煤氣煮食爐入水 自己點火

本帖最後由 dbp 於 2016-4-7 14:40 編輯

前幾日將個裝左急凍食物既膠袋放上個煲度解凍,個煲放響爐上面,因為個個膠袋好長突左出來,所以解凍時流左啲水出來,幾個鐘頭後,唔知係滴左啲水響點火位定係撻火制位,跟住就聽到個爐自己點火聲,因為無撻火,所以無氣出,但就要拆左粒電出來。

諗住等啲水自然乾,等左三日,放舊電入去都仲係自己點火,個爐係上手既「德國寶」,應該過晒保養,想問下有咩可以做?

又唔係沙漠,點會自己乾!!!唔怕死可以[拆電]用點火槍打著佢照平常咁用,等熱力整乾佢。
叫煤氣公司過黎睇唔使比錢,0件就未必有…

TOP

叫 C Fu 上嚟睇好似穩陣啲喎

TOP

煤氣公司睇唔使錢, 今CALL 明到.
why not?

TOP

佢個個月收十幾蚊做保養費㗎,唔係要濫用。但需要時就叫佢黎檢查下。
先前熱水爐有事 ,一個月上咗黎四次。 祇係收翻零件費。

TOP

風同吹咪得6

TOP

煤氣公司個個月收你保護費,有問題叫佢睇下,好合理

TOP

唔該晒大家,聽大家講搵煤氣公司,煤氣公司上嚟入電試無事,應該係乾左,仲清潔埋個爐,正!

TOP

弓起,弓起。
大家按正常程序,行駛番應有權利!
唔似得某家人濫用權力,仲要強詞奪理。

TOP