Lumia 830 用後感,買左之後我好後悔

本帖最後由 c2c2c2c2c2 於 2014-11-15 18:24 編輯

我承認我係SeaFood痕,本來用緊部An機好好地地走去Trade In買左部Lumia 830,我宜家超級後悔。

以下係我呢幾日既感覺
1. 點解d app咁少?
     -原本已經聽聞WP d app少,但係點解會少得咁鬼可憐,除左夠日常使用之外呢,無聊App幾乎冇囉,有時候覺得d 只能夠應付日常生活既app都做得唔係幾好,小缺點一大堆。

2. 點解個界面咁麻煩?
     -開頭買呢部Lumia 830之前我係試過係An機試過Down 個 WP launhcer來玩下睇下係唔係習慣,講真,個WP launcher同真正既WP簡直兩個世界,人地個Launcher塊磚呢,可以大細隨意較,來到WP,一係一格,一係兩格,一係1/4格……然後就冇啦,玩咩……想Show個日曆都Show 唔到……,仲有,係磚牆加App麻煩到核爆,點解唔得直接禁實個App直接拖去想要既磚度呢?仲有,佢有冇得自動排列咖,成個磚牆純手動咖,有冇得較話我刪左一塊磚之後另外一塊磚可以自動補位咖?個App list用第二種排版得唔得啊?下下搵app都要數筆劃……好似小學生學查字典咁……

3. 提示欄點解咁智障?
     - 人地An機提示欄幾咁好用先得咖,可以選擇各種場景模式,可以睇兼且提示邊個App出既Message,聽歌app可以直接係提示欄個度close 就搞點,宜家呢部830呢,提示欄基本係廢物,音效模式冇得選擇,message就一個Icon就算啦,打開個欄先知道係乜野,仲有啊,點解WP咁憎Show個時間出來呢?幾乎所有app 一入到去就自動隱藏個提示欄,大佬我聽歌睇報紙都要睇時間,睇下邊個大俠send message俾我咖。

4. Wifi Direcr呢?
    -今時今日,一部智能手機居然冇Wifi direct!我無語!

5. 充電自動開機
    -關機充電簡直冇可能,就算關機之後插返個電源就直接開機,Nokia官網仲話呢個係佢地特別設計,我想講呢個設計我唔喜歡!

6. 點解鬧鐘音量同其他音量放埋一齊咖?
    - 我真系超級諗唔明呢個設計,如果我平時返工中意要2個音量,但係因為我爛瞓,鬧鐘要10個音量,佢個鈴聲音量選擇只係得一個選擇,設計個條友有冇諗過呢個問題既呢?

7. 其實音樂點關?
    - 聽聽下歌唔想聽,又出左去睇緊新聞,要關個音樂煩到要麓返個app出來先停到,後來先有人教,有個專門既app可以關音樂咖,點解要設計到個OS連關一個音樂都咁麻煩呢?

8. 提示燈,點解你唔出提示燈
    - Miss call, IM, SMS 關左電話唯一可以向外界長時間提示既野唯獨提示燈最方便,Nokia傻的嗎?求其來message 著下個Mon 就算,過左兩分鐘之後熄左Mon之後完全唔知發生乜事咖喔,人地An機宜家都到左連提示燈顏色都可以換啦,咁都唔加返粒,唉!

9. 音樂app
     - 原生個音樂APP垃圾都唔垃圾,冇得指定File播放,add歌入Play list冇得Select all,排版個度點解係要用筆劃呢,點解唔得俾我自由選擇係按日期 英文優先 還是中文優先呢。仲有我中意全部歌shuffle來播咖喔,連呢個Function都冇,屎!就算係Market上邊d音樂app都唔覺得好得去邊,想要個d野一概都冇,我都唔係要求高姐,人地An機原生個一個呢d全部有曬。

10. 點解我每次靜音都要用音量鍵先Call 到個音量List 出來,你地唔識得整個Soft key係提示欄個度既咩……

11. 點解我每次係windowsphone.com上邊話安裝既App永遠都送唔到落我部電話度咖?
      - 明明已經跟足晒佢要求係“尋找尋找我的電話”剔個“使用推送xxxxxx",Wifi 同 電話網絡都試過,一味就識得send link去我個outlook。大佬我家陣想網上邊安裝啊,你咁樣我不如係Market自己麓算啦。

