冷氣機不銹鋼托盤

夏天冷氣機漏水, 為免被人投訴滋擾其他人, 想DIY冷氣機托盤, 膠喉好易搵到, 托盤唔知邊樹有? 另外托盤係咪不銹鋼好D,  多謝大家賜教.

本帖最後由 amb_cpl 於 2012-8-3 17:04 編輯

如果漏水既地方只有小部份, 可以用半個汽水罐 + 魚缸用軟氣喉 DIY... 但係當然要夠手長穏固到係漏水既冷氣底啦~

不锈鋼盤 (冷氣机底盤) 可以係廣東道 / 新填地街搵到

TOP

總係覺得喺大部份情況下..........,
加水盤都係師父搵$$其中一度板斧。
除非裝機箇陳斜水唔夠,原裝去水位又因為貪方便頂死咗,
用番製造商設計既去水咀,去水兜係最理想,
仲有係箇啲大大隻既水盤好多時都係俾啲師父裝到唔湯唔水.............

TOP

印象這附近有間專買冷氣機水盤的鋪頭.

附件: 您需要登錄才可以下載或查看附件。沒有帳號?註冊

TOP

唔該各位, 大家真係熱心.... ...今晚去睇睇, 其實都唔知邊樹漏, 所以裝托盤教穩妥, 都見到上下層單位都有裝, 但打完十號風球, 有些托盤不翼而飛, 可見一D CF 功夫同業餘都咁上下, 所以想自己DIY一下.

TOP

我去屋企附近五金舖就有現成膠冷氣水盘賣,有大,小兩款,成套有埋喉我相信好多普通五金舖都有賣 ,唔使去咁遠買。

TOP

我去屋企附近五金舖就有現成膠冷氣水盘賣,有大,小兩款,成套有埋喉我相信好多普通五金舖都有賣 ,唔使去 ...
gorto 發表於 2012-8-3 17:23


唔該哂....今晚順便都去旺角, 所以去睇睇, 如果搵唔到, 會試試就近五金鋪.

TOP

我用金沙朱古力膠盤整左個,幾得夠薄身,我公屋條實焦走來嘈,現在發現個水盤一滴水都無,都唔知條友為乜來。因為外面非常熱,蒸發晒。

TOP

如果係公屋,開窗果位同個水盆會頂到實,好難整得好,買回來的都裝不到。

要自已訂造。

TOP

http://goo.gl/maps/aeh49
SSP長沙灣道有白鐵賣的

TOP