請教Sharp電視代用遙控

小弟部sharp電視,個遙控用到無乜反應,怕夾硬拆開來清潔會整爛,所以想買個代用遙控。

爬過文,結果更加迷網…

見有人話有d係學習功能,有d係輸入代碼就得,唔洗學習,又有d買返來就得,完全唔洗煩…
最好就更係買返來就用得唔洗煩架啦,請問係邊d?邊度有得賣?

次選就係入代碼既,按個碼搞掂,唔洗逐個逐個制按。

學習既唔多想用,因為個舊遙控有d制已經好難有反應,唔知佢無反應時新遙控點學…

睇過眾合網頁,佢呢個係咪完全有齊所有功能?香港邊度有得賣?


又見過係街有d三幾十蚊既,話好多牌子都0岩用,但無說明,唔知係點既呢?要唔要學習?
請問各師兄有無推界?
唔該晒各師兄!

原本係呢個遙控來。

Sharp 電視機好似好多年都一直用自己廠的遙控 Protocol,由我屋企現在用緊部十幾年前買的部大牛龜,到我外公屋企今年初買的 IDTV,基本操作鍵的遙控訊號都一樣。

我現在用緊這個有學習功能的萬用遙控器,本身有 Sharp 電視機的 Code,也可以學習。
http://www.hkepc.com/forum/viewthread.php?tid=2145796&extra=page%3D3

TOP

[最好就更係買返來就用得唔洗煩架啦,請問係邊d?邊度有得賣?]
可以睇下你個遙控的型號,上TB搵

TOP

Sharp 電視機好似好多年都一直用自己廠的遙控 Protocol,由我屋企現在用緊部十幾年前買的部大牛龜,到我外 ...
C_Law 發表於 2014-12-30 14:56



    師兄呢個貼我都有睇,教識小弟好多野!
如果搵唔到直接用得既,小弟都諗住係你果個啦!

TOP

[最好就更係買返來就用得唔洗煩架啦,請問係邊d?邊度有得賣?]
可以睇下你個遙控的型號,上TB搵 ...
louisli 發表於 2014-12-30 16:12



    原本個遙控最底印住呢行字:ga991wjsa
唔知係唔係型號來,淘寶搵唔到…

TOP

提示: 作者被禁止或刪除 內容自動屏蔽

TOP

回覆 1# triangle020

SHARP都算大牌子,一般萬用遙控己內置各大牌子的code
買回來輸入code(例如658)已即時可用

最近在鴨寮街見過仿SONY/PANASONIC等大牌子的遙控
我估內裡是一般萬用遙控,再加幾只該牌子的專用鍵
 

TOP

Sharp 電視機好似好多年都一直用自己廠的遙控 Protocol,由我屋企現在用緊部十幾年前買的部大牛龜,到我外公屋企今年初買的 IDTV,基本操作鍵的遙控訊號都一樣。
C_Law 發表於 2014-12-30 02:56 PM


係咪同一牌子個protocol應該是新舊機通用的?
N年前我同朋友去零件部買返只原廠遙控,個staff即時用櫃台果部14吋TV試比我地睇
      

TOP

我都買過鴨記啲萬用遙控,屋企幾個大牌子電視同amp都用到,基本上 大細聲/轉台/開關制依啲都冇問題

TOP

係咪同一牌子個protocol應該是新舊機通用的?
N年前我同朋友去零件部買返只原廠遙控,個staff即時用櫃台 ...
TH30 發表於 2014/12/30 22:57


一個品牌多年來出過無數 Model,我真正用過的機不多,不敢寫包單!但按道理,大牌子應該不會隨便改,就算改都是改編碼,不會成個 Protocol 都改,否則保養/維修要儲備好多不同款的遙控器。

以我真正試過,可以共用遙控器做基本操作(eg. Power、數字鍵...etc)有相隔十幾年的 Sharp 電視機,相隔幾年的 Sony 電視機(同樣是 LCD,但一部是高清年代前產品,另一部是 IDTV),還有兩部應該都相隔了十幾年的 Panasonic VHS 錄影機(較新的已是 Nicam stereo 國際線路年代的機,部舊機就是齋 PAL 線路 Mono 機,牌子名甚至是 Panasonic 的前身 National)。

我現在有部 Sharp VHS 錄影機,我哥屋企有另一個 Model 的 Sharp VHS 錄影機,記憶中,兩部機應該相差 3、4 年,但買機時跟來的遙控器完全是一模一樣。

不過,比較進階功能就未必一樣,就好似我部十幾年前的 Sharp 大牛龜電視機同外公屋企年初買的 Sharp IDTV,我曾經貪得拿我個遙控器去外公屋企,我已不記得詳細有什麼分別,但記得好似我個舊遙控較畫面光暗、高低音之類的掣,用落部新機,有些是無反應,有些是變了其它用途。

TOP