廣州電子遊之解放北路簡易攻略巧遇電子寶藥黨

本帖最後由 andy1234 於 2012-5-20 00:18 編輯

好多c兄出post, 想到廣州尋寶, 小弟獻醜吹水一下, 廣州電子料及五金野比較集中系解放北路, 所以今次集中吹水, 幾個鐘應可以行曬. 相片唔系幾得請多多見諒.

路線一, 羅湖過關-->步行五分鐘到火車站坐'和諧號'火車, 約20分鐘一班, 80人仔二等, 車程70分鐘左右, 出閘轉落地鐵, 應該系1號線, 幾蚊人仔,坐到'公園前'站出站就到, 步行到解放北約1分鐘就到.

路線二,坐廣州直通巴士, 3個半小時到, 要迎賓館(尾站)落車, 唔落都比司機掃落車架, 步行3分鍾就到, 90港銀, 亦可以在此買回程票.

迎賓館站 (1), 出門口轉右;




沿途樹影處處, 2-3分鍾後見到"解放北路"車路標誌;




再行1分鐘如見唔到"六榕寺"既路牌(2), 即系你行錯, 可以行到北京;


見到"六榕寺"既路牌往右邊2點鐘方向望望, 系! 你己經到, 先泥一個五金商場.


有五金鑼絲水喉雜野;


往右轉沿五金商場行下條街(半分鍾)就見到'將軍東路'(3), 大家可以在兩旁尋寶; 電、風扇麼打、雜野都有;




行到街尾有一個左邊"新達五金電器商場"(4), 右邊"將軍東電器城"(5), 電器城地下有d喇吧線圈, 亦有卡啦ok, 等等成品野, 上層有手机、電腦野, 不過唔好同華強比!




冒比人追打危險, 系電器城閃左幾張相,






街盡頭看見了"粵華街"(6), 有時間入裡面可以睇下正宗'西關大屋', 不過宜家向左轉, 有d儀器它表商鋪,


行1分鐘到十字路口(7), 過左馬路看見"譽隆電子商行"(8), 那邊多d電子嘢, 廣州電子鼻祖"陶街"亦系果邊,
附件: 您需要登錄才可以下載或查看附件。沒有帳號?註冊

本帖最後由 andy1234 於 2012-5-19 19:02 編輯

亦可以過另外一便馬路, 約一分鐘到看到"公園前"站(9), 可能踫到有c兄坐火車剛剛出站呢;


可以系站內醫肚, 有大快活, subway, 仙踪林等等.


好! 講番過左馬路既"譽隆電子商行", 有d 义宝充電尼類林沈野, CD、DVD頭, TV及LCD維修件亦可以揾到,


再行高處看到'新陶街'(10), 右邊系有"陶街'來源, 當然無禁笨系烈日當空下研究"陶街'來源, '新陶街'旁商場有幾層,
下層有d音響Cap料, 上層有中古物, '膠'節音響、胆机、胆、黑膠等,








"陶街'牌後面有大量小鋪林沈野,


商場後便小街亦有大量小鋪,


剛才提及的"粵華街",


仲有一個"电器(五金)集市系地下層, 以前應系車場, 黑媽媽, 主攻中古電鑽工具等, 冒比人追九條街速閃一幅;




尋宝完, 沿大路有大d商鋪 (11), 一路行幾分鍾都有, Cap、電阻、原子粒、FET、OPAMP都會揾到.


附地圖兩張, 希望有用.



行行吓, 見到有人賣高科技電子零件, 話可以賺幾個開, 迷迷糊糊買左一堆, 各位c兄睇睇系唔系流嘢!


125度高純度架;




一堆固態OS CON 105度; 買d高volt數, 20、25V香港好貴,


一堆Elna Starget, 飛立, Silmic;



系唔系遇到寶藥黨呀?
附件: 您需要登錄才可以下載或查看附件。沒有帳號?註冊

TOP

師兄真係撞正寶藥黨........

TOP

惠福路嗰邊你都無行,你一出迎賓館就行咗左手邊.....其實右手邊仲多電子野...

TOP

回復 2# andy1234


    你睇住D貨先,我一陣用十倍價同你賣左佢,你身上仲有幾多錢?我幫你去入多D貨!

TOP

其實維住個圈都夠曬你行,三個鍾都行唔曬....ching只係行咗一半咁大把.....

TOP

回復 6# bennyepc

如果天氣熱, 三個鐘頂唔住. 十字街口有間百貨公司, 裡面有KFC, 揾洗手間小休都可以.

TOP

果幾粒粉藍色 Nichicon 係假的程度極高.......  
其他的因為相片唔夠光,睇唔清楚.....  不過係假的一d都唔出奇......

TOP

果幾粒粉藍色 Nichicon 係假的程度極高.......  
其他的因為相片唔夠光,睇唔清楚.....  不過係假的一d都 ...
patmb 發表於 2012-5-19 20:54


假的真不了?


附件: 您需要登錄才可以下載或查看附件。沒有帳號?註冊

TOP

哈哈, 大鄉里上廣州自由行, 記低路線有機會上去行下.

TOP