12. 點解我想用自己個outlook account 加個頭像都咁鬼麻煩?
      - outlook /hotmail 連絡人個板係唔係加唔到頭像咖?得自己電話個contact list 先加到咖?電話就算用outlook.com個account 既contact list 加左頭像都好似同步唔到既,好掛住google個度一個gmail入邊個超方便既Grouping 同加人樣囉。

13. 裝Gmail account?
      - 點解我好似add埋個Gmail account入來之後 裝唔到app既?

14. 點樣驗證咖,點解咁鬼麻煩要驗證呢個驗證個嗰咖?
      - 我都係稍微想改小小野姐,點解佢係咁叫我係自己個account 個度驗來驗去既呢?最抵死係點解guide到我down 個驗證app,居然會話not available for 咩我個region……想點啊!!!?同埋驗來做乜呢?

15. 點解改小小setting都要reboot既呢?
      - 改語言要reboot都由你啦,但係其他唔知設定個地區都要reboot……,咸豐年前d電話都唔洗搞呢d野啦

16. 家長控制!唔開唔俾Down app
      - 邊度有人整電話整到咁煩咖,一大堆驗證,然後打死都要係IE度Login 先俾我開個咩家長控制既野,之後我都唔記得點set先可以係電話個Market度 down 到app, 仲要唔係set信用卡喔,信用卡俾錢既電腦比電話安全d,要電腦set我理解,大佬我連down 免費app都咁,微軟佢班友個腦諗乜咖?

17. 4/11/2014 update 點解聽隻歌仔都聽得咁唔爽?
可以講我部830經常聽歌彈App,原生player係咁,係Store 大大話話Down左成10個Music player,彈App情況冇都改善過囉(d歌全部從舊機轉過來,以前聽得好Happy咖),仲有我感覺好多聽歌App播緊乜歌呢,入個原生個player都可以見到播緊個歌名,我可唔可以理解為,其實我點down app都冇用啦,所有player都只係原生player既馬甲,原生個屎其他app都無能為力啊?
中文歌亂碼情況好嚴重,就算用電腦MP3tag之類既軟件整完都繼續亂碼,當然an機好多app會同我解決到問題啦,但系轉左呢邊之後就冇大俠處理呢d問題了。係啊,我真系覺得自己好似各位Ching咁講未習慣個界面,哪怕係聽歌呢d僅有既娛樂,個心態同思維都要調整下。

18. Glance screen我真系覺得多舊魚
講真,所有info 呢,我指所有Miss call, IM ,時間,全都係Lockscreen show 到出來,咁Glance screen 個功能其實重疊左,同埋加左Glance screen之後,我仲敲多幾下先解到鎖,有d唔明佢整來做乜,宜家直接關左就算。

19.唔好講笑,震機真系超級弱
電話打過來震兩下就冇貨咖啦,插住個Headphone更加廢,震得又短又弱,成日搞到自己Miss call

20.整個接通震一下洗死咩?
又話駁緊電話個陣輻射最大,OK咁接通之後稍微提示下先去聽囉,接通震動呢d基本野都唔整個,又唔系乜野新技術啊。

21. 超級sad,APPS質量真系
係啊,今日line send左段野過來啊,話我個版本唔支持唔知乜啊,又冇更新wo。微軟有冇主動去接觸d出名既app做下開發同優化咖?我覺得冇囉~我知道其他兩間會做呢d野。微軟d app 呢,就算有新版本都好,偶爾都出現“呢個版本唔支持呢個功能”之類既message。So far QQ Wechat Line都有呢d情況,有d App好似Line whos call 咁完全係d fans自己開發。成個智能電話個生態圈完全由App支撐,佢就好似唔 care咁。想轉會既人真係要三思,佢d app 夠用咖咋,app就算三個平台都有呢,佢d功能真系最少,好似whats app為例呢,佢連個屏蔽“輸入中”呢個function都冇咖,9gag 唔可以直接save圖片,GIF save落電話度睇唔到咖,仲好似冇乜好防騷擾既app囉,輸入法冇得換咖,用開9方?wp 個9方傻仔到冇朋友,仲要俾錢先用到,注意呢d細節既人真系米鬼買WP電話好過。Sorry 我又講APP啦,唔洗講咩“基本既都夠用啊”,數量多少呢d生態圈決定既,但係APP既質量問題就係平台決定咖啦,連大軟件商d app 都搞成咁,細個d 更加唔洗講啦,真心講功能超級基本囉,

