新手想玩CNC

小人係個新手,過去做咩DIY野都係手工做靚極有限,一直都想學玩CNC 但以經無地方教,想買部返來自學又講緊最小都栗7~8千,加上未學過唔敢入手。最近見到淘仔有唔小Arduino CNC買(2020)價錢又理想,精度就唔好問啦!有無大師可以比多小意見
平機多數係2020鋁骨加3D打印件或亞加力件多,我只是做下電路板及亞加力板玩具唔知得唔得
多謝各位!

睇下你想做乜, 幾舊水都有得玩.
我買左部玩具機, 全鋁架, 連埋運費刀頭埋單唔駛 1K 港紙.
如果亞加力架既仲平, 不過唔推介, 我原本就係亞加力, 扭螺絲扭爆左幾個位.

部機雕木都幾掂架, 銑完用手一定摸唔出, 超順滑.  
刻 PCB 我仲係 tune 唔掂, 因為精確度要去到 0.1mm, 好難攪.  家陣尖刀既頭只係擺多左 0.1mm 左右, 條線就無左.  不過, 賣家佢話應該 tune 到既, 我比個 gcode 佢雕都 OK (賣家信得過既, 我相信佢係用番玩具機試比我睇的.)
如果比多少少, 一千左右已經多左好多選擇, 不過就會大少少.
如果你放得落3040 既機, 我提議你玩大少少既機.  果D用 300W 或以上既電機, 分別幾大.  家陣用隻 775, 比 24V 佢, 雕木都只可以 1mm 咁落.  試過貪心一野 2mm, 中途卡住磨木, 即刻好大陣煨味, 比老虎下令我雕緊野唔可以出街(怕火燭).
唉....部玩具機超慢, 雕 60x40x3 mm 既野, 都要六粒鐘.....

所以, 如果你屋企有位放得落既, 又唔介意比多幾舊水, 最好都係搵部 300W 或以上既, 唔好玩 775 電機果D.    555 果D更加諗都唔駛諗.

TOP

如果可以比 2K 以上, 而又想搵細機既, 都有唔少選擇.
可以試下部 得胜D3迷你数控雕刻机 .
我當初有考慮過呢部, 不過後尾識左位大陸既店家(當時佢仲研究緊), 同佢吹水一輪, 研究左一排, 跟佢買散件自己砌.

頭先唔記得左比埋條 link 你睇下我部機仔:
http://www.hkepc.com/forum/viewt ... p;extra=&page=1

我呢排研究係 GRBL, 用 arduino 整緊個 offline 既 controller (加埋 OLED,  手制, SD card).
因為家陣用電腦雕, 仲有個怪問題, 就係雕雕下突然停機.  唔知係 GRBL 定係 PC 既問題, 所以想改為離線獨立打印.

有興趣既大家交流下.  CNC 真係幾好玩架.

TOP

多謝先!
其實最開始我係想買3040,因為會玩膽機做殼。
你買的都是我考慮的一部,重點係抄咗都無咁赤赤痛(唔洗一千)。
至於位置我唔係問題,但都係買部細機返來練練先!
想問除網上那裡會有點CNC書,鴨仔一帶真係無見有?

TOP

多謝先!
其實最開始我係想買3040,因為會玩膽機做殼。
你買的都是我考慮的一部,重點係抄咗都無咁赤赤痛( ...
alundrahk 發表於 2015-11-11 02:22



我都唔知 CNC 書會講D乜, 我係心口一個勇字, 乜都唔識就買番黎試.
好在店家係大陸討論區既網友, 比我捉住問野.
不過, 我識既大約只係部機既結構, 同埋少少 GRBL 既野.
至於 點樣用刀, 點樣設定, 我仲係不斷試, 用黎用去只係得 尖刀 同 銑刀/ 鑼刀 (呢兩隻我都唔係好識分, 連鴨記賣既鋪頭都亂黎, 有 D 就咁叫鑽咀添, 用途大約知, 就真係唔識分).   
軟件方面, 雕木既模得用 ArtCAM 整既 (當然係共產主義既產物), PCB 用 layout 出左, 試過用 USB CNC 轉, 又試過用 ArtCAM 轉 gcode, 都算 OK, 只係刀頭擺動, 落刀成日挖粗左 0.1-0.2mm, 斷線唔掂.
不過, 唔係玩具機, 我見好多係行 MACH3 既 (我都唔知係乜, 係估係另一套 CNC 既 OS, 類似 GRBL 掛).

唔知你諗住既 CNC 書會係講乜既?

TOP

好似 3D打印機那樣有個專區,有一群好勁的高人主理坐鎮 攪下diy 攪下團購 講講教學就好羅!

TOP

我都唔知 CNC 書會講D乜, 我係心口一個勇字, 乜都唔識就買番黎試.
好在店家係大陸討論區既網友, 比我捉 ...
Super169 發表於 2015-11-11 02:31


見過啲5軸 cnc 機, 成個電單車頭盔 (外表 + 內部雕空) 都雕到出黎.

呢類立體 cnc 機, 有無得淘呀?

同埋, 要用咩軟件去畫個3d model?  要教部 cnc 點雕的嗎?
定係比個 3d model, cnc 軟/硬件自己識攪掂?

TOP

見過啲5軸 cnc 機, 成個電單車頭盔 (外表 + 內部雕空) 都雕到出黎.

呢類立體 cnc 機, 有無得淘呀?

同埋 ...
seasky 發表於 2015-11-11 03:15


5軸 cnc 機做電單車頭盔,大槇精機?嗰個係千萬金元大製作,而且重點係背後嘅CAD/CAM技術同技師手藝配合,唔係單靠部五軸加工中心。

一般淘嘅雕刻機應該做唔到,因為起碼要支援五軸同步走形(contouring),好多雕刻機話支援五軸同步其實係兩個旋軸只係定位(indexing),真係要買一定要攪清楚(大陸論壇時有投訴)。
http://www.disn.co.jp/index-en.html
https://www.youtube.com/watch?v=MwZCuTlSKeY

TOP

5軸 cnc 機做電單車頭盔,大槇精機?嗰個係千萬金元大製作,而且重點係背後嘅CAD/CAM技術同技師手藝配合 ...
高登阿伯 發表於 2015-11-11 11:22



淘寶都有 3040 既 5 軸,  見過 10K 人仔左右.

但係佢果 5軸點控制真係唔知, 唔知 SolidWorks + SolidCAM/CAMWorks 之類, 出唔出到 5 軸既 control code 了.
4 軸加既 A 軸我都大約知係點, 5 軸唔知 XYZ 以外既兩支軸係控制乜野.
5 軸機唔知係咪有一套 standard 既, 定要軟件識得佢既型號設定, 至識得 gen 到 code.

4 軸以上既控制板好多都係 9 軸既, 唔知 9 軸係點玩....(哈哈...我真係乜鬼都唔知.)

TOP

好似 3D打印機那樣有個專區,有一群好勁的高人主理坐鎮 攪下diy 攪下團購 講講教學就好羅! ...
hktvro 發表於 2015-11-11 03:10



我都好想, 不過 CNC好似無咁多人玩..  家陣都係去番 立體製作空間, 反正 CNC 都係用黎作 立體制作, 果度都好多人幫手.

TOP