[操作疑難] 修邊機當電圓鋸鋸6 分板可能性?

elvinlws

上網睇左一堆修邊機示範, 覺得會唔會有可能可以當電圓鋸用, 開6分夾板料? 雖然係慢 (6分板分兩至三次鑼), 但轉速快, 切口光滑, 配合埋靠山, 應該做到電圓鋸開料效果~

以上純粹推測, 始終有一定危險性, 勿以身範險; 如有ching 試過, 可以講下使用經驗, 心得~ 對於唔想買到成屋電動工具同間中先拎黎玩下既人可能都幾合適~

kswong8d

我試過用水平尺做靠山，飛走6分板，是可以的，但要好小心，方向要正確，同時每一刀會唔見好多料，似乎有D得不償失。
重鬼咁嘈，又大塵，我而家都好小用。

elvinlws

我試過用水平尺做靠山，飛走6分板，是可以的，但要好小心，方向要正確，同時每一刀會唔見好多料，似乎有D得 ...
kswong8d 發表於 2015-9-29 16:27

你意思係修邊機比你部 Bosch GKS 10.8 嘈好多? ching 用緊邊部修邊機呢?

cerberus

大塵,一路修邊一路開吸塵機对正

ionavigo

修邊係咪指ROUTER？用來切過40分廚房台面，如上述CHING講，好大塵，方向要正確，及分幾次，佢切割效果可以做到比電圓鋸開料更好。

kswong8d

當然比BOSCH嘈，我部紅M冇吸塵口，有日係元朗見倒部得偉，配套有吸塵口，600元，本來想買，但多一部又冇乜用，你咁想 我或者再考慮吓！不過總有D柴狼分香腸的感覺。

digiman

小小建議，用鑼機鑼板最好唔好一次過鑼，分兩次好啲，最好用大鑼機，因為底座大啲又有雙柄揸手比較易操作，冇咁易搶刀，搶刀時都冇咁易捉唔實

用細修邊機最好都diy個雙柄底座，只用圓筒款搶刀時甩手好危險，除非自認好夠力捉得實，我自己以前試過鑼煙斗較位搶刀差啲甩手，真係要小心小心加小心

kswong8d

我都試過搶刀，所以我唔覺得佢比圓鋸安全

timlau7

這會否簡單事複雜化

ginastar

修邊機會用來作jointer, 修直及90度