磷鐵鋰電池問題

唔知大家有無聽過一種鋰電叫磷鐵鋰電池?比起鋰離子用係大電流環境下好似更好更平,但因為個專利仲有兩三年先過期所以好似未有大力發展

但係 TB 上就有幾多呢類 12v / 24v 電賣,我諗大家都知 100% 假既

不過除左拆開電池外,又有無方法去驗真係磷鐵電,定係普通鋰電?

應該是磷酸鋰鐵(wiki),其工作電壓是3.2V,與鋰離子的3.7V不同,可透過量度電壓和容量來分辨。

TOP

就咁度電壓同容量就知係咩鋰電?係唔係用個電流錶就可以呢?

TOP

就咁度電壓同容量就知係咩鋰電?係唔係用個電流錶就可以呢?
jerrychf 發表於 2014-6-18 14:51


電流錶唔得, 電壓錶先得
最簡單用萬用電錶
其實冇話假唔假
只係普通鋰電池係3.7V
但係好多時D電器既工作電壓係3V既倍數, 唔係3.7V既倍數
咁就用3.2V鐵鋰電池較適哈

TOP

磷酸鋰鐵電池充滿的電壓是3.6V,如果粒電的電壓在3.7V以上一定不是磷酸鋰鐵。如果用粒電係3.6V,可以拖粒幾ohm的水泥電阻用1A放電。裝假狗的鋰離子電因為無電會大幅跌volt,滿電的磷酸鋰鐵電池就不會,再者無電的鋰離子電放電時間會短很多。

不過,我覺得賣家未必會用鋰離子電扮磷酸鋰鐵電,因為搵得磷酸鋰鐵電的都應該有專門用途,一試就會見光死。要呃都呃那些淨係識貪容量大的人,搵粒1500mAh鋰離子包起佢扮4000mAh仲易得手。

TOP

樓上+1,可以用充電放電來試。真既磷酸鐵鋰放電放到好低電壓都無事,鋰電基本上就廢了······

TOP

本帖最後由 jerrychf 於 2014-6-18 23:25 編輯

多謝大家!

咁請問如果係用萬用電壓錶睇電池,如果係真既磷酸鐵鋰放到好低壓既意思係,放左一段時間電之後會可能由原來既 14.6v 降落去 10v 左右,但都可以繼續出電??

因為最近用係 d 12v 摩打上,上網淘左粒 12v 20ah 佢所稱既磷酸鋰電,前日係屋企試就比個 12v 摩打以 13amp 電流行足 120 分鐘以上,最後個摩打依然無慢落黎我就熄左個摩打佢,好似真係幾 work??

TOP