[操作疑難] 求救: 近排有好多飛曱甴有乜辦法驅走它?

求救: 近排屋企有好多飛曱甴有乜辦法驅走它?

奇怪! 近排屋企唔知點解有好多飛曱甴有乜辦法驅走它? 唔知係未因為天氣太熱了, 一到夜晚熄晒燈, 啲小強就走晒出黎, 最鐘意爬上飯枱乘涼呀! 佢地通常係瘦瘦長長, 觸鬚亦係好長, 但反應極奇敏捷, 通常用啲最原始方法, 拎起拖鞋用閃電架速度拍落去, 好多時比佢逃脫, 佢仲有會識飛的! 一晚大約捉到/見到大至四隻左右, 問題係有咩辦法可以驅走它們呢? 已經定期倒漂白水到各渠口度, 同埋封左啲渠出口, 問題係究竟啲小強從何而來呢? 有咩有效方法可以根治呢? 以前國內出品的曱甴一掃光唔知仲有無效用呢? 請指點一下, 萬分感激, 謝謝!      

去五金舖買曱甴粉試左先.

TOP

我屋企用緊德國驅蟲大王(用聲音驅蟲),用左三年幾(唔計頭兩星期),都只係有三隻曱甴入屋,仲要反應好慢.
剛剛裝頭兩星期會將屋入面既曱甴趕晒出黎,所以頭兩星期會比較多曱甴.
呢個係我親身經驗,同埋部機要幾百蚊.
當然有人會話無用.

TOP

回覆 1# sonycliepda

試下煙霧殺蟲彈,
之前有個單位睇落無小強,有假天花同廚櫃,
關窗放彈過一晚,第二日返來,小強訓到一地都係,滿左兩個垃圾鏟.....

TOP

用拖鞋拍死佢,D腸內臟咇哂出黎,D細菌多到

TOP

求救: 近排屋企有好多飛曱甴有乜辦法驅走它?

奇怪! 近排屋企唔知點解有好多飛曱甴有乜辦法驅走它? 唔知係 ...
sonycliepda 發表於 2016-6-15 11:27


係咪紅紅地色果D曱甴?
我最近都見到有, 之前係未見過的 ...

TOP

用拖鞋拍死佢,D腸內臟咇哂出黎,D細菌多到
林洋2 發表於 2016-6-15 12:21


急起上黎係最快呢個方法, 拍死佢好過比佢走左,最多之後搵消毒藥水狂洗....
最好當然係好似網上用起泡噴霧啦, 但就算買左係屋企, 到你走去攞支噴霧時, 隻小強已經走左唔知去邊...

TOP

家中d特大曱甴絕大部分由上層經窗口直接飛落黎,解決只有自制可拆式蚊網

TOP

係咪紅紅地色果D曱甴?
我最近都見到有, 之前係未見過的 ...
alexn 發表於 2016-6-15 12:27


係小小帶棕色的, 以前有人講過, 嗰啲好似叫美國曱甴呀! 有錯請指正, 謝謝!

TOP

呢隻會飛的小曱甴我屋企都有, 曱甴屋同街買的曱甴藥冇效, 最後要出動煙霧先少d,  但仍未滅族

TOP