家陣國際轉運可以寄鋰電嗎?

Super169

想用 順豐既國際轉運寄 18650 同 Li-Ploy 電落黎, 唔想累街坊, 問左客服又無回音.

因為網上既資料, 睇完唔係好 sure ( http://shop110196244.taobao.com/p/rd066522.htm ):


如果睇有關電池果下, 當儲電池睇, 好似唔得.
但如果買電子產品有鋰電池, 陸運又得.  順豐既國際轉運寄黎香港肯定係陸運喇, 咁又應該得.  反正我另外都買左支 18650 電筒, 係咪可以睇成係 "含鋰電池電子產品"?

唔知大家最近有無寄過 鋰電池, 得唔得呢?

lawrencelau1

佢俾得你揀國際轉運 (else 結帳時, 佢會灰左唔俾你買) , 一定得
你唔使理佢點寄去轉運商

Super169

佢俾得你揀國際轉運 (else 結帳時, 佢會灰左唔俾你買) , 一定得
你唔使理佢點寄去轉運商 ...
lawrencelau1 發表於 2014-11-27 10:10

我上次訂魚缸用品, 只係買燈都唔可以選 國際轉運 , 我問過店家, 比唔比揀國際轉運 , 只係果間店既問題, 而唔係單獨物品.  因為佢間店都無做國際轉運, 所以全部貨品都唔得, 最後我就搵左夜貓.

其實我都唔係好明, 國際轉運同其他集運, 都係寄去一個集運點, 對家店黎講有乜分別?  可能要有得選國際轉運既話, 佢地要比錢淘寶掛.

lawrencelau1

我上次訂魚缸用品, 只係買燈都唔可以選 國際轉運 , 我問過店家, 比唔比揀國際轉運 , 只係果間店既問題,  ...
Super169 發表於 2014-11-27 10:18

一黎啦, 重可能有d 規則要遵守啦

superman9394

回覆 3# Super169

唔係間店問題, 應該係貨品類別問題.

你問賣家好多時都唔知咩國際轉運.

worldcat

國際轉運係跟貨品類型、貨品類型係由賣家set.

但唔好以為有得揀國際轉運就集運食一定收、佢地抽查或覺得係違禁品都可以拒收或拒寄。雖然機會細、但自己留意下。

Super169

回覆  Super169

唔係間店問題, 應該係貨品類別問題.

你問賣家好多時都唔知咩國際轉運. ...
superman9394 發表於 2014-11-27 13:09

以我所知, 應該唔係, 我上次試過無聊到改淨一條氣喉, 一個吸盤仔, 都一樣無得選國際轉運.
只要我去果間鋪落 order, 就乜野都唔送,  即係根本唔關乜野貨品事.
而且, 當時個店家係知道有轉運的, 佢自己講佢間鋪無.  

或者如果你搵到邊間鋪, 有 D 貨可以轉運, 有 D 貨唔可以用轉運, 就可以代表 係跟貨唔係跟鋪了.  
可以既話, 不妨 share 黎睇睇, 等我搵店家吹下水問下.

Super169

國際轉運係跟貨品類型、貨品類型係由賣家set.

但唔好以為有得揀國際轉運就集運食一定收、佢地抽查或覺得係 ...
worldcat 發表於 2014-11-27 13:34

我就係怕呢樣野, 無謂累街坊.

我問朋友多數都話陸路一定得, 有D近排都係就咁寄.
但個條款 既項目又怪怪地, 買電子產品入面有鋰電就講明陸路得, 飛機唔得.
但係單獨電池果行, 又無話陸路得....怪怪地, 同樣係電池, 陸路都要跟產品寄至得?
唔知買一支電筒, 含一盒 18650 電....算唔算含鋰電既電子產品.

billyck2

順豐集運倉拒收成日都有,咪以為比得你用集運比錢就一定老馮會收

ginastar

鋰電池真係好灰色, 有時可寄, 有時不可寄, 搭飛機不可寄倉, 但又可以手提行李上機