[操作疑難] 家居翻新求救…

有幾個翻新問題想問下…唔該CHING們

1.瓷磚與瓷磚之間條白線變黃,如何變白?諗過買白色臘筆塗左佢

2.趟門D鋁變黃,如何清潔?

3.牆身之前裝掛架,鑽左D窿,而家冇用,仲有綠膠,點搞?

本帖最後由 diputs 於 2015-1-3 14:39 編輯

回覆 1# raystation
1. https://www.youtube.com/watch?v=Nf-zAMUMC1Y
如果唔刮走表面變黃白英坭或掃口粉,單用D所謂grout renew油油上變黃面,好快會再變灰或黃(尤其係地下瓷磚縫),應刮走D舊既再補回新防霉或質量好D(外國貨)掃口粉,去旺角太子站砵蘭街果帶有好多賣厘類材料鋪,問問每種唔同掃口粉價錢及特點,重有瓷磚防水劑等,想點DIY都得,睇你有幾多時間可用,想平價用白英坭開英坭油補磚縫,效果當然唔及掃口粉咁好。­如瓷磚縫闊>3mm(即約5~6mm)可能要加適量石英砂(或很幼砂)進去英坭或掃口粉內,防止粉狀物乾燥後會產生裂紋。

2. 氧化鋁面變黃可試用唔太傷金屬既百潔布(如3M淺藍色)加上D帶微酸性清潔液(因鋁能被強鹼侵蝕)試擦,唔得可試用一種係A_ON有賣日本製400g裝內含研磨粒子Cream Cleanser試試。要小心氧化鋁表面層被磨走後好容易會變啞灰黑色,唔好大大力拼命磨,只要剛擦去黃漬便要停止,清水洗淨後再用車蠟打磨一下表面防氧化變黑。

3.牆窿內綠膠塞可用電鑽及與綠膠同大鑽咀鑽走表面部份約1/4吋深,然後用白英坭加水調成泥狀填平個窿,再用同牆身色乳膠漆或美工用的亞加力彩執色。

以上建議僅供參考,如有任何損失,風險自負

TOP

3.唔駛用白英坭加水,買個鏟仔,再買鑵"牆之寶"塡平個窿,用鏟仔整平就得.
"牆之寶"其實同菜膠福粉差不多,不過唔駛溝即用,方便好多.

TOP

唔該晒兩位ching......

TOP