有無人知道, 阻容灭弧器 係點用既?

本帖最後由 Super169 於 2016-7-18 19:54 編輯

買左塊 CNC USB 控制板, 想改左部玩具 CNC.  
初步測試步進電機控制無問題, 主軸電機由繼電器控制開關亦無問題.
但電機開動後, 就會影響左步進既驅動器, 無端端產生左D訊號去控制隻步進轉.
問左塊控制板既賣家, 佢叫我買隻 阻容灭弧器 加落去, 但佢就無得賣, 亦無教我點接.
小弟唔熟電子野, 都唔知乜黎既.

在網上搵到隻野, 幾蚊就得,但唔知點用 (當然, 亦唔知有無錯)


另外有隻 模組化既 "继电器触点保护 灭弧电路", 都係幾個大洋.


都係兩條線接落去, 但唔知應該係接落邊度, 串聯定係並聯?

唔知有無 ching 知道點用既?

我家陣隻 relay 係 5v 控 36V 主軸電機, 高電平觸發.  其實只係隻好細既 775電機, 都唔明點解咁大干擾.
如果要加落去, 應該係加 控制板 同 繼電器 之間, 定係 繼電器 同 主軸電機之間?  並聯定係串聯呢?

唔該哂先.
附件: 您需要登錄才可以下載或查看附件。沒有帳號?註冊

係唔係"蕭特基二極體"

TOP

係唔係類似呢 D?
http://www.electronic-components ... es/Arc-Suppression/

幫隻 relay 滅弧,應該駁埋 relay 隻 NO 腳 COM 腳度用...

TOP

我都唔知, 買左番黎, 攪左好耐.  網上有人教左我係好似電容咁並落電機兩隻腳就得.
但係我攪左好耐, 正反轉黎轉去, 最後連串聯都試下, 結果完全唔得.

最後...攪掂既方法, 係換走左幾塊 A3967驅動板, 改用 TB6600, 貴野既抗干擾能力真係差好遠, 同樣既組合, 同樣既電機, 只係換左驅動就完全無哂干擾.

至於正路應該點樣處理電機既干擾, 恕小弟攪唔掂, 放棄了.

TOP

如個主軸電機係用電刷式摩打,運行時會由於經過電刷電流的通斷而產生電火花,d電火花脈衝會經有關電路、步進電機控制板電源(或其他電磁波傳送途徑)傳至控制步進電機的線路形成誤觸發,厘類干擾叫電磁干擾EMI Electromagnetic Interference。
要減弱這類干擾可從源頭出發或於引起干擾的線路(步進機驅動板)加入強抗干擾電路的有關零件。
從源頭出發係將電火花引發的干擾脈衝用電容吸收及與電容串聯的電阻消耗有關干擾的能量,叫'阻容吸收器或阻容滅弧器',但該電容數值與產生電火花電路的電感值有關,如電感值或電流變化值較大,滅弧的電容值就要相對提高,電阻的功率亦需加大配合,唔係一成不變。如要將EMI衰減更多,則要加電感零件構成LC濾波電路使不想要的干擾訊號旁路至電源公共點(地端)。
最基本的電火花或干擾吸收電路,並聯於摩打電刷或繼電器觸點。

但由於電刷摩打的火花較厲害,用以下的減干擾電路會較有效






單向調速電機滅干擾

如從控制步進電機電路板減弱外來EMI干擾,則於電路的電源部份加入EMI濾波電路,如一般的開關式電源的孰口孰面防EMI電路(有X電容、抗共模干擾電感、兩粒接地Y電容等,需要更減弱干擾則多加一級LC濾波以將干擾脈衝的高頻成份濾除)

以上資料希望能令師兄對減弱EMI認識有些幫助。

TOP