恆溫煤氣熱水爐 vs 非恆溫煤氣熱水爐

煤氣公司的恆溫煤氣熱水爐, 無論日本或者上海製造, 最低是37度, 請問夏天和冬天水溫是否穩定? 夏天會否好熱? 要溝凍水嗎

煤氣公司師父話不要換恆溫煤氣熱水爐, 因為我住的地區潮濕, 同時煤氣熱水爐的方向當風, 打風落大雨,  雨水會經煤氣熱水爐煙囪流入弄濕電路板, 好易整壞, 佢話現在的非恆溫煤氣熱水爐好過以前, 不用拉過電線之餘(即是好像現在用緊的煤氣熱水爐用電芯點火), 開水會自動點火,  無電路板唔易壞喎.

浴室爐還是廚房爐?

浴室爐個爐本身好似室內要全密封再駁廢氣口出屋外,電不單是用來點火,亦要向個爐內置的抽氣扇供電。我記得屋企以前個非恆溫免仔爐都要用電,沖沖下涼屋企人錯手熄錯煤氣爐個電掣,個爐的抽氣扇不轉就即刻熄火,冬天都真係幾過癮。

講返恆溫爐,我屋企現在個恆溫爐都係最低只可校到 37 度,夏天我會覺得熱,要溝冷水。

掉轉在冬天,當室外溫度太低但係個爐校得高,如果個爐不夠力去加熱,個爐為了維持溫度會減慢水流。冬天沖涼想開得好熱可能會覺得細水。

TOP

回覆 2# C_Law

浴室爐.

"全密封再駁廢氣口出屋外" 請問打風落大雨時, 個煤氣熱水爐有無入水, 上次打風, 我個大白兔非恆溫煤氣熱水爐有水滴下

"夏天我會覺得熱,要溝冷水。" 會否溝冷水多熄爐

冬天37 度是否夠熱? 完全唔駛溝冷水?

TOP

記得以前啲C Fu話恆温爐可以調教低於37度。
建議打去煤氣熱線問吓。

TOP

浴室爐.

"全密封再駁廢氣口出屋外" 請問打風落大雨時, 個煤氣熱水爐有無入水, 上次打風, 我 ...
ANWKLO 發表於 2016/8/12 23:22


真係不知大風大雨會否入水。因為我屋企個爐條廢氣喉出面,三面都有牆包住,上面又有簷蓬擋一擋,就算「倒水咁大雨」,條喉個出口位都未必被雨打中。

夏天開 37 度只係溝少少冷水便感覺溫度適中,不會熄爐。不過,開太大冷水當然熄啦。不過,同以前個非恆溫爐比,現在校冷暖容易好多,以前一係熱死,一係熄火凍死!

冬天我校 39度,屋企人 40~42。

TOP

記得以前啲C Fu話恆温爐可以調教低於37度。
建議打去煤氣熱線問吓。
rhino 發表於 2016-8-12 23:23


問過煤氣公司, TGC TNSW130RFL(G) 只可以調校低至35度
煤氣恆溫熱水爐 TGC TNSW130RFL(G)

TOP

真係不知大風大雨會否入水。因為我屋企個爐條廢氣喉出面,三面都有牆包住,上面又有簷蓬擋一擋,就算「倒 ...
C_Law 發表於 2016-8-13 00:52


即是上次打風都冇入水?

"有簷蓬擋一擋" 個簷是否自己加的

TOP

我係用舊爐,較個總入氣制扲低入氣控溫,但有風險!

TOP

我係用舊爐,較個總入氣制扲低入氣控溫,但有風險!
man89 發表於 2016-8-13 10:01


不是係"煤氣熱水爐"  調節

TOP

浴室爐還是廚房爐?

浴室爐個爐本身好似室內要全密封再駁廢氣口出屋外,電不單是用來點火,亦要向個爐內置 ...
C_Law 發表於 2016-8-12 23:09


我用緊個部恆溫浴室爐,夏天校37-38度經常出ERROR CODE, 問過煤氣,佢話應該係煤氣用量太少打唔到火,唯有校高D溫度,

我個度春天非常潮濕,試過幾次100%濕度連窗都係水,但唔見煤氣爐有壞,運作好正常

TOP