手掃漆髹木門

小弟屋企道房門,琴日搬傢俬時,唔小心比我撞花咗,依家諗住髹返撞花咗果部份,想問一問咁做得唔得,定係要成道門再髹過??
另外,如果要由深色轉淺色,係唔係要剷走舊,深色果d油,再髹上新果d淺色油?

本帖最後由 高登阿伯 於 2015-6-21 10:34 編輯

回覆 1# CSA41200

冇圖好難討論。

撞花咗?花成點?木底有刮到?乜都唔知,想都好難幫你。

只可以話你知,自己補油唔係咁易,即使買得翻同一款油,新舊油唔同色已經執死你。可以補油執色嘅油漆師傅都係多年功力,唔易攪㗎。

TOP

介意有新舊色就要成隻門油.......我自己屋企房門灰色轉白色都無剷走舊油......不過要油多幾浸......

TOP

回覆  CSA41200

冇圖好難討論。

撞花咗?花成點?木底有刮到?乜都唔知,想都好難幫你。

只可以話你知, ...
高登阿伯 發表於 2015-6-19 19:13


木底無刮到
只係甩咗d漆

TOP

回覆  CSA41200

冇圖好難討論。

撞花咗?花成點?木底有刮到?乜都唔知,想都好難幫你。

只可以話你知, ...
高登阿伯 發表於 2015-6-19 19:13


木底無刮到
只係甩咗d漆

唉...
出咗事啦 >.<
頭先自己手多,髹咗少少,道門已經出現新舊兩隻色...

TOP

介意有新舊色就要成隻門油.......我自己屋企房門灰色轉白色都無剷走舊油......不過要油多幾浸...... ...
ea11-R 發表於 2015-6-19 19:16


問題出現啦
因為手掃漆用天拿水稀釋,如果就咁髹上去,會唔會令到舊果陣漆浮出黎?

TOP

問題出現啦
因為手掃漆用天拿水稀釋,如果就咁髹上去,會唔會令到舊果陣漆浮出黎? ...
CSA41200 發表於 2015-6-20 10:22



    我係用水性磁油的......唔覺有問題

TOP

我係用水性磁油的......唔覺有問題
ea11-R 發表於 2015-6-20 16:15


但係我用手掃漆...

TOP

但係我用手掃漆...
CSA41200 發表於 2015-6-20 23:57



    未試過......不太肯定

TOP

油性漆種類

手掃漆英文係brushing lacquer,
磁漆英文係enamel,
力架英文係lacquer,
光油英文係varnish,音譯做凡立水。

磁漆、光油的溶劑是松節水,
手掃漆、力架的溶劑是天拿水,用松節水不能溶解力架或手掃漆。

雖然天拿水亦可混和溶解磁漆、光油,但除非士急馬行田,否則一般正路絕少用天拿水開稀磁漆、光油,因為有不良後果。

乾透後,磁漆、光油漆膜韌性相對較高,力架次之,手掃漆漆膜相對較硬較脆。

手掃漆、力架較磁漆、光油快乾得多,如果喺幾呎高噴出嚟,微粒飄到落地己經表面乾,唔會黐住地下。

磁漆、光油漆膜較粗糙。手掃漆、力架就算唔抛光,漆膜亦較細緻幼滑。

手掃漆、力架乾透後可用天拿水還原。
所以係原來乾透手掃漆面加新層最好用噴唔好用油掃,因原來果層舊漆膜會被新油漆內的天拿水溶解還原,就算無工具只能用手油,記緊只能向同一方向快手輕力油一至兩次,唔好油相反方向及不斷重複,盡量減低舊油層被天那水再溶解程度。

而油過手掃漆或力架d油掃可以唔即時洗淨,下次翻用時再用天拿水浸軟,不過要油相同顏色。
由於手掃漆、力架可還原,故此可用綿花光布沾天拿水或稀漆拋光,磁漆、光油不行。

磁漆、光油乾透後化學分子結構可能己改變成為另一種物質,不能還原。
噴磁漆會黐住塊面並唔係因為佢太黐,而係因為佢太慢乾,噴出嚟既微粒飛到邊就黐到邊,因為佢未乾。
磁漆、光油好容易塞住噴咀,因為微粒較粗而且乾咗溶唔返,罐油用一次就應該丟,所以一般唔會噴油性磁漆。

僅供樓主參考,有錯請師兄們多多指正。

TOP