樂聲牌12"鴻運扇控制轉頁的motor

請問SSP,有類似的馬達賣嗎?問過信興,只買到1個較原本那個為大的橡膠轉輪,但就唔賣個馬達。

其實個新的可否裝落把扇,更換舊的較小的橡膠轉輪?

TOP

你先要確定個較原來大的軟膠牙是否能正常工作。
如可正常工作,可去鴨街一檔街檔賣強力磁石及摩打仔檔買類似的摩打約30rpm,但摩打身會較厚(勉強可裝入),條輸出軸會較粗(可將軟膠牙中孔用6mm圓柱形打磨咀擴大配合),重有條彈弓pin孔較大(可將軟膠牙U坑配彈弓釘位相對位置用2.8~3mm磨咀擴大),再買番條相同長度直徑約2.8mm彈弓pin就可以延續風扇條命。

TOP

你先要確定個較原來大的軟膠牙是否能正常工作。
如可正常工作,可去鴨街一檔街檔賣強力磁石及摩打仔檔買類 ...
diputs 發表於 2015-8-22 09:17

唔該師兄,想問條輸出軸可以抽出嗎﹖
因原裝的是可輕易抽出的。
還有,如個只開動同步馬達,橡膠輪可正常轉動及停止。
但如果同時開動扇頁,則同步馬達會不自主地隨風速大少而快慢。更加不能停止。
個馬達還可以修理嗎?

TOP

本帖最後由 diputs 於 2015-8-23 11:57 編輯

如我無估錯,你個摩打應該有標簽紙註明係強國出品。條輸出軸係緊打入隻塑膠(賽鋼)齒輪〔以前d N記鴻運扇係用Sankyo同步摩打,隻輸出齒輪係用燒結金屬sintered metal做,唔會咁易爆齒輪中孔〕,條軸鬆左表示隻膠齒輪中孔已開裂所以可以抽出黎(即輸出齒輪的扭力已不能經鋼軸傳出)。因果個摩打尺寸係依該扇專門訂製,以前我係逃保搵都唔到(否則就可以拆開個摩打蓋單換該連齒輪的輸出軸)。因該齒輪有時都好受力好難以焊接修理,或者你可試用一適合金屬固定圓環緊打包實爆裂中孔的齒輪。我就用左以上提供方法換左鴨記摩打。
只要將摩打蓋片(輪出軸那邊)的三處扣位用剪鉗修至垂直無倒扣就可輕易拆開蓋片,便會明白以上描述情況。
FYI,我亦買過該新尺寸的軟膠齒輪更換舊牙,問題不大。

TOP

師兄好詳細,試下先,謝謝

TOP

本帖最後由 wach2 於 2015-8-24 14:38 編輯

樂聲牌"鴻運扇控制轉頁的motor 的軟膠齒輪斷開
而今放置在床下底.唔知幾時重見天日
附件: 您需要登錄才可以下載或查看附件。沒有帳號?註冊

TOP