(已解決15#)壞抽油煙機

本帖最後由 C_Law 於 2016-11-22 20:27 編輯

按開關掣後,指示燈有著,但係兩邊摩打都無轉。

其實早幾個星期都試過一次,當時我拆開部機個蓋望望,不見有明顯問題就裝返個蓋,之後一開就正常開得著。當時心諗可能個外傭拆開蓋抹機後裝得不好,部機個安全微動掣 Off 了所以開不著,到我又拆又裝時又裝得好,個掣 On 了所以回復正常。因此無再詳細去睇。

但係今日部機又罷工,今次拆蓋再裝蓋都仍然係開機不會轉。今次搵返說明書出來睇,安全微動掣係控制全部電源,如果個蓋未裝穩,個安全掣 Off 了係全部機都會無電到,但上次同今次的指示燈同照明燈都可以著,即係個安全掣係 On,所以上次係我估錯出事原因,部機係有問題。

拔走插蘇後試過手撥扇葉,係轉得好順,都轉好多圈先至無力慢慢停。插電後手動推個安全掣去 On 再開機,指示燈有著,但摩打不轉,著住指示燈程況下圈起張報紙去撥扇葉都只係轉幾轉就停,同斷電時撥扇葉係一樣。









說明書話這情況係起動電容出事,但係睇說明書內的接線圖,兩邊摩打有各自的起動電容,兩個同時壞!?照計要壞都有分先後,應該先係一邊不轉,到另一邊電容都壞先至連另一邊都不轉。但係問過個工人就話平時兩邊都轉。無電容錶的話,有無方法檢查到起動電容有無壞呢?

今晚好夜返屋企,返到去先至知道部機罷工,只係求其望下,個工人就話要瞓,所以無再睇。不過就留意到兩個可疑之處。

1.
塊線路板有兩個似係 Relay 的黑色膠盒仔,估計可能係控制摩打同自動發熱清洗的開關,照計 Relay 開關時多多小小會聽到聲,但係今晚開掣時又好似聽不到個 Relay 有聲,但不肯定,因為按部機開關掣時,個掣本身都有幾大 Click 聲,可能 Relay 的聲被開關掣的聲掩蓋。

2.
另外就留意到指示燈的光度,當我開機時會著燈(當這光度係 100%),但係半秒左右就會略為變暗(假設剛開掣有 100% 光,估計半秒後有 90% 光),之後就一直維時在稍為暗的光度。純綷靠估,會不會係由 220V ac 去降壓去線路板的部份出事呢?如果 Relay 真係無聲無開著,可能降壓後的 DC 不夠電,一想開 Relay,但係不夠電開著 Relay,連帶被 Relay 扯低電壓令指示燈都變暗。

除此之外,重有無什麼可以檢查?

如果部機真係無得救要買過部新機,有無牌子/型號推介?

明日睇下有無時間再睇下部機,或者再影埋線路板的相放上來。
附件: 您需要登錄才可以下載或查看附件。沒有帳號?註冊

你咁猛都攪佢唔掂,小弟断估.......

我班門弄斧,有错請指教,我先make sure所有綫都係接好冇nut, 跟住第一大可能性他下隻cap先,宜家d他錶係有量f值功能,再試下兩隻cap對掉装,试左都唔得就到他下摩打同发熱絲有冇燒,ok,如果兩關過晒,咁就得返塊板最有嚴疑.......

有发熱線,可能有熱保護,果樣零件又係好大嚴疑.......

TOP

你咁猛都攪佢唔掂,小弟断估.......

我班門弄斧,有错請指教,我先make sure所有綫都係接好冇nut, 跟住第 ...
999067800 發表於 2016/11/20 04:02


我得個最 Cheap 的 3.5 字它錶,無得度 Cap 值。

TOP

假如兩粒電容係獨立,咁唔大機會同時都死。

先用他錶駁住棕線/高低速制中間位,開機摩打睇吓有冇電到。有電就係之後線路(去摩打)出事,冇電就係底板/Relay問題。

TOP

好少兩隻cap都瓜.

TOP

可能主控板,拆佢出呢慢慢度.

TOP

本帖最後由 C_Law 於 2016-11-26 17:06 編輯

今日瞓到中午先至起身,想開機試試,但開不著。心諗出街食完飯先至搞。

食完飯返屋企,部機竟然開得著,由兩點幾玩到現在,走去開下又停下,次次都開得著!

不過都照樣拆開睇下,塊線路版有粒 8pin 的 10F200 Microcontroller,睇 Datasheet,VDD 和 VSS 分別係 Pin 2 和 7,於是度下電壓。用牙簽頂住安全掣,插上插蘇,度到 DC5V,但係在關機狀態下想開機,就發覺:

指示燈無著時短按開關掣→指示燈長著
正常情況係摩打開始轉(不知 Heater 是否應該都著)
今日情況係摩打開始轉
聽到 Relay 聲,但分不清係一個還是兩個 Relay 都有聲。
不過電壓由 5V 跌落去 2V4~2V7,跳來跳去。

指示燈長著時再短按開關掣→指示燈快閃
正常情況係摩打繼續轉幾十秒至兩分鐘然後熄指示燈再停轉
今日情況都係
剛剛短按時,無 Relay 聲,但電至由之前約 2V5 跳來跳去,變為 3V0~3V5 跳來跳去
過幾十秒就聽到 Relay 聲,摩打熄,指示燈都熄

指示燈無著時長按開關掣→指示燈慢閃
根據說明書講,應該係 Heater 發熱(慢閃) 15 分鐘然後開摩打(快閃) 2 分鐘揈走油污
今日情況係指示燈慢閃
無 Relay 聲,但電壓係 3V0~5V0 之間亂跳
我無等 15 分鐘,就再短按一下開關掣,指示燈即熄,無 Relay 聲,電至回復穩定的 5V。

我估:
指示燈長著時,應該係摩打相關的 Relay 著,發熱線相關的 Relay 都著(但似乎無著到)
指示燈快閃時,摩打 Relay 繼續著一陣,發熱線 Relay 即停(但根本開頭都無著到)
指示燈慢閃時,摩打 Relay 停,發熱線 Relay 應該著(但無著到)

問題會不會係我之前的估計呢?
即係降壓去 DC 的部份出問題,不夠電,一想開 Relay 就被 Relay 個 Coil 扯抵了電壓。
(有小小估錯,見 25#)

如果是這樣的話,可以怎樣搞?


補上部機入面塊線路板的圖:


附件: 您需要登錄才可以下載或查看附件。沒有帳號?註冊

TOP

應該換藍綠色粒 Cap 就得, 阻容降壓出事

TOP

回覆 7# C_Law

電容叫COMDENSER
燈頭叫LAPM SET
燈泡叫LAPM

呢啲新名詞好難明
咁都出到說明書,啲線路圖都唔知有冇錯

TOP

本帖最後由 C_Law 於 2016-11-20 21:21 編輯
應該換藍綠色粒 Cap 就得, 阻容降壓出事
GbE 發表於 2016/11/20 18:48


即係要換相中綠箭嘴的方形電容?

旁邊兩個紫/藍箭嘴的電解電容好不好順手換埋?
反正都係要出 SSP 買。

Oooops~~~~~
諗住時候不早了,想話先砌返部機。
剛剛先至話好不好換埋兩個電解電容,但係未抄抵就砌返了 ,費事再拆啦

附件: 您需要登錄才可以下載或查看附件。沒有帳號?註冊

TOP