小兒科DIY系列:換洗手盆

本帖最後由 kentnklee 於 2016-4-21 07:26 編輯

好耐都冇出呢個系列貼文, 最近老家同我講話家中洗手盆裂紋不斷增多擴大, 恐怕會突然爆開. 講到咁嚴重, 做女婿點可以唔出馬.
因為用緊嘅係台上盆, 新盆要放得落云石面個窿, 唔可以太大, 亦唔可以太細, 為免買唔啱size, 我先拆舊盆, 用報紙劃個窿做紙樣,再去旺角買, 咁就冇死.

拆舊盆唔難, 最麻煩就係拆水喉, 因為原本冷熱水喉都冇裝閘制, 3分硬喉直駁四分銅喉, 為咗安裝方便, 先為兩條喉加閘制.


買咗兩個龍頭座同閘制 ($15 x 2 , $25 x 2)


先用手收緊龍頭座, 在牆上mark好個窿位, 再拆返開個龍頭座, 鑽窿, 打膠塞, 再裝返個龍頭座, 上螺絲, 再收緊欖核.
熱水喉因離牆太遠, 又唔想改喉, 所以唔用龍頭座, 轉用一個90度曲. 人懶, 用返原有嘅欖同迫母, 上落龍頭座及90度曲, 又冇漏水.,




拆走來去水, 移走舊盆, 再清走云石面上嘅白英泥,
可以用報紙畫紙樣, 去買盆了.



拆下的舊盆及龍頭





新的龍頭, 用網喉, 方便得多.


上落新洗手盆, 手板眼見功夫, 個盆未放入云石台, 所以安裝好就手,
     

再裝埋個去水配件, 經驗話俾我知, D螺絲紋會漏, 所以我今次加定銅油灰係去水組件D螺絲紋度, 才放上膠墊及上緊迫母.
先用白英泥圍住個云石台面窿,再放上新洗手盆, 輕輕敲打壓實, 再收邊. (放盆前, 先將新盆整濕, 希望英泥食實D)
接駁埋冷熱水喉, 去水隔氣, 大功告成,
放滿一盆水, 冇漏, 放水, 所有接口位都冇漏水, 收工.

老人家開心使用中.

師兄勁呀

TOP

本帖最後由 kswong8d 於 2016-4-12 21:22 編輯

我最近換咗隻按一下開一下關的池盆塞。但都唔係咁好用,你係咪用傳統膠塞?

TOP

回覆 3# kswong8d
我都係用你講果隻, 30蚊, 張相係未放番個塞時影的, 之前都係用呢款, 都幾好用

TOP

日子耐牙高之類會變成黑色物體,藏於按制內,要久不久攞出來清潔。

TOP

勁!
真係想問下師兄專業係邊行!

TOP

Ken師兄好勁!
"去水配件, 經驗話俾我知, D螺絲紋會漏, 所以我今次加定銅油灰係去水組件D螺絲紋度, 才放上膠墊及上緊迫母."
我見師父多用桐油灰, 其實用silicone玻璃膠也可以嗎?

TOP

ching 整得好細心..隻猫好靚

TOP

多謝分享

TOP

本帖最後由 YES_MAN 於 2016-4-13 15:58 編輯

能者多勞
無能者無所求,飽食而敖遊

TOP