試整電單車Meter Panel

本帖最後由 wyhui5124 於 2015-7-26 08:46 編輯

老友問我有冇興趣玩吓,玩死都冇所謂,因為係佢個fd的。一隻唔識著,一隻顯示唔係油量(常滿)。兩隻同廠差唔多型號,都係用custom micro-controller NS TMPH8820,網上查唔倒料,所有connector冇料點駁,唯有慢慢跟。

拆縠:








附件: 您需要登錄才可以下載或查看附件。沒有帳號?註冊

本帖最後由 wyhui5124 於 2015-7-26 10:41 編輯

首先要跟點俾電(用著倒嗰隻黎試),跟負好易,幾粒大電容係common 負,再掃一下connector就搵倒,正電就睇邊隻腳駁堆電容,原來好多pin都經粒diode防止正負倒接,搵倒喇,但駁12V冇反應,應該仲有隻腳做enable pin。

又跟,試咗兩隻又係有diode input腳,終於開倒panel喇


但都係搵唔倒邊隻腳係睇油量,唯有用眼去睇吓個線路係點,望望吓發現塊板之前整過黎,粒制仲有D移咗位


再睇吓,好似有粒SMD電阻冇咗喎,再對比唔著嗰隻,真係冇咗,好彩兩隻線路基本一樣,可以知數值,就咁加番粒電阻上去就得,再跟線路,呢粒電阻真係駁去connector度,咁9成係呢個fault令fuel sensor讀唔倒數,遲D俾番主子先知結果。




跟住玩另一隻,D pin位有D唔同,跟番個線路俾電果然唔識boot,再睇吓就發現塊板明顯撞過,有D變型,又有裂痕,度過D線路仲係通,跟吓跟下就發現係由粒micro-controller直出一粒NPN B腳做power up線路,再睇多D,點解粒電容D膠水漬唔對位o既?仲有負腳唔啱方向喎,日本仔咁嚴格唔會設計做唔同方向裝電容架喎,再對比上面嗰隻,真係倒轉咗插,又係上手的手尾,仲發現連D push button都已經換過,只有掉番正粒電容試吓,但結果都係唔得,連電容都倒接,基本上一開就燒得,仲唔知燒幾多野添,仲有裂底板唔知死邊條trace, 咁可以certify囉。



原本可能可以整得番,但上手攪過都冇咩機會了,所以修理最唔like執人手尾
附件: 您需要登錄才可以下載或查看附件。沒有帳號?註冊

TOP

嘩,你呢件可能係古物,線路板係Fusing,25年前經已無客要求做這類板!

TOP

CB400 TEC3 唔會係古物…大概2006年野…

TOP

不同時期興不同的生產工藝和使用不同的物料,我之所以話佢係古物,係因為Fusing的工序早己被SCL取代,可能無乜廠仲會有Fusing機。另一個係綠油,而多年前WFSM亦早己成為業界的標準物料,仲邊有人用咁舊的綠油物料生產,整個生產工藝和流程都完全唔同!

TOP

CB400 TEC3 唔會係古物…大概2006年野…
snake01 發表於 2015-7-30 21:04
冇錯,细佬有架一樣,踢 3,舊年賣咗三皮八,而家可能要四皮多.好好玩,6200rpm開 踢來力,一直上约一萬又來多次,萬三红區,兄有冇諗過係油缸探失靈引致常滿?

TOP

冇錯,细佬有架一樣,踢 3,舊年賣咗三皮八,而家可能要四皮多.好好玩,6200rpm開 踢來力,一直上约一萬又來多次, ...
powerwhy222 發表於 2015-8-2 14:15


"兄有冇諗過係油缸探失靈引致常滿?"
個user一早已經試咗駁隻壞錶落另一部車度,結果一樣。

個錶頭原來唔接fuel sensor的話個fuel gauge會出動畫提醒用家sensor出問題,而隻錶頭已俾番個車主,試咗工作正常。

TOP

"兄有冇諗過係油缸探失靈引致常滿?"
個user一早已經試咗駁隻壞錶落另一部車度,結果一樣。

個錶頭原來唔 ...
wyhui5124 發表於 2015-8-7 13:05
我估都係,因為踢3份腦好聰明.

TOP

我cut佢扭匙著車即著大燈,加唔到制(冇乜位),用咗高燈果辨做off,反正冇乜開高燈用.

TOP