自己洗冷氣

請問有冇窗口及分体机的教學。見有D又噴泡沫,又喷殺菌,唔知一般点做?重有以前有的店抬翻鋪頭洗,有D就話自已抬去浴室冲就得……謝谢

提示: 作者被禁止或刪除 內容自動屏蔽

TOP

買過 3M 個隻洗冷氣噴劑洗窗口機個冷凝器, 拆走面板膠殼, 露出成個冷凝器,
先用牙刷刷走大部份既積塵, 但都仲有好多蝕死係表面, 個面都仲係黑色.
跟住就用支噴劑打橫上下咁噴去冷凝片度. 記得係下面墊野, 噴劑會周圍都係.
噴完隔幾分鐘, 再用支牙刷刷就可以輕易刷走黑色積塵.
刷完就開行個冷氣, 等冷凝器表面有水滴幫助沖走噴劑, 因為噴剷都幾大味下.
呢個時喉, 要小心條去水喉會比積塵塞左去唔到水, 如果唔唔到就會滴水同係出風口打返啲水出黎.
如果塞左就要通下條喉先得, 唔係都幾麻煩.
我有一部冷氣就因為條喉唔可以到手通到, 依家都未可以清潔.

如果可以成部拎出黎噴coil 水/歌士的. 就當然最好啦.

TOP

如果是窗口機,不1匹半以下,可以搵屋企內兩個壯男從機殼拉部機出來及抬落嚟(,拉出來之前要留意有沒有鏍絲釘固定部機在機殼內),搬去浴室洗。超過1匹半就唔好自己抬落嚟,因為唔識用力好易俾部機責親。洗機可以去五金舖買罐“哥士的”,一罐開一桶10升清水。電器部份包括風扇、電路控制部份,及壓縮機的電線接頭部份要用膠袋(如垃圾袋)封好(,可以的話,拆開散熱器頂的蓋板。如果蓋板鏍絲釘生綉就唔好拆,否則可能裝唔番)。然後戴上膠手套用一個不要的膠杯,將D哥士的水均勻地淋落前後的散熱器度。等約5~10分鐘就會將D污穢物lar出來,再用清水(冇哥士的嗰D)沖洗乾淨,吹乾部機就可以放番上機殼。
現在用泡沫噴劑都是有一定的腐蝕性的,最好都要用清水沖洗乾淨。

TOP

上面師兄是正常做法,
當然唔想用哥士的可以用藍威寶唔開水噴,
跟手過水,乾水後裝回,
當然可以用專業洗COOL水洗!

TOP

見過有人電死, 真的...

TOP

買過 3M 個隻洗冷氣噴劑洗窗口機個冷凝器, 拆走面板膠殼, 露出成個冷凝器,
先用牙刷刷走大部份既積塵, 但 ...
user369 發表於 2015-5-22 16:53

免得過充咪用化學野洗機 ,
用哥士的,COIL水,藍威寶,洗機噴劑 呢D道具
好傷柏葉,沖唔乾淨連個外殼,扇頁都好快霉
拆出黎用水槍沖已經係完美保養

TOP

謝師兄,呢个看來自己都做倒,等我去揾下隻噴剂。

TOP

而家新款窗口機散熱片有一層防氧化响度,所以而家窗口機散熱coil通常係藍色的,如用化學劑清洗層嘢好快就失效,用清水洗耐啲己經足夠,加上你用化學劑過唔清反而仲令散熱片加速氧化

TOP

谢師兄,呢种方法要鬆開个电制針位,可能唔啱我呢D初哥,全屋冷氣都糸針。你説的哥士的,大约多重一罐?

TOP