冷氣機有聲但無風, 仲有無得救?

兩部冷氣機齊齊中蕉
開著去, 只係有聲但完全無風
舊年尾仲好好地, 有無人知發生乜事?
仲有無得救? 唔該!

牌子?
機齡?
窗口機 or 分體機?
有聲是指壓縮機的聲?還是有其他異常的聲音?

我房部陳年窗口機好多年前試過有年夏季第一次開機發現有壓縮機聲,但無風扇聲也無出風,拔走插蘇後拉部機出來(無完全拉出,只係拉到可以伸手撥到個大風扇),試下用手撥個大風扇,發覺好緊,感覺上好似軸心啜實了,要用小小力才轉得到個風扇,不過手動轉下轉下又突然變得順到只要用力撥一下會轉幾個圈先至慢慢停,於是推返部機入去然後插上插蘇再開機,部機又好似完全正常運作,結果部機一直用到今時今日(雖然今年還未正式開過冷氣,不過習慣上,即使每年只會開 3~4 個月,但都不想其餘的 8~9 個月完全停機,起碼每個月都開一次,每次半個鐘左右,上個月試機都仍然正常)。

如果手動轉風扇是轉得順,或者要睇下風扇的起動電容。

TOP

Hitachi, 窗口機, 8年左右
之前開機都會聽到既聲, 唔識分, 應該係壓縮機既聲
用咗玻璃膠痴住咗, 拉唔到出黎
只可以就咁拆開外殼, 風扇位大概會係邊度?

TOP

Hitachi, 窗口機, 8年左右
之前開機都會聽到既聲, 唔識分, 應該係壓縮機既聲
用咗玻璃膠痴住咗, 拉唔到出黎 ...
catwalker 發表於 2015/4/10 20:40


窗口機照計好似火柴盒,落膠都只應該是外面個殼,不會落膠到機芯。不過,如果還有保留說明書就睇睇裝機的指示,應該會有一至兩口螺絲將機芯鎖死在個殼(是防盜作用,避免有人從外面將機芯推入屋再從機殼個位爬入屋),可能要打開面頭個膠面板先至會見到鎖機的螺絲。

之前講到我房部陳年機,正是日立 OEM 年代的"凶宅"機,當年我部機出事時,我之所以拉部機出來睇,都有段故仔。話說當時部機都有十年八年機齡了,既然壞機就已經打算換,只是未有時間去睇新機。後來有日等巴士,車站正在一家維修/洗冷氣的舖頭前面,剛好有客係舖頭門口問師父,我無意中聽到個客所講的壞機情況同我部機一樣,於是留意下師父怎麼講。個客講完後,師父開口第一句就問個客是否用日立機,原來當年日立機啜實大風扇轉軸的情況都幾普偏,師父當時話這個問題是有得整,要收幾多幾多,不過又話如果上門睇到部機原來是其它無得整的問題,都要收幾多幾多上門睇機費。當時我都有衝動想走過去問埋一份,但回心一想,萬一自己部機是另一個無得救的問題,而又走去搵師父睇,就會蝕上門睇機費,心諗自己拉部機出來都檢查到有無風扇啜實,諗住先確定到是這問題才去搵師父,結果,我部機真是這問題,而且無需搵師父,手動轉下轉下就無事了!

不過,我部機應該比樓主部機更早十年,可能設計都不一樣了,樓主部機未必是這問題。

除此之外,聽樓主所講,應該沒什麼經驗,謹記要量力而為,問下身邊有無朋友對裝拆冷氣機有小小認識,傍住你一齊睇下部機。無人幫到你就搵師父問下價啦。

TOP

窗口冷氣機,大部分都係一個摩打兩把扇葉,即係一條軸心,吹入屋既葉係渦輪式,後面就普通扇葉吹散熱coil.你可以跟law兄提示咁拖部機出嚟,用界刀界開d膠,睇吓粒鎖鏍丝响中下部位.拆完先用輕力小幅度咁拉入.

TOP

多謝師兄回覆

第一次學整, 對我黎講有難度, 唔係好知點拉個窗口機入黎
睇下身邊有無朋友有經驗, 問下佢可否幫手
有消息再匯報

TOP