想問下呢塊會係乜野木

之前貪玩去淘寶買左 D 唔同木塊玩雕刻, 佢同時攝左幾塊碎木寄落黎.   我本著食得唔好嘥既精神, 拎埋黎玩.

點知, 後尾發覺, 效果最好既, 竟然係其中一塊攝位用既碎木, 而且塊木本身仲有點香味.
我問番店家係乜木, 但係由於只係隨手執落去攝位, 填滿個盒方便寄, 佢地都唔肯定係乜.
我形容比佢聽, 佢懷疑係綠檀, 但我之前都有買過綠檀, 拎黎對比下, 質感唔係好似, 拷打既聲音好唔同.
又無可能為左塊碎, 寄番去問佢, 佢地都唔知採唔採我.

唔知香港有無地方賣木材既, 可以比我去問.

塊木有少少檀香味, 估計應該係檀木既一種.
木質感覺比較剛硬, 拷打既聲音非常清脆, 誇張D講有點像瓦片(當然無清脆成咁, 但真係幾似).
我用機去雕時, 甩出黎會成粉狀, 幾乎完全無起絲.  用鑽開孔出黎既都係粉碎的.
鋸開時, 切口幾乎完全無刺, 只有幾條毛仔, 一掃就甩果隻, 唔會刺手, 而且切面不加打磨已算光滑.
如果唔係同木行買既, 真係懷疑佢唔係木黎既.

下面既一個雕刻完既 sample, 比大家睇下佢既紋同埋特性,

(唔知點解, 今日呢度上唔到圖, 我 click 完上面個圖片無 popup 彈出黎, 其他幾個都係, 所以放左去另一度, 希望睇到)

由於佢粉碎既特性, 雕出黎既野可以幾精細, D 蝦腳大約係 0.1 左右, 可以連前面個叉都好清楚睇到, 如果比較軟身既木, 甩條木絲出黎都粗過佢了.

另外呢塊木本身係爛既, 佢既崩位可能係眼位, 感覺好特別, 睇得出係粉之餘, 又有 D 好黑, 反光有點似金屬既野, 但又唔多似係燒過,


佢地可以當碎木用黎攝位寄野, 應該唔會係乜野貴價木.
所以好想搵番呢隻木黎玩, 唔知宥無 ching 玩過雕刻, 知道有乜野木合適, 又或者知道呢隻係乜野木.
唔該哂先.

似黑檀

https://item.taobao.com/item.htm?id=40548357857

TOP

聽講檀木沉於水, 不如試下先

TOP

似黑檀

https://item.taobao.com/item.htm?id=40548357857
funfunhk 發表於 2015-10-31 15:54



唔該先, 不過應該唔係, 我手上都有黑檀, 質感唔同, 黑檀既密度好高, 一拎上手重量分別好大.
之前買左下面一set 18 種木的, 既都對比過, 搵唔到一隻似 (紫光檀=黑檀).  特別係拷打果陣既清脆感覺, 完全好唔同.

18种一套材质包含:黄金樟、红檀、绿檀、紫光檀、大果紫檀、黄金檀、紫罗兰、非洲鸡翅木、桢楠、黄杨、大叶黄花梨、非洲黑檀、香樟木、榉木、科檀、赞比亚血檀、尼泊尔紫檀、南美血木~~

TOP

聽講檀木沉於水, 不如試下先
ginastar 發表於 2015-10-31 15:59



佢幾輕身下, 我估唔會沉.....如果係既, 咁可能唔係檀木.   一陣開桶水試下.

TOP

背面濕濕水睇下

TOP

回覆 6# gary012


唔知影得清唔清, 左邊乾, 右邊濕既.

TOP

從圖片及描述, 再對比手上資料, 估係紫心木(purpleheart), 包括grain, texture都似, 但purpleheart是冇味的... 但真係亂估, 因從未見過摸過, 都係要懂木的師兄/姐來確認

TOP

小弟愚見 似紫檀

TOP

唔該哂大家先.

既然大家都比較偏向認為係紫檀 (紫檀=紫光檀=黑檀?), 就試下再入D紫檀睇下, 反正只係幾蚊人仔.
不過, 我手上既紫檀, 真係好唔同.  
而且氣味分別更大, 買果塊黑檀, 本身既味有D濁, 聞落唔係好接受, 而送果塊係覺得有點香的.   氣味上既分別都幾大下.


但係我地都幾鐘意紫檀夠深色, 諗住如果雕字填金粉會幾好睇.
同一種木, 唔同既樹都可能有分別.  可能係佢送果塊比較乾身, 拷落去既聲特別清脆.
附件: 您需要登錄才可以下載或查看附件。沒有帳號?註冊

TOP