(已解決 4#)水龍頭問題

本帖最後由 C_Law 於 2016-4-9 23:49 編輯

屋企廁所洗手盤用這類水龍頭(網上借圖):


今朝發現冷水好慢(右邊盡頭拉到最高),感覺上(沒實際去量)只係得熱水(左邊盡頭拉到最高)的 1/4。

平日應該是冷水的流量稍為多過熱水(應該是因為熱水要經過熱水爐),昨晚都仍然是正常,今朝起身就覺得冷水好慢,不過今朝趕時間出街無理到,等今晚返屋企先至有時間睇。

想問下大慨會是壞什麼?要不要成個換?大約幾錢?
自己無架生也無經驗搞水喉,都應該會出去搵人整,想知道大約價錢。不過頭痛的是以往屋企附近好多舊唐樓有樓梯底水喉師父檔口,記憶中這個水龍頭都是大約 10+ 年前搵樓梯底檔口的師父安裝,但近年拆舊樓拆下又小一檔,老師父退休又小一檔,現在都好似不覺眼屋企附近有這類檔口!
附件: 您需要登錄才可以下載或查看附件。沒有帳號?註冊

熱水掣開晒未?

TOP

熱水掣開晒未?
tommy913 發表於 2016/4/9 22:29


熱水無問題,只係冷水出水好慢。

TOP

剛剛檢查下,同樣是開到最大,左邊熱水的水流量係好明顯多過右邊冷水好多。



粗略比較下流量,塞住洗手盤去水口,放隻手指求其指住盤邊一個位置然後開盡熱水,水位升到手指頭大約要 17 秒,之後保持手指位置不變,放走洗手盤的水後再塞住去水口,今次開盡冷水,要 62 秒先至浸到手指頭,即係冷熱水流量大約係 1 : 3.6 。

拆開洗手盤底用來遮住出入水管個罩睇下:


試下扭扭入冷水的手掣,只係扭了好小,冷水的水流量立刻回復正常:




洗手盤底的冷熱水入水掣有個罩遮住,照計屋企人不會搞得到,都不知為何忽然間會收細了冷水!?
老夫子金句:耐人尋味!!
附件: 您需要登錄才可以下載或查看附件。沒有帳號?註冊

TOP

冷水掣壞壞地? 定係有野塞住冷水嗰边?

TOP

剛剛檢查下,同樣是開到最大,左邊熱水的水流量係好明顯多過右邊冷水好多。



粗略比較下流量,塞住洗手盤 ...
C_Law 發表於 2016-4-9 23:47

可能有雜物塞咗入水位,開大咗水掣冲走咗又回復正常。

TOP