請問大家有咩驅曱甴良方?(殺蟲水/藥餌/其他方法皆可介紹)

本帖最後由 sensui 於 2016-11-1 02:12 編輯

大家好,

因為我最近搬到新居,頭一日夜晚入廚房幾次,總共見到不下於十隻曱甴,廚房我都算,最多用廚具時洗一洗,但最大問題係比我係睡房都見到!仲要係我張床!果下超崩潰...............

於是我唯有即刻落街買支殺蟲水(標榜人蓄無害果隻,因為我要噴落床),返到屋企狂噴,至第二晚情況稍有改善,但仍有一,兩隻於睡房發現,如今(新居後第三晚)再用埋唔知咩牌子(從舊居搬來)的藥餌,同每日都噴一噴間屋,雙管齊下,希望可以改善個情況...

新居中的曱甴是體型頗細,顏色淺淺地的,我唔肯定佢地係德國曱甴定棕帶曱甴(呢2個名詞都係近兩日睇大量網上資料先知)

如果呢2招都唔work,未能完全根治問題(要長期一隻都唔見有<<舊居可以,我懷疑因為舊居有四腳蛇,因為自從舊居發現四腳蛇後,就真係再唔見曱甴),可能我會搵埋滅蟲公司..

後記:頭先返舊居,遇到舊居隻四腳蛇,我超開心,諗左一陣鼓起勇手搵膠袋包住手咁捉佢去新居放
如今放左佢去災情最嚴重的廚房,希望佢係果度可以開大餐,唔好走.

有無用杀蟑烟雾

TOP

TOP

每次搬入新屋前必定投放量煙霧炸彈。。每間房/廚房/廁所一個。廳兩至三個。但整間屋才300呎多一點。務求斬草除根。

TOP

我而家都係比隔離裝修迫左曱甴去我度, 仲要生左蛋... 我係用漂白水抺佢出入地方, 用填X膠填左啲空位, 再去藥房買曱甴藥 已經1個月, 呢2日開始唔再見到有出現.... 仲要keep 住乾淨先得

TOP

我用蛋, 堅有效.

TOP

去大陸買曱甴藥,夠強

TOP

養條4腳蛇.

TOP

我用蛋, 堅有效.
cody2k 發表於 2016-11-1 08:54 AM


放炸蛋x2

炸蛋極有效深入所有la位
但不能滲入蟲卵
所以記得炸完第一浸後一個月
待蟲卵孵化後再炸一次
咁就真係99%殺盡

TOP

元朗有個阿伯買大陸曱甴藥,超勁…
朋友用咗7日後就攪掂晒

TOP