請教各師兄,師傅,鑽牆問題

本帖最後由 村上麗奈 於 2015-1-7 21:24 編輯

想問各資深師兄,師傅,想問一下,已經在牆上畫了記號(例如十字或打交叉),用一般石屎鑽(人壓鑽)跟6.5mm石屎鑽咀,落鑽嘅時候,明明對正個記號嘅交叉點,掂住牆面之後先開鑽,但最後都梗係倫偏差了少少,搞到有時有啲嘢安裝後歪了

想請教點先可以準確度高啲呢?

P.S. 如果轉用油壓鑽問題會唔會改善呢?

多謝多謝

想問各資深師兄,師傅,想問一下,已經在牆上畫了記號(例如十字或打交叉),用一般石屎鑽(人壓鑽)跟6.5mm石 ...
村上麗奈 發表於 2015-1-7 21:20


先用較細直徑轉咀較容易準確中目標

TOP

工多藝熟

TOP

提示: 作者被禁止或刪除 內容自動屏蔽

TOP

要睇吓個窿圓唔圓先?
唔圓即係一路鑽一路偏移(可能中正石仔,非油壓鑽好難鑽因而移位),用油壓鑽會改善,但都未必一定好準
如果係好圓,即係一開鑽時偏移,用慢速開鑽會有幫助(冇調速嘅鑽就要考慮更換

最好嘅方法
如裝層架或電視機牆架之類,可先鑽一孔,上螺絲後定位,按實牆架再鑽其他孔,利用牆架孔位作限位咁就唔會唔對位裝唔正
(同樣道理,亦可diy一塊板作定位導板)

TOP

工多藝熟呢句真,或者試下用開關掣控制轉速

TOP

我地呢啲生手係咁架啦.
而且仲要睇架生.  而家好多鑽都彎既, 本身已經發發下.. 咪四圍彈囉.
熟手既當然冇問題, 生手就要慢慢來..

TOP

我地呢啲生手係咁架啦.
而且仲要睇架生.  而家好多鑽都彎既, 本身已經發發下.. 咪四圍彈囉.
熟手既當然冇 ...
mcdull 發表於 2015-1-8 10:33


油壓鑽買把輕身的...
撞擊力買1J 好啦.. 1.8J 2 J 果D 好易移位...

TOP

我通常mark好位就熄左沖擊用淨係"鑽",邊鑽邊用力推把鑽入去,係牆身鑽出個凹位先開沖擊,個鑽咀就冇咁易走位
特別係鑽瓦仔,推把鑽鑽穿瓦面後先開沖擊,否則易移位又易震碎D瓦仔

TOP

搭單一問, 如果家居用,鑽下石屎牆,整層板等, 請問有邊隻油壓鑽平靚正甘推介一下, 可能有師兄講過去鴨記搵d二手既,但我地d外行人識鬼揀咩邊d好咩,隨時費時失事,得不償失

TOP