又係冷氣接收板問題,俾佢玩到五體投地


最近細房冷氣搖控開唔到,係隨樓既分體冷氣,大房冇事,打去代理,話停產左冇Parts,唯有自己搞,於是拆大房的接收板接上去試,果然一切正常番,咁即係塊接收板出左問題!小弟只係略懂小小電子常識,叫做有焊製過下膽機既經驗,就膽粗粗硏究下可以換D咩野,當然最簡單就係試換粒接收管,喺華輝只找到這兩款接收管,KSM903同603,因唔知原裝那粒管的編號,那就只找樣子較為接近的吧!當然買齊番去試,怎料換了這兩款依舊沒有反應,為有硬著拆大房果粒來試下,為左減低風險,都係剪斷腳來接駁就算,二來又比較方便,點知情況一樣唔得,之後就上網Google一下資料,才發現這個討論區有相關既討論,學識左師兄們提供的測試方法去探索接收管在接收發射訊號時Vout的電壓轉變,試到之前咁多粒都是有電壓降的反應,那意味著接收管的損壞可能性不大!到此應該超出小弟的能力了,再想不通可以怎樣下去,最後決定把這卡仔的線路探索出來,希望師兄們可以幫忙研究一下。

其實這卡仔的線路並不複雜,零件不多,之後我亦跟著線路上每一處都反復量度過有沒有斷路及短路的情況,結果全是良好的,而兩顆電容也更換過,每顆LED都獨立試過是亮的(串電阻落Gnd),真的給這塊卡仔玩死,究竟問題出在那呢?
附件: 您需要登錄才可以下載或查看附件。沒有帳號?註冊

回覆 1# SundayDriver

你喺華輝買嗰兩粒啲pin out 吾同, 你有冇調返啱啲腳嚟焊?

TOP

100p 電容真係並聯到接收器的 Vout 同 Gnd?
好似有小小怪,事關會影響到 Vout 波形。

我見 1# 幅相,新買的兩粒接收器的三隻腳排列次序同原裝不同,又見塊板的接收器位置另外一邊又有三個孔,似乎塊板本身 Layout 到可以用兩種不同接腳次序的接收器(你自己睇睇塊板背面的 Track)。

如果 1# 幅相下面的 Pinout 紅字 Label 無錯,以及原裝粒接收器是駁去紅圈,用這兩粒新接收器時應該駁去藍圈那邊的三個孔(我見相中藍圈的三個孔都好乾淨,似乎你無用過這三個孔,或許幅相是事前拍攝)。

附件: 您需要登錄才可以下載或查看附件。沒有帳號?註冊

TOP

回覆  SundayDriver

你喺華輝買嗰兩粒啲pin out 吾同, 你有冇調返啱啲腳嚟焊?
亞基拉 發表於 2015-7-13 16:37


師兄,我有跟番晒腳位阿,否則都試唔到個Vout的電壓降。

TOP

100p 電容真係並聯到接收器的 Vout 同 Gnd?
好似有小小怪,事關會影響到 Vout 波形。

我見 1# 幅相,新買 ...
C_Law 發表於 2015-7-13 16:44


係呀師兄,我冇用到對面個位,因為如果唔得焊番出來很麻煩,現時係就住接啱腳位來試,如果得當然焊正番。另外100P電容係並住Vout同Gnd,不過我都試過喺得果塊板折左唔用,一樣開到機。

TOP

你話試過拆大房的接收板接上去試,果然一切正常番,兩塊板都係相同?
咁樣將原來係大房果粒sensor IC焊回原來板位,再做替換後係咪又果然一切正常番?
如果係正常就可能係出問題果塊板個connector或有關焊點/銅皮位有虛焊或者銅皮斷,可從sensor IC Vo飛線去connector 2腳代銅皮試試,同時要用錶度下PCB相對 Vin有冇5V及G 腳同connector 3腳係咪接近0歐。

TOP

部機是否一定要用個 Menu Start Button 去開機?
塊板右邊個白色 Socket 是否針頭(即是冷氣機伸出來抽線是乸頭)?

如果 1# 幅線路圖無畫錯,又可以只用遙控都開到機,而且抽線是乸頭,試下跟針腳次序直接插粒接收器落去抽線的乸頭(Pin 2,3,4),睇下可否遙控得到。如果得,即是塊板有部份位置斷 Track 或者虛焊。

TOP

你話試過拆大房的接收板接上去試,果然一切正常番,兩塊板都係相同?
咁樣將原來係大房果粒sensor IC焊回原 ...
diputs 發表於 2015-7-13 17:16


回師兄,二塊板係一樣的,試過拆大房得果粒Sensor換落去,一樣係唔得,伹Vout係有電壓降變化(當按住搖控器),Check過線路板上每個腳㸃沒有斷路或短路,Vout到Pin2針位(我係直掂針腳)完全良好,Vcc同Gnd有5.08V,Pin3對Gnd良好,唯一當時沒對調壞板粒Sensor去大房塊板上試,可能我覺得已經唔係Sensor事,因為總共試過4粒都收到訊號有電壓降反應,所以先話俾塊板玩謝。

TOP

小弟認知唔多,其實LED會否係原兇呢?

TOP

本帖最後由 kamcm 於 2015-7-13 18:03 編輯
回師兄,二塊板係一樣的,試過拆大房得果粒Sensor換落去,一樣係唔得,伹Vout係有電壓降變化(當按住搖控 ...
SundayDriver 發表於 2015-7-13 17:48


你有兩塊一樣的PCB係手, 塊版又唔算複雜..
可以度每個焊點對地阻值做對比...
看看那裡異常了, 不論短路或開路..

====
btw,check 下 最左面果粒sw101微動有冇在唔按下的情況下短路?
之後再用他錶CHECK埋D LED

TOP