大部份先達舖「炒燶」 iPhone 6 , 最「甘」蝕過百萬

大部份先達舖「炒燶」 iPhone 6 , 最「甘」蝕過百萬
http://unwire.hk/2014/09/26/sintak-new-way-out/top-news/

今日有傳 iPhone 6 在內地 10 月 10 日開售,所以 unwire 再訪問幾間先達店主詢問今次 iPhone 6 收獲如何,原來間間蝕到「癱癱腰」,最勁蝕過百萬。

百幾粒好難追
我們剛剛訪問了 G-Mobile World 的 Lo  哥,對比上次 iMoney 訪問截至今天起,他們已蝕過百萬了,不過他指 10.1 黃金周情況可能會好一點,只是水位越來越少。他指剛剛出貨那數百台 iPhone 6 只執 $50 一部而已,感嘆那「百幾粒」好難追回。今朝又收到中國行貨 10.10 推出的傳言,雖然消息未能作實,但近 2 – 3 天會收小一點貨以策安全。

頭 2 3 日輸最多
我們再訪問先風數碼店主阿龍,他指頭 2,3 日輸最甘,自己蝕了 20 萬, 不過佢老死的舖頭因為「玩得大」,分別輸左 100 萬 (非 lo 哥店)及 60 萬 。因為回收價跌幅好大令很多人來急急放機,由於每一間舖都需要先「坐貨」再比客,所以在未摸清環境下一定要「有幾多收幾多」以保持對客戶的信任,收夠完貨再比客時,價位已經低無可低,平均一台 iPhone 要輸成 2-3 K 。

改新手法「追貨」找回蝕的 20 萬
華強北今年玩法大變,造成價格波動是太多散客自行上去放機,由於先達收貨是最快翌日才運到中國轉手,回收價是估計中國翌日的價而決定,當大舖覺得明天有「燶味」便開始停收,有人即日北上放機當然還有好價錢便大肆張揚,第二日果然一如所料回落。由於巿場玩法有變,做生意也要找方法搵出路。阿龍留意到今年華強除了散買家多外,還多了一大班直接來收機的人。

以前 :
香港散戶 -> 先達 -> 華強 -> 國內各省

今次:
香港散戶 -> 華強 -> 國內

這兩天:
先達-> (華強外直接交收)  <- 國內買家
散戶 ->(華強外直接交收)  <- 華強店

由以上表格可見,今年資訊流動,每個人都想賺多點,所以「跳過」中間人的角式,香港散戶懂得直接跳過先達;連國內買家都直接跳過華強。

阿龍表示,華強場外遇到差不多每個省市的店都有「專人」買家收貨,由於他們需求大但時間少,基本上沒時間在每個散戶中收那微不足道的 1 , 2 台。由於阿龍持貨比散戶多,所以「有資格」接觸這些大買家,講好價錢就一箱箱 iPhone6  運走。這個「自找買家」的辦法讓他兩天把蝕的 20 萬追平,他相信很多舖開始趁 10.1「追數」,把倉內的大貨跳過華強,直接找中國買家出貨。

好有錢,有百多萬虧,平時應該賺很多

TOP

本帖最後由 Oscon 於 2014-9-27 14:20 編輯

價平稳最好執!

宜家收貨話事佢地好賺。

唔排除自已隊冧。

TOP

先達識話散戶跳過先達上華強做壞市兩敗俱傷.
而家先達就跳過華強直接搵大陸客, 又唔驚兩敗俱傷?

TOP

本帖最後由 Oscon 於 2014-9-27 14:52 編輯

如冇估錯,好快賺突。佢地細機一部差價食千幾,扣埋過關有一千@,大把貨,一千部已執一球。

反而6 plus 冇貨,貴貴都冇用。





利申:唔炒Iphone

TOP

提示: 作者被禁止或刪除 內容自動屏蔽

TOP

唔好人講乜就信係真.

TOP

有幾"甘",以前賺落果D吾駛計?

TOP

我想問先達D貨 如用正途運上大陸,每部打幾多稅 ?

TOP

抵死 抄貴晒 真正用家買不到

TOP

相關文章