他廠有咩優勢.

btw 01果個起碼公道D, 講到明冇帶腳架全手持

TOP

主題:到埗!價合理!華為 Mate 9 開箱評測 試 Kirin 960 效能 + Leica 雙鏡頭



華為 Mate 9 剛在德國發表時,開價成港幣差不多六千幾,其實真係有點嚇人。當然啦,呢個價錢仲未扣取銷售稅,所以並唔能夠完全作準。終於,Mate 9 水貨今日終於正式抵港,賣價又無想像中咁昂貴,至少版主覺得,都算是一個合理的價錢,到底 Mate 9 第一水賣價幾多呢?下文會講,而版主亦都會在這篇文章中,同大家搶先做個開箱測試,等大家可以更清楚知道,到底呢部 Mate 9 是何方神聖。睇下文啦!

開箱!保留 Mate 8 風格,但手感更佳!

華為 Mate 9 水貨今日抵港,在旺角先達可以找到 4GB RAM + 64GB ROM 的版本,第一水賣價大約為 $5080,呢個價錢,版主覺得又可以接受,唔係話平,但亦不算貴。無嘅,雖然 Mate 9 在外型設計方面,並不能給到我太多的驚喜,不過,佢嘅貴多得佢個 Leica 鏡頭,乜都值啦係唔係先?今代的 Mate 9 同上代最大的唔同,就係主相機用上了垂直的雙鏡頭,其餘的部份俾我感覺上,同 Mate 8 唔差太遠,屏幕比 Mate 8 細左 0.1 吋,但拎上手的手感,就相對更加好揸手。


▲ 開箱!首先可以見到,Mate 9 的包裝盒係黑漆漆的,而正面的下方,會見到有寫住「Leica DUAL CAMERA」的字樣。


▲ 打開個盒,首先你會見到會有部 Mate 9,版主今次開箱的是金色的版本,然後隔離就寫住「HUAWEI DESIGN」。





▲ 左邊個盒會有支 SIM 卡針、透明保護殼以及說明書。


▲ 而右邊果個盒,則有 USB 線、microUSB to Type-C 轉換器、插頭 (因為係水貨,所以插頭係雙腳頭) 以及耳機。


▲ 睇完盒入面有啲乜嘢跟機配件,係時候睇下部機,首先啦,Mate 9 採用了 5.9 吋 FHD 屏幕。


▲ 望真啲,雙鏡頭之間有寫住「LEICA」,而右側就寫住「SUMMARIT-H 1:2.2 / 27 ASPH」。光圈得 F2.2,網友覺得夠唔夠呢?

Kirin 960 處理器真係有咁勁?Mate 9 跑分軟件試效能

目前香港有的版本,是 4GB RAM + 64GB ROM 的 Mate 9,配備了 Kirin 960 處理器,之前 Huawei 好巴閉咁講到,呢粒處理器無論是 CPU 還是 GPU 效能上,都能夠完勝 Qualcomm S820 / S821 處理器,係唔係真係咁勁?實質的使用感受,版主暫時就無辦法感受到 (因為不是長借),淨係覺得,download 嘢果陣速度好似飛嘅一樣,呢點版主真係可以明顯感受到。不過,目前版主可以借助安兔兔、Basemark ES2.0 Taiji Free 等跑分軟件,睇下呢部 Mate 9 的分數如何,都可以當成是一個參考的指標。即刻睇睇!


▲ 首先係安兔兔,可以見到安兔兔跑分為 127246 分,就咁睇分數,其實並不覺得特別高分,不過可以見到,Mate 9 在 3D 以及 UX 的分數都相當不錯,睇黎 Mate 9 真係改善了 GPU 的問題。


▲ 睇埋 Basemark ES 2.0 Taiji Free,呢個 App 係用來測試手機在玩 3D 遊戲時的效能。滿分為 60 分,Mate 9 得出 61.44 分,爆哂分,即係表示用 Mate 9 玩遊戲,理論上會非常流暢。


▲ 至於 Vellamo 又如何呢?呢隻軟件分為三個部分,分別為瀏覽器、金屬以及多核。瀏覽器方面版主選用了不少人使用的 Google Chrome,得出 7172 呢個非常好的分數,表示用 Chrome 上網的體驗應該會非常順暢!至於金屬以及多核,都是用來測試手機的整體效能,除了金屬部份有少許出乎意料的低之外,多核的表現還是相當不錯。

Leica 雙鏡頭,影相表現如何呢?即刻睇相!

今代的華為 Mate 9,主相機方面改用了雙鏡頭設計,兩個鏡頭之中,一個用上 F2.2 光圈的 2000 萬像素黑白感光元件,而另一個則用上 1200 萬像素 RGB 感光元件,同樣都是有 Leica 認証,理論上在拍攝的時候,白平衡應該能夠有所優化,配合第二個鏡頭,亦能夠有助造出更佳的景深效果。另外,Mate 9 亦具備完善的手動模式 (M Mode),最高可以調校至 30s 的快門速度,用來影車軌、流水效果,非常有用。而 Mate 9 亦跟 P9 一樣,具備「鮮豔色彩」以及「流暢色彩」兩種模式。當然,版主比較喜歡的,是「鮮豔色彩」,感覺上顏色會更飽和。




▲ Mate 9 具備手動模式 (M Mode),你可以按自己的需要,自行調校 ISO、快門、曝光等設定,營造你最喜歡的效果。


▲ 而 Mate 9 亦具備大光圈模式,左圖為關閉是的效果,而右圖是開啟了「大光圈模式」的效果,可以見到,雖然無開到果陣,都會有景深效果,但開啟左之後,會相對明顯左。

小結

版主可以上手測試的時間有限,未能詳細地感受,Mate 9 在實際使用上的效能,只能單純從跑分、相機方面,簡單試玩一下。跑分唔使版主講,都知道 Kirin 960 並不算太差,驚喜的是,Kirin 960 似乎在 GPU 效能上有明顯的提升。而試相部份,版主覺得無論在手機上看,抑或是放到電腦上看,成像質素都不算是太差,是水準之上。而雙鏡頭的作用,更在大光圈模式下,展現出來。唔知網友又點睇呢?

TOP

回覆 613# epidauros


    又唔可咁講既.色水情意結.加埋奶味.工藝.ED都係品味野.唔可用錢去衡量既.

TOP

港行唔受影響吧?
epidauros 發表於 2016-11-17 01:22 PM

唔影響。

via HKEPC Reader for Android

TOP

01果邊出左比較詳細測評, 大家可以去睇睇.
andypson 發表於 2016-11-17 13:09

Thx,師兄

TOP

本帖最後由 stephen1029dog 於 2016-11-17 14:58 編輯

存储卡类型        microSD 卡
最大支持扩展        外部存储扩展MicroSD 卡(最高支持256GB)(非标配)

唔知有冇C兄知佢支唔支持 uhs -2 ?

TOP

其實先去apkmirror到找個framework=7.0的去裝上去,再加裝google同play store,有冇問題?

TOP

今日開箱見到係B109SP1版本,可以吾使退
小林尊 發表於 2016-11-17 14:02

禁Ching短時間都唔好OTA升級啦,分享多的用後感。

via HKEPC Reader for Android

TOP

相關文章