補牆問題

牆身開左一個洞入分體冷氣器喉....
用乜先可以令個開洞完全唔漏水....
試過用 d 乜乜補漏都係漏水
因為幾條分體冷氣器喉都係軟管兼有好似海綿既豬腸包住....
d 豬腸一落兩會吸水最後都係漏入屋....
有無師兄分享一下經驗點做, 謝

果CF 手工差??
係咪屋外豬腸果果位高過室內

TOP

嘅然已知係沿住豬腸喉入水,可以係外牆整最好,唔可以就係室內整但要盡量通到牆外(因如係沙磚牆驚會係牆內滲水,石屎牆如冇老化就冇問題嘅)清走哂牆孔內嘅包膠,用吸塵機畫量清走哂啲沙泥(如有),再用填縫膠填滿個孔,

分體冷氣安裝說明書都有講牆孔要微斜向下斜水,出外牆喉亦要先微向下斜水,咁兩水就冇咁易滲入屋,但如果外喉高過牆孔外面包膠喉裂咗都有機會沿豬腸人水嘅

TOP

將入牆果段豬腸與外牆界段分割開(清除外牆面豬腸約半寸)以玻璃膠或填縫膠補回至豬腸外徑,再如digiman師兄指示補好個牆孔,咁做可以阻止雨水(或外喉面冷凝水)從豬腸流回室內,不過室內果段喉如有水珠凝結就唔會經斜水流出室外(假使喉斜水方向錯誤或無斜水)。

TOP