22. 繼續中……
與其話佢順,倒不如話佢識得拖時間啦,開乜app都翻個磚然後顯示繼續中……之後先入到app畫面,我拎阿媽部米出來一齊開Line試下,佢部一千唔洗既強國米都快過我。其實,你地一直話window phone順,我反而覺得佢係靠圖像優化來掩飾慢既事實囉,呢部電話開好多app都“繼續中……”開相機app仲識得窒機。830 個SPEC 強國機剛剛新出的話一千五應該有交易,佢剛剛新出接近3500,宜家諗返,唔值。

總結:我從一個“過來人”既角度來講,Lumia 830係一部仇人機!好弱智,好難用,好麻煩。
奉勸大家!買之前要諗清楚,Lumia 830,尤其係轉會個d人,習慣呢個弱智OS係要d時間

WP市佔率咁低其實真唔係冇原因,個界面冇大家講到咁User friendly, 好多限制,好多野甚至冇添。An 機轉Apple甚至BBM大家好容易習慣,因為真係差唔多,但係轉WP就會發現呢度少個度少,要重新調整心態。Lumia 一直用鏡頭做招來,但係除左鏡頭背後,好多地方都係差。WP你個System都唔知嚇怕左幾多潛在客戶。

成日d人話WP 8.1 已經改善好多咖啦,WP7年代應該更加差啦?點解仲有人用得到……?人地IOS 同An 個system 兩年前都已經成曬形啦,點解windows phone開發左咁多代仲咁似Beta版咖?跟住仲有成班人大叫好用好用,唔好意思真系feel唔到有乜咁好用。IOS自由度低但係APPS質量超高,Android自由度高,用家最多,APPs質量普通,但勝在多人用feed back夠,開始唔差得過IOS,WP自由度低,App少,質量都差,同一隻APP一比較落來就知道。呢排我係度諗,究竟係唔係WP用家同M$都係自成一角,冇比較,甚至唔會諗過比較其他既優劣,搞到自己閉門造車?衰d講,以前多普達既Windows mobile體驗好過宜家既WP多多聲,至少係界面上邊直接,簡潔,功能樣樣實用,宜家WP太做作啦

最後,我絕對唔系一個打手,我係一個用左幾日830既用家,我係從華為3C轉過來,呢篇野絕對係發自內心。BTW相要求到先補啦

我就係鐘意佢少APP,認真咁多app用得幾多個,太多功能會令自已做野分心

TOP

我有過部Lumia 720 和Lumia 525
除左個蔡司鏡頭令人念念不此之外 其他野不值一提
用開Android機再轉佢個OS跟本係自殺
不過總係會有D人接受到  咁由得佢喇

TOP

人乜用咩都乜d

TOP

沒辦法,聰明人遇到一件比他更聰明的物體!

TOP

唔LIKE就咪用囉
我之前用ANDROID轉過去win phone完全唔覺有問題
下部換機都會繼續用win phone

TOP

呢位樓主既想法相信好多人都有
我只有講一句"WP唔適合你"
其實,若果我轉用and機,我相信我可以寫一篇比呢篇更長既文章

用咩機沒有對錯,百貨中百客

TOP

而篇嘢, 如果轉左 iPhone,好多 point 都岩用 wor

我係由 an 機轉過黎, 用得好開心, 用左2年 920 無乜大問題, 影相好OK,
係因為唔見左見出 930, 我好似中左毒, 離唔開 wp
930影相更正, 真係除左無機打而個問題, 我覺得 wp好過哂其他

TOP

I like WP, love the live tilt, but I agree with you, insufficient app is an issue

TOP

以前七代用到忟!
而家已經好好用!
最好用一定係蛇果﹙利申,你講嘅我都用過﹚

TOP