村屋熱水爐問題(跟進)

本帖最後由 5ocean 於 2016-3-31 22:57 編輯


終於有時間將熱水爐支發熱管拆出嚟,發現狀況良好,通電後發熱亦冇問題。這種爐其實很簡單,我幾乎已更換所有零件,冇理由115升只能使用15分鐘。因為拆開咗支發熱管,有機會睇到內部結構,最後我發現此爐由day 1已經裝錯咗,這爐應該係橫坐地式,上手將個爐掛咗上牆,搞到冷水熱水出入口是平衡,而非熱水出口上,冷水入口下 (如最下面的圖)。
附件: 您需要登錄才可以下載或查看附件。沒有帳號?註冊

有少少保留

1) 打直就 short path, 打橫唔會 ?

2) 如果係咁, d 電費會好平, 都冇乜用咗

TOP

回覆 1# 5ocean
上網查下個型號應該會清楚晒

TOP

本帖最後由 digiman 於 2016-4-1 09:16 編輯

唔關冷熱水位置問題,你哋水費咁多,應該係開到好大水,咁爐內水流應好勁吓,好快會平衡爐內水溫,冬天冷水水溫低咪快凍囉

都係嗰句,唔係爐問題係使用量嘅問題,即熱爐先係解決方法,不過就燃料及水費同樣上升,因為會再沖耐好多

TOP

熱水爐的設計及正確安裝, 對效能有好大影響的, 如你下圖係橫坐地式,
凍水下入,熱水上升上出, 就正常安裝.
就如你所講上手將個爐掛咗上牆,搞到冷水熱水出入口是平衡, 咁就錯誤安裝,效果就是電費貴,使用時水煲極唔熱 ,使用熱水時間縮短 及 得唔到應有的效益 !!
建議樓主盡快修正番正確的正常安裝 橫坐地式 .

TOP

加幅圖會清楚D儲水熱水爐大概原理,
所以正確安裝好重要 !
附件: 您需要登錄才可以下載或查看附件。沒有帳號?註冊

TOP

儲水式一定要裝啱方向,用過儲水式電熱水爐就明,就快用完D熱水嗰時就會好快咁變凍。

TOP

本帖最後由 5ocean 於 2016-4-1 13:35 編輯



唔該哂各位師兄解釋及建議,德國寶d爐有分直立坐地,直立掛牆,橫坐地及橫掛牆,但係全部都叫GPU-xx,爐身都冇寫係邊種,我打去代理問過,都話應該係熱水出口在上方,冷水入口在下方,其實原理上亦合理,因為熱水向上升。上手唔知係訂錯咗定係個師傅唔識,搞到又哂電又唔夠熱水。仲有呢隻爐裝咗8年,期間叫過四五次維修,嚟過幾個唔同師傅,換過溫控,換過防倒流制,換過溫度/壓力制,從未有一個師傅發現隻爐裝錯。

我網上搵到,話橫置嘅爐效率冇直立式好,係美加普遍都係用呢d爐,我從未見過有橫置式,最後考慮到本身隻爐已經好舊及效率問題,我已經訂咗隻新爐,真富JHF-30直立式(115L),$3750包送貨,價錢幾合理,待裝好後再包膠。
附件: 您需要登錄才可以下載或查看附件。沒有帳號?註冊

TOP

本帖最後由 simontang 於 2016-4-1 14:37 編輯
唔該哂各位師兄解釋及建議,德國寶d爐有分直立坐地,直立掛牆,橫坐地及橫掛牆,但係全部都叫GPU-xx,爐 ...
5ocean 發表於 2016-4-1 12:59


$3700又唔係好貴, 交電費都唔止啦~

TOP

8年爐, smart move

TOP