有沒有本地公司做注塑模?

本帖最後由 mun35 於 2015-6-8 18:31 編輯

請問本地有沒有公司做注塑模? 小弟想做2000塊塑膠塊仔(13mm x 30mm),唔知邊度可以報下價呢?淘寶見有唔少,但真係唔知邊間可靠...

謝謝大家的介紹!

塑膠塊仔 ??平面?CNC 得唔得?

TOP

請問本地有沒有公司做注塑模? 小弟想做2000塊塑膠塊仔(13mm x 30mm),唔知邊度可以報下價呢?淘寶見有唔少 ...
mun35 發表於 2015-6-8 17:52



    3d printing 得唔得?

TOP

咁細塊膠牌仔,做注塑模最少都出兩件,即係最多1000啤,頂多啤一班約8-10個鐘,只係叫啤大辦或試模,以前係柴灣、癸涌或荃灣都有D政府工廠大廈細廠有做,依家應該無曬,只能夠返內地搵,不過生意咁細唔熟人都好少廠會做。
如果真係只要幾千塊,唔複雜精細可以用快速製板模式(用CNC做簡單鋁或鐵模與一般正常生產用注塑模唔同,最多只啤一千幾百,果d公司只會報成品單價內含快速模價)
亦可以搵d內地或香港做首辦公司報價,佢地一般自己都有小型CNC,但如指定顏色可能只能靠噴油而唔係原啤件膠色。
如膠牌只係平片無凸出圖案亦可能可用激光雕刻或切割。
唔係秘密野既話,可將圖紙轉影像檔或照片上傳,師兄們睇左或者會提供多d建議。

TOP

本帖最後由 mun35 於 2015-6-10 14:41 編輯

回覆 4# diputs

冇問題.呢個就係model

煩就煩在唔係平面

   

TOP

回覆 2# hongkongiron

唔係平面,係個膠蓋仔

TOP

回覆 3# Offer


    據我了解3d print質感唔係咁好..

TOP

本帖最後由 diputs 於 2015-6-10 15:45 編輯

咁你想用乜野塑料同顏色,件膠件要唔要受力?重有其他要求冇(如耐溫,耐濕,耐磨,軟硬度等)
雖然睇唔到要配合零件,但覺管位釘太多而且唔夠壯,如D膠釘太長太幼會好易斷,應用四枝管位釘係四角己夠,管釘最好唔好長過5mm,可以的話直徑唔好細過2.3mm,當中對角兩枝緊配(孔徑跟釘同大)或係要受力位d釘先做緊配,兩枝鬆配(孔徑比釘大約0.1mm),所有圓膠釘,可考慮轉用方形或長方釘(CNC會易加工些),方形釘亦可靠四角咬緊圓孔(對角比孔徑大0.1~0.2mm)。
如膠釘3~4mm長可用PP或ABS膠板原身經CNC做出,如釘較長只能用PP料否則會好易斷裂。
幾千件零件要做好d事前debug工作。
先用CNC做件測試清楚,果d首辦公司做CNC可能有minimum charge,可將該最少收費盡做測試件,滿意後確定所有尺寸。再跟將來需求數量、報價、完成需時等才決定做快速首辦(鋁或鐵模)或用CNC做大批,以上謹供參考,希望對你有幫助。

TOP

本帖最後由 mun35 於 2015-6-10 16:55 編輯

回覆 8# diputs


謝謝你的詳細解釋!

呢個係一個電子盒仔側面個蓋.唔會受力.無需耐溫,耐濕,等等. 你意思是指呢個蓋仔(經改良後)可以用CNC做?CNC會比注塑模便宜很多嗎?

膠釘尺寸現在要幾準確.但CNC做唔做到呢?

TOP

本帖最後由 diputs 於 2015-6-10 17:16 編輯

一般做膠片手辦公司d CNC可以做到0.1mm誤差,以前我有搵過深圳d 手辦公司做原身PP料 CNC做出黎手辦,好處係d扣位有彈性同唔怕有機溶劑侵蝕。就算想做大批都要先做好首辦試清楚,唔係到時想改較難。至於價錢,要做1~2千,做快速辦單價應比用CNC做及真正生產用塑膠模具方式便宜,但注塑模具正常生產壽命為200k啤,適合較大批量生產用。

另外如果係作盒蓋用途最好四周有圍膠骨(約1.2~2mm高X>1.0厚)咁樣件啤件唔會咁易變彎,因用快速辦方式都係啤出黎只係個模具壽命好短同無做水冷卻通道令生產時間較長(價較貴)。

TOP