[操作疑難] 想請教當打風或落大雨時煤氣熱水爐從外牆滲水入黎怎辦?

年幾兩年前裝修比錢揾煤氣公司拆熱水爐, 裝俢好再安回舊熱水爐, 怎料每逢打風或落大雨時, 煤氣熱水爐就會從外牆滲水入黎, 打去揾煤氣公司跟進, 佢地話唔包, 咁我比成八舊水佢地一裝一拆, 但竟然唔包防漏, 佢話加多兩千幾就包防漏水, 有無攪錯? 於是自己拆開熱水爐前蓋睇睇, 見到係熱水爐引出外牆煙通位及修住熱水爐螺絲位滲水, 咁請教各位師兄而家可以點攪呢? 就咁揾啲防漏物料封左啲螺絲位? 定係要從外牆外面入手呢? 請指教一下, 謝謝!

有無相片?

TOP

本帖最後由 sonycliepda 於 2016-10-19 11:00 編輯
有無相片?
thomascheung 發表於 2016-10-18 17:58


一款用左超過二十年的超薄熱水爐


外牆滲水引致爐底生銹


紅圈係漏水/滲水的位置



爐底嚴重積水
附件: 您需要登錄才可以下載或查看附件。沒有帳號?註冊

TOP

年幾兩年前裝修比錢揾煤氣公司拆熱水爐, 裝俢好再安回舊熱水爐, 怎料每逢打風或落大雨時, 煤氣熱水爐就會從 ...
sonycliepda 發表於 2016-10-18 16:54

你呢篇文及圖  post 上報紙投訴 睇吓接唔接受

如果接受 我估煤氣公司即時免費派人跟進做埋防水 

TOP

你呢篇文及圖  post 上報紙投訴 睇吓接唔接受

如果接受 我估煤氣公司即時免費派人跟進做埋防水 :shif ...
別問我是誰 發表於 2016-10-19 11:09


有用嗎? 另外個煤氣師傅仲扮野話隻爐壞壞地, 但煤氣公司很多年前已經無零件換, 游說我叫我換熱水爐, 佢仲話有辦法揾個同款二手煤氣爐返黎, 連安裝$2000蚊, 但不包任何保養的! 咁有咩用呢? 另外煤氣公司仍然每個月收緊保養費咁保咩呢? 咁保養黎做咩呢?

TOP

睇黎似個C父想搵外快,冇保養即係整完收左貨,出門口就壞佢都唔洗揹飛
佢識整都唔會同你整

TOP

睇黎似個C父想搵外快,冇保養即係整完收左貨,出門口就壞佢都唔洗揹飛
佢識整都唔會同你整 ...
billyck2 發表於 2016-10-19 11:48


之後自己攪返掂, 只不過係水壓不足, 推唔著個爐! 調大水壓後, 馬上正常返晒了!

TOP

回正題先! 咁而家揾啲咩防漏物料封左啲螺絲位最好? 定係要從外牆外面入手呢? 用791可以嗎? 請指教一下, 謝謝!

TOP

煤氣公司咁做,即係留翻尐手尾,之後就拷腳骨....

TOP

煤氣公司咁做,即係留翻尐手尾,之後就拷腳骨....
dandytsang 發表於 2016-10-19 15:02


恆基配煤氣公司係必然同獨市的, 咁又有咩計呀?

TOP