[操作疑難] 鴻運扇風罩唔識轉點整?

屋企早幾年買咗兩巴鴻運扇 (P記,K記各一), 出風正常但前面風罩唔識轉了,折開拿走風罩試,見右下方有個大齒輪重轉但好似冇乜力推個風罩,有冇師兄識整?謝謝

via HKEPC Reader for Android

冇得玩 要換佐個摩打仔

TOP

仲會轉即係未壞,夠膽就打散摩打清潔落油,風罩中心位及橡膠齒輪位都要抹油

我因頂唔住風罩轉動時有啲輕微"得得"聲噪音,每隔幾星期都要搞一次(摩打就一年一次,就咁用一字批撬開底蓋,裝回就咁壓返入去搞掂 )

TOP

回覆 1# dustpan
­P記同K記鴻運扇內部零件相同,有問題想換可先打信興服務中心電話訂配件,可要求佢交去最方便自取門市鋪,零件到左該鋪職員會電話通知你去交錢自提。舊年8月中我買左兩粒軟膠齒輪,一粒34蚊,係我住附近取(慳番車錢)。
不過如果係摩打仔滑牙或崩齒,因摩打仔接220V,唔知佢地會唔會賣,我有一把因太老有d膠齒崩左,果時唔知到可訂零件,係鴨記買左個差唔多尺寸(比原來個厚d,勉強能裝入)再將個軟膠齒輪中孔擴大配合條較粗摩打軸,都可以用。
N年前P記鴻運扇轉風向摩打仔用Sankyo,依家用左強國貨嘈d熱d,用電多左(3->4W)同快死左。

TOP

回覆 3# digiman

得得聲亦有可能係橡膠齒磨損太多,虛位太大,可以反方向(磨損較少)轉風向會有改善,或者去買過粒軟膠齒換,唔使每幾星期都要搞。

TOP

本帖最後由 digiman 於 2015-4-3 14:43 編輯
回覆  digiman

得得聲亦有可能係橡膠齒磨損太多,虛位太大,可以反方向(磨損較少)轉風向會有改善,或者 ...
diputs 發表於 2015-4-3 12:26


可能屋企大塵,隔幾星期風扇扇葉點都要清吓塵,唔清塵風聲較大,順便抹油(摩打就一年轉熱時搞一次)

經過多年對付呢隻扇經驗(現時有三把p記,全部由小弟做保養,命苦),風罩轉向時嘅噪音,主要來自橡膠齒輪推動風罩時磨擦不順暢時先有,風罩一格一格咁行,格與格間就會少少回彈而出現噪音,抹油係可以解決,但好快積塵又會嚟過,試過好多種類油,想買cd-rom入面嗰種滅噪油脂又搵唔到,ching你常介紹嘅雙星齒輪油就超正抹少少係風罩中心位、橡膠齒輪、外穀接逢位,成把扇靜到同新買一樣,而且頂得最耐

住村屋寧靜環境大,可能其他人唔覺,我就對少少噪音比較敏感

TOP

呢款個搖擺摩打成日壞,如果有師兄揾到邊度有得買,可以幫我買一個嗎?

我分別問過不下幾次信興,而家係唔賣零件的

TOP

回覆 7# 風之小文

我都問過唔肯賣,要抬去信興換,但有ching話有電工牌可以淨買摩打,冇就唔得
我早幾年曾經搵到嗰間生產廠網頁,但冇啱軸心長短型號配合,買到都要拆摩打換軸,tb都搵唔到

TOP

回覆 7# 風之小文

去鴨記賣磁石檔買個差唔多尺寸(比原來個厚d,勉強能裝入)再將個軟膠齒輪中孔擴大配合條較粗摩打軸,自己配螺絲及彈弓pin,都可以用。記得要指明約每分鐘30轉果種(因好多強國鴻運扇摩打仔係中間行5~6rpm)

TOP

回覆  風之小文

我都問過唔肯賣,要抬去信興換,但有ching話有電工牌可以淨買摩打,冇就唔得
我早幾年曾 ...
digiman 發表於 2015-4-3 15:45

其實嗰隻model我之前揾到出產嗰間廠,但淘寶就唔見有得賣

TOP