[問]三星雪櫃維修問題,請Ching們教路

本帖最後由 WLau 於 2017-2-18 00:28 編輯

参考咗Ching維修一維修二 加埋Google大神,胆粗粗試修。

問題:雪櫃制冷唔停

估計係恆温器失靈,先查耗流,規格1A,現約0.8A。似正常


恆温器,似正常



其它全都唔通。

恆温器包咗啲零件係側邊,打唔開發泡膠,唔知個啲係乜。


風扇就一把,綠色有風,但紅色冇風。


揾唔到原因,請Ching們教路。現在裝番,試行中
附件: 您需要登錄才可以下載或查看附件。沒有帳號?註冊

Have you try to turn the Defrost timer to manually turn on the defrost heater and see if the compressor stop ?

TOP

回覆 2# dougtang


This one?  How?  Thanks!
附件: 您需要登錄才可以下載或查看附件。沒有帳號?註冊

TOP

Google過話可以用十字批,但要轉幾多呢?  行住嚟轉?
附件: 您需要登錄才可以下載或查看附件。沒有帳號?註冊

TOP

回覆 2# dougtang

謝謝! 大胆嘗試,已停咗,睇下是否正常番先,行到明天再報告

TOP

如個defrost timer用人手打去溶霜位,無電通往壓縮機摩打,99.9%會停喇,就算係個timer壞左唔識轉去接通溶雪位置,當雪櫃夠凍時壓縮機都會停,如24小時唔停,一係個調溫掣壞,一係雪櫃門關唔實漏風或個壓縮機出問題(如漏雪種等),永達唔到預設定溫度,個壓縮機摩打就唔會停。

TOP

回覆 6# diputs

先謝謝Ching, 我都係咁諗,所以先check耗流,一打电就跳上~3.8A,很快回到~0.8A,似乎正常。再check調溫掣,只能check 0位,似乎正常。櫃門邊check 過,又唔覺漏風。明天再check埋壓縮機內阻。見佢運行時與之前一樣靜,希望壓縮機冇壞啦。

TOP

已運行咗5小時多,timer似乎正常番,有開有關,但下格微凉,冇乜風,下一步是否電熱管呢?

TOP

下格微涼,冇乜風,如唔係中格或下格放食物太多,阻住雪櫃內氣流循環,可能係製冷出風口被阻塞。不過把風扇供電係經櫃門掣,係咪打開櫃門觀察又冇用手動按下該掣先感覺冇乜風,要按下粒掣先知道正常情況。
如真係風扇轉動時,冷風吹唔到下格就可能係出風口阻塞,不過同時要觀察(或用手摸)排製冷喉是否夠凍,及運行較久後(超過兩小時)喉面有否結霜或冰,如夠凍或已大部份有結霜,則壓縮機損壞或漏雪種的機會很微,極可能係調溫掣損壞(如觸點被電火花燒熔分不開等)。
唔係見到排喉結晒厚冰,好似冇自動溶過雪咁,都唔使測條除霜發熱管。
如壓縮機漏雪種,個壓縮機摩打負荷會細左,即運行電流會比正常細,如正常運行電流是1A,現時0.8A則可能已有漏雪種問題。

TOP

回覆 9# diputs


下格微涼,冇乜風,如唔係中格或下格放食物太多,阻住雪櫃內氣流循環,可能係製冷出風口被阻塞。不過把風扇供電係經櫃門掣,係咪打開櫃門觀察又冇用手動按下該掣先感覺冇乜風,要按下粒掣先知道正常情況。噢! 原來係咁,再check過。都係冇乜風,溫度約18度
如真係風扇轉動時,冷風吹唔到下格就可能係出風口阻塞,不過同時要觀察(或用手摸)排製冷喉是否夠凍,及運行較久後(超過兩小時)喉面有否結霜或冰,如夠凍或已大部份有結霜,則壓縮機損壞或漏雪種的機會很微,上格風扇有-1x度極可能係調溫掣損壞(如觸點被電火花燒熔分不開等)。哩個就麻煩啲,發泡膠痴實哂,拆晤到個恆溫器出嚟
唔係見到排喉結晒厚冰,好似冇自動溶過雪咁,都唔使測條除霜發熱管。已運行約12小時,但水盤一滴水都冇
如壓縮機漏雪種,個壓縮機摩打負荷會細左,即運行電流會比正常細,如正常運行電流是1A,現時0.8A則可能已有漏雪種問題。哩個就冇計,就算有磅錶都冇工藝。

TOP