座廁進水閥被氣壓沖擊整壞咗

每次大廈停咸水後再有番水,都會聽到有氣壓做成的沖擊聲。因為驚會整壞進水閥,所以每次停水時我都會關咗進水制。

今次開番進水制時,又聽到氣壓沖擊聲。呢次終於搞到進水閥壞咗,停唔到水。初時以為入咗沙石或者止水皮壞咗,於是清潔咗入口(圖片紅圈) 同埋換咗塊原裝皮。點知換咗之後仍然止唔到水。

搞咗一輪都唔得,後來再檢查清楚先發現原來進水口被沖擊到裂咗,圖片紅圈箭咀處。初時無裂得咁明顯,所以睇唔到。

終於買過一支新的 fluidmaster 400 換咗後便止到水了。如果大家都系用呢隻進水閥,要注意停水後再開番時要先開細水,等無晒氣壓先開番大。



附件: 您需要登錄才可以下載或查看附件。沒有帳號?註冊

多謝師兄指教

不過師兄會唔會憂慮多左,大廈每次停水後,一定會進行啤氣,氣體入到單位只係少量,不會對水箱組件造成影響,何況fluidmaster 說明書都冇要求大廈每次停水後,都要關進水閥,無晒氣壓先開番大

btw,多謝師兄指教

TOP

回覆 2# luitai88

可能每個大厦情況唔同啦,如果唔係聽到好大聲我都唔理佢嫁。

以前用開舊款波曲都唔使理佢的。事原兩年前換咗馬桶入面用咗fluidmaster 之後,每次停水再供水都聽到拱拱聲,我先至小心D姐。你睇下支野個口都裂咗,除非D料好差,唔係都好難搞到咁。

我唔係叫大家一定要關水制,只系分享下個人經驗姐,如果大家有漏水不止,不防睇下系唔系入口裂咗。

TOP

我度管理處好勤力,個個月洗淡水咸水,我都要記住日子關左坐廁個曲尺制,同濾水器前面個閘制,好煩
家人冇水用嫌我煩,谷壞左又係我整

TOP

PASCAL 裂桶實驗會不會是這個問題的答案

TOP

咦....無留意呢個問題添,多謝師兄分享個案

不過,我果度上手到我呢手,十幾年都無乜事,算係好彩

TOP