note2 螺絲拆唔到..幫手拆到比返錢你

成部機得e粒螺絲拆唔到,好實,螺絲十字紋就黎唔見
有無師兄有工具整

已撻頭,神仙都難救,換支Wiha PH00/PH000螺絲批,再加D膠水試下,必要時用Anex螺絲取出套裝吧

TOP

本帖最後由 diputs 於 2016-2-1 22:50 編輯

點解想拆個電話膠殼?
可試下以下方法:用枝尖咀辣雞,最好有溫度調教果種,無的話用約20W或將30W串粒二極管1N4007變成約15~20W,然後將尖咀壓向已撻頭的螺絲頭中央加熱螺絲,然後小心觀察螺絲壓著的膠,如看到該處的膠開始變軟,便文刻移開辣雞咀及插入一適合尺寸的十字批咀試逆時針方向轉,唔好太用力。唔得就再插入尖咀加熱,至稍高溫度(即感覺螺絲壓著的膠變軟得更多),再用批咀試擰。
因螺絲加熱時會輕微脹大,冷欲時會收縮,但膠的溫度彭脹或收縮率比金屬螺絲小,變成螺絲回復室溫大小時,膠孔的螺牙徑會比之前稍大,令拆螺絲力變小,雖然十字頭的凹位撻了些,可能仍夠力被扭轉拆除。
記得千萬不能讓溫度過高而熔了膠牙,只是利用膠的熱變形溫度而已,如膠孔熔成如牙膏般,就算冷卻後都可能再不能收緊螺絲。
以上是假設螺絲唔係機絲而係收於無金屬螺母箝件的膠柱,如搞錯了,當我冇講過,不過就算係金屬絲母都可試試,大不了將粒箝件拔離膠殼,再用其他方法黐回。
祝你好運

TOP

用CUT鉗,應該可以鉗到出嚟

TOP

樓主,你用緊果套細螺絲批,可以掉得,稍為用Wiha或者高級D既大陸批,都唔會搞到咁,例如用大陸南旗套批,佢支批杆可以伸長,因槓杆原理,變相扭力大D,會易鬆D螺絲好多,減少撻頭情況出現,我見有D整手機既師父,都係用Wiha批,Good Luck

TOP

本帖最後由 digiman 於 2016-2-1 23:30 編輯

先用敲打法,扭螺絲時同時用另一枝膠柄螺絲批類輕敲枝批,睇吓可唔可以鬆到
最後都冇辦法就用稍大過螺絲直徑嘅鑽咀鑽走螺絲頭,拆底蓋後再用鉗拆無頭螺絲,記得貼滿膠紙避免金屬粉掉入機入面
第二時扭螺絲時記得用力下壓,咁就冇咁容易撻頭,發現螺絲批有啲撻就要更小心,或者換過枝批

TOP

TOP

附件: 您需要登錄才可以下載或查看附件。沒有帳號?註冊

TOP

通常唔係要用星形果種先開到?

TOP

我見有種逆向鑼絲取出器,用個鎚仔撞幾下,粒鑼絲會自動轉出來!

TOP