用左1020成個月有多啦，真係…

cartier001

如果要用佢嚟同808相比，1020或者wp8.1真係差幾皮，好多細節都係未做得好，唔夠貼心。
從硬件上睇，的確係有進步，起碼唔疾，screen大左，夜攝能力高左。
但好多本來人性化設計就輸比自己嘅先祖 八爺，咁点可以叫做 繼後機 呀？
真係冇辦法說服自 -- 八爺 有嘅， 1020唔係有齊，八爺 做到嘅，竟然 繼後者做唔足，仲要經過咁多方更新 都未掂。
唯逼使我要轉1020嘅原因就只係 八爺 已經冇哂 十仆 ，加上早排1020半價吸客。

不過玩左一個月，真係好多不足之處 ---  
影相   真係差過 八爺，啲色係好鮮，但係好味精囉，w/b又古古怪怪。
相機   嘩 真係叫你做大哥呀，更新左咁多次，但無論，起動，影相都仲係慢過 八爺。 覺唔覺得自己侮辱左 攝影神器 呢四個字？
鬧鐘   講過啦，冇 返轉靜音。
拍片   file size 大過 八爺 嘅片 三倍，用 八爺 拍 全高清 3-40mb/min.  繼後哥 就100-120mb/min。 唔知点解，有冇人識，幫下我手唔該。
File manager   本身係冇嘅，要自己裝，但又好白痴，冇整合OneDrive 可以up 唔可以 Down，要另外走去OneDrive app到睇番自己up嘅野。
OTG   唉，救命，部機容量已經細，又冇插卡，仲要連OTG 都冇，影相拍片file又大過人幾倍。  死得
電筒   八爺 禁住開機制一陣就着燈，雖則有人話呢啲功能可有可無，但當你有急用嘅時候，快兩秒佢就救左你一命啦，仲等你去慢慢揾個app。

之前去幾次旅行出國都係帶 八爺去，都信心十足， 如果你問我下次會唔會 淨係帶 繼後哥 去威？  一定唔會，一陣半路中途唔夠位影相拍片咪仆街？ 去西貢旅行就或者得。
都係 八爺 信得過？ 我兩年幾啲相都儲整啲sd度，仲有三十gb剩，第日再唔多，仲可以買張128gb，吹咩！

唉，好彩三千三買啫。玩多排留比小朋友用。 坐等 第三代 攝影神器 ， 希望到時唔好再令我失望啦。

ntamio

相機十分出色，好想出黎代替平日用相機影相

aussie

因為808有獨立晶片去處理相片, 所以影相快過lumia系列

再加上nokia camera相機app本身係慢。

想快少少可以用返ms嘅內置相機

tkw111475

其實file manager 用來做什麼呢，自我用window phone 8 年半之後無用Android 就無用file manager 了，
所以都忘記了有什麼作用，808 拍照是好，但塞班系統令我吾想用呢，部1020比樓主講到很不行，
來說已取代了我部E-PL1 了。

tkw111475

我主要係,將唔夠位放既野先去cloud
lcska02nkc 發表於 2014-6-16 19:36

    啊,我都是放Onedrive ，入相薄就可上傳Onedrive 了，都沒用什麼file manager 。

cartier001

咪就係好似各位師兄咁話囉，諾記就整埋哂啲野，一範掂到甩轆，一範就輸到甩肶。平均啲 可以嗎？
本來做得好嘅就要 keep住，再針對改善其他範疇。就唔係掉哂啲好嘢，走去搞其他。
唉風 最成功咪就係好全面地以最低嘅價錢張市場上所有嘅第二檔次產物，砌哂落部 唉風 度，再以市場上最高嘅價錢賣出，而市場又好接受，因為質量 ok，
其他品牌，得一再樣野做到頂哂班又如何，其他野就差到唔用得咁滯。
希望 諾記 可以全面提升產品設計同品質啦。但要保留番，間唔時搞下半價呢啲全統美德。

cartier001

回覆 9# lcska02nkc


    係就最好啦。啲咁基本嘅野都要人三催四請。