傳聞: 低耗能的電池不能用鹼性電池,不然會燒壞電路?

話D鐘用鹼性電會唔準,又話鹼性電電壓高,會燒電路,又話鹼性用唔倒,一定要碳性電先用到,都唔知邊度傳出黎,但又好多人信喎
我屋企D鐘,遙控,血壓計等極低耗電產品都係用鹼性電,咪又係咁用。

https://tw.news.yahoo.com/%E9%B9 ... A%86-025300649.html

唔用充電的話,我會建議極低耗電產品用碳性電,唔好用鹼性電,其實兩樣都會漏水,但鹼性D水好多同好快"那"死D電池片,而碳性冇咁多水。

另外鹼性最衰就係漏緊水個鐘仲用倒,當發覺個鐘唔行/鬧鐘唔夠响要換時先知漏水,其實已經漏咗好耐喇,D電池片/底板已經"那"死好多。但碳性電電力比較弱,閙鐘已經唔夠响都未開始漏水,通常都去到個鐘唔識行先至漏,就算漏水D電池水都唔會太多,而D電池水又冇鹼性電流動性咁高,冇咁易流落底板。

後記:最易俾電池漏水"那"死係遙控,因為漏緊水仲用倒,唔打開電池位都唔知漏咗水好耐,所以最好轉用充電。

遙控我用低自放的充電池
例如 eneloop

不過咁好貴

TOP

遙控我用低自放的充電池
例如 eneloop

不過咁好貴
usei 發表於 2017-4-10 11:34

可以用大陸愛老公,平好多,低用量既唔會差好多

TOP

買鐘(貴d嗰d)個sell屎係咁講,我唔會唔信佢喎

TOP

無錯,低電量/低用量果d真係唔好用鹼性電,
例如搖控,舊電未用哂巳經開始漏電池水,
當發現搖控無反應拆開一睇,成塊電路板俾電池水那爛哂,
個搖控就咁玩完

TOP

回覆 5# siukat
有 LED display 嗰D都係好易壞

TOP

應該係指會有d不明液體,用碳性電池就唔會出現個d不明液體

TOP

好多用低電量的儀器都講明唔可以用充電池,唔係摩打/相機,都唔建議用充電池。
我全家都係用碳性電池。

TOP

炭性/鹼性/NiCd/NiMH 通通都有可能漏水,我全部都試過。

N 年前我的第一隻無線 Mouse(轆波仔年代,耗電量真係超低),炭性都一樣用到漏水。

低耗電產品,除非本身有保護,否則不宜用充電。有些低耗電產品為了特顯電池使用時間長,根本無落保護,將電池的電量搾乾搾淨先至罷工,用一次性的炭性/鹼性電當然係無所謂,但對於充電池來講,充電池會因為被過份放電而會大幅降低可再充次數。

不想電器因為電池池漏水而損壞,最有效都係定時定候換電。

我就全屋要用電池的電器都係用鹼性電。但會輪住用,高耗電量的電器會用新電,用到"罷工"時,其實電池的電量仍然夠低耗電量的電器用一段日子,到時換新電入去高耗電量的電器,拆出來的"二手電池"就換入去低耗電量的電器用,而低耗電量電器本來用緊的舊"二手電池"就會掉,確保所有電器的電池都不會用得太耐而漏水,起碼我定期換一換電,就算真係漏水都可以及早發現。

TOP

印象中以前P牌的鐵殼電芯真係無漏,唔知事隔咁多年仲係咪咁好呢?

TOP

相關文章