有關UPS的連接問題

已測試過半年, 都出現同樣問題, 請各位大大睇下有咩意見.

現在情況.

因工作車間, 不能24小時供電, 下午食飯同夜晚也會關主電源. UPS連接主機及吊掛系, 已叫車間同事下班時關掉電腦及把拖板連接吊掛線的獨立開關關上. 令UPS不會耗電. 但每天早上回來, 也發現UPS的電源只淨下約30-40%, 公司有幾條吊掛線有同樣的設定, 結果也是一樣. 不知是否又放電又充電的原因下, UPS的電源或底版幾個月就壞.

如果每次下班連UPS都關掉, 不要長開, 係咪會好D? (但在我的概念, UPS又開又關會出現更多問題). 同時另一個問題是主機關機需時(約幾分鐘, 要upload數據), 所以車間人等唔切, 冇可能等到部機熄左先熄UPS, 電腦不正常關機下, 又會出現其他問題.

呢個情況有咩解決方法??

超級感謝!!!

附件: 您需要登錄才可以下載或查看附件。沒有帳號?註冊

回覆 1# jeraldl

外行人多口講兩句
1)睇你描述,似乎吊掛系統同主機似乎有嘢並非直正關機,而係處於備用狀態(例如主機WOL或者隻Mon仍然standby),所以會繼續向UPS攞電。可唔可以試過關機後將兩者從UPS抽走,睇下第朝UPS有無再走電。

2)車間人等唔切?呢個明顯係工場管理問題,趕收工就可唔使正常操作?無理可以比佢地咁做。

TOP

本帖最後由 BEpsilon 於 2014-11-4 12:54 編輯
UPS連接主機及吊掛系
jeraldl 發表於 2014-11-4 12:27

請問是否一台 3000VA UPS 支持一台電腦和一個吊掛系統?
該個吊掛系統用電量大約多少?

叫車間同事下班時關掉電腦及把拖板連接吊掛線的獨立開關關上
jeraldl 發表於 2014-11-4 12:27

如果係每日一次,自動化會可靠D。
唔少 UPS 能以 USB/RS-232 連接到電腦,以便傳送訊號去關掉電腦。
關掉該個吊掛系統就可以用特製電路(e.g. Relay/Contactor)幫手。

同時另一個問題是主機關機需時(約幾分鐘, 要upload數據), 所以車間人等唔切
jeraldl 發表於 2014-11-4 12:27

幾分鐘都等唔切?早D做唔得咩?還是責任感問題?

冇可能等到部機熄左先熄UPS, 電腦不正常關機下, 又會出現其他問題.
jeraldl 發表於 2014-11-4 12:27

都係靠電腦/電子的自動化啦。

TOP

回覆 3# BEpsilon

請問是否一台 3000VA UPS 支持一台電腦和一個吊掛系統?
該個吊掛系統用電量大約多少?

呢個冇計過, 但晒電腦+吊掛, UPS用電量顯示為2格, 試該少於40%吧. 我都唔求佢可以行好耐, 只求可以熄到機+吊掛穩壓就好了.

至於樓上兩位都有提到的人事管理問題, 已反映過, 貼晒notice, 仲要老闆出左聲, 都冇乎! 鬼叫大陸請工人難過乜, 所以就要用電腦去睇下係咪協助到.

電腦電子化因每次下班時間都不同, 所以本身諗住用電腦做schedule都唔得. 但唔知有冇UPS可以check到斷左電, 就即刻send signal比電腦schedule個熄機動作.

TOP

回覆 4# jeraldl

可考慮加一個有交流負載電流檢察開關,個交流电流感開關接繼電器或接觸器去控制個UPS輸出http://item.taobao.com/item.htm? ... ;abbucket=13#detail
   
如有需要可另外係個UPS輸出可再串接一個24小時循環式15A時間掣(以可能的最遲收工時間確定)就算有人走時唔記得關電腦或吊掛系統而關左總掣,個UPS都唔會行通宵,頂多行多一兩個鐘。

TOP

電腦電子化因每次下班時間都不同, 所以本身諗住用電腦做schedule都唔得. 但唔知有冇UPS可以check到斷左電, 就即刻send signal比電腦schedule個熄機動作.
jeraldl 發表於 2014-11-4 02:34 PM


斷市電就safe shutdown不是UPS的基本功能嗎?

你個case員工收工時會不會關燈關冷氣之類?
用燈/冷氣relay個UPS做safe shutdown得唔得?

TOP

本帖最後由 BEpsilon 於 2014-11-4 17:42 編輯
至於樓上兩位都有提到的人事管理問題, 已反映過, 貼晒notice, 仲要老闆出左聲, 都冇乎! 鬼叫大陸請工人難過乜, 所以就要用電腦去睇下係咪協助到.
jeraldl 發表於 2014-11-4 14:34

老實講,解決人事管理問題重要過這電力裝置問題。
點解?
因為下班時間不規則,因此不可以選用依靠時鐘運作的設計。
硬用靠時鐘運作的設計會有機會出現開工中突然關機的情況。
我相信這情況在工廠車間是絕對不能接受的。
唯有係靠人手,例如按下某個特別掣,來通知電腦啟動一些自動程式。
不過,正因為要靠人手去發動,假如負責人忘記或放假,你個自動化設計點勁都無用。

我相信係有方法協助的(我讀大學時都接觸過類似的 human centered design)
我只係好難在沒有到廠內觀察的情況下給你一個有效的解決方案。
工廠車間唔係 DIY 地帶,而且有機會涉及工業安全。唔想求其吹水老點你。

TOP