煤氣熱水爐唔著,師父話係電問題

個爐無電到,飛線就著得返,所以應該係電問題。
一般咁嘅情況叫電工上門大概要幾錢?自己唔識搞啦....
諗住順便換埋另一個有滋滋聲嘅開關,換制大概又幾錢?

好怕去問時佢地隨口開價....

Android Play Store 有apps 找師傅。
再唔係落街格下價。
不過同煤氣熱水爐有關,正路要電牌+氣體設備果個牌。

TOP

煤氣代理嘅搵返佢地 check 啦,應該係公價嘅。佢地啲老屎忽最鐘意叫你買過部新,費事同你整,賣新好賺好多; 後生仔會好心機啲~~屋企人嘅經驗。

TOP

煤氣師傅唔駛錢梗係第一時間搵。
上咗嚟 check 咗一輪,話係電問題,牆身電位無電俾個爐所以打唔著。唔關個爐事,叫我搵個電工師傅整。

樓下有幾間,其中一間檢查就三百幾,要整嘅話材料另計。唔知三百幾合唔合理?

TOP

煤氣師傅唔駛錢梗係第一時間搵。
上咗嚟 check 咗一輪,話係電問題,牆身電位無電俾個爐所以打唔著。唔關個 ...
dls2046 發表於 2016-7-31 15:37


三百幾 材料另計, 差唔多喇, 上一上門就要幾舊水,
另你有無試下換 電制fuse
附件: 您需要登錄才可以下載或查看附件。沒有帳號?註冊

TOP

用拖板(或飛線)俾返220V個爐就冇事,好明顯就係原來個蘇面有問題冇電到,可能係燒咗fuse,不過燒得fuse,梗有原因,亦有可能係牆身電線(明或暗線)斷線(斷氣)。
自己有工具(最少要有隻它錶)又識嘅,可以慢慢跟吓check吓邊個位置 "斷氣",220V要小心,先關大(總)制。

唔曉自己check嘅,叫師傅三幾百 "檢查" 走唔甩架喇,重新拉線,分分鐘要五百至一千添。揾吓有冇d街坊水電舖,打吓價先。

TOP

仲有,搞呢d固定電力裝置,條例上規定係要合資格人仕先可以,自己搞嘅話,千萬要小心以免出意外。

TOP

本帖最後由 別問我是誰 於 2016-7-31 22:58 編輯
個爐無電到,飛線就著得返,所以應該係電問題。
一般咁嘅情況叫電工上門大概要幾錢?自己唔識搞啦....
諗住 ...
dls2046 發表於 2016-7-31 12:04

你都無講媒氣爐用咩供電方式 例如

1.菲士蘇 多數換菲士攪掂 (攞出嚟去配返粒 自己換就得)

2.燈制開關 可能入面甩線

不過 有滋滋聲嘅開關 你點都要搵個師父返嚟整

TOP

滋滋声可能係掺得唔好,似係火花声,長期會燒黑d腳位,膠皮......所以極有可能只係壞左蘇底!
你都識飛線,而且肯定係來電問题,爐冇事,DIY應該安全,比人整就200-350不等.....

TOP