[操作疑難] 有用開電腦繪圖 / 畫畫嘅師兄請入!

師兄們好,雖然之前好似問過咁但係可能大家有新嘅睇法所以想再問多次,希望大家再畀啲意見。

就係咁嘅,自從開始上一啲日本插畫網之後,我開始對畫插畫有興趣,雖然之前都唔係成日畫畫同埋讀過藝術課程嘅人,但係睇過都叫幾多同人畫同埋插畫之後,好仰慕嗰啲畫插圖,尤其是人物插畫畫得靚嘅畫家,所以都好想自己有一日可以畫到自己一系列插畫。我依家每個星期休息都會用 6-7 個鐘去畫下畫,雖然都只係臨摹啲想畫得到嘅畫風,而且都仲係畫得唔靚,但係都叫做比一開始好,同埋畫畫以外都有用時間去搵教學,比例,講座同埋參考等等,主要喺日系畫風嘅網站度搵。

不過既然喺網上睇人哋嘅插畫嘅話,就當然令我知道咗有電子繪圖呢樣嘢。對大家嚟講可能唔係新鮮嘢,但係我就未接觸過,之前畫畫都唔常嘅我又點會諗到電繪呢樣嘢呢。所以都叫做去做過下功課,睇下如果我真係對畫插圖有熱誠嘅,遲早我都會去買塊繪圖板嚟用。

不過問題就嚟喇,對於一個之前畫紙筆畫都唔常嘅電繪新手嚟講,到底買點樣樣嘅電繪板好啲呢?而我搵過嘅資料中都認為 WACOM 係最好嘅電繪牌子,而且有出三類電繪板,包括 Pen Tablet, 液晶 Pen Tablet 同埋平板電腦,為咗唔好混亂我用番日文照譯過嚟個名嚟討論。

1. 第一類我睇中嘅就係 Intuos Pen Small

http://www.price.com.hk/product.php?p=160496

呢個應該係最平最入門嘅電繪板。不過我就覺得要眼望電腦芒但係手喺下面畫就好奇怪咁,而且我未試過電繪,好似要特登嘥時間去適應佢,又或者最後畫唔到想要畫嘅嘢,所以覺得係咪真係用呢種電繪板好。而且生活壓力大,難得搵到樣想做好嘅嘢點解唔對自己好啲買啲好啲嘅器材?


2. 第二類睇中就係 Cintiq 13HD 呢個液晶 Pen Tablet

http://www.price.com.hk/product.php?p=157715

叫得液晶 Pen Tablet,最大嘅優勢同好處當然就係可以直接喺芒上面畫,呢個亦都係最吸引我同嚮往嘅原因。不過當然既然做得咁方便同高科技,價錢亦都不菲要成 8400 蚊,而且我又諗到,只係畫插畫同埋作為興趣,又冇藝術底嘅我係咪真係應該用咁專業嘅設備?當然我係好想可以直接畫喺芒度,但係可能有漫畫家都冇呢類液晶 tablet用,畀我會唔會小才大用咗啲?而且都真係幾貴下,砌部唔錯嘅腦都得架喇呢個價錢・・・


3. 第三類就係最癲嘅 Cintiq Companion 2,亦都係部平板電腦

http://www.price.com.hk/product.php?p=185721

我應該都幾低機會會買不過都喺度提下點解會睇中。首先就係比起 Cintiq 13HD,其實只要畀多三四千度就可以買到部電腦,畢竟 13HD 只係個芒,畀多幾千買部腦好似抵啲,就算只係 i3 同埋 64GB SSD。同埋買到部腦就真係直接畫喺上面冇任何線同連接位,直接啲數據傳入部腦度,唔知點形容嗰種直接嘅感覺。不過做得咁犀利,要成皮幾一部就真係好甘下,又係嗰句對於一個我咁嘅渣新手嚟講洗唔洗用到咁專業人哋攞嚟搵食嘅工具呢。


以上就係我嘅迷茫地方同埋見解,請各位師兄指正同畀啲建議小弟,以前小弟一得閒就會打機同埋上網,不過自從接觸日系插畫同埋電繪呢兩樣嘢之後,突然之間打機呢樣做咗 N 咁多年嘅嗜好係一刻突然之間就唔想做,到依家已經半年冇掂過任何打機嘅嘢,最重要係當我搵到一啲有用嘅教學同埋好靚並想參考呢種畫風嘅畫嘅時候,我會好仰慕同埋好想去學同知點樣畫到,而當我練習時畫到有啲似我想畫嘅畫風嗰時就會真係開心同埋有種成功感出嚟,不過當然仲有漫漫長路要行喇・・・

唔知師兄建議買邊類好呢?又有咩使用心得可以畀下小弟呢?感激不盡,因為小弟乜都唔知所以可能會有好多問題,希望師兄們能夠不厭其煩咁解答,我都係想如果係嗜好嘅話想有最好最適合嘅設備,工欲善其事必先利其器嘛。

因為 WACOM 似係做得最專業嘅電繪品牌而且筆壓又做得最好好似,所以就應該暫時唔考慮其他牌子。不過如果真係好啲平啲嘅話師兄都可以建議下傾下,唔該哂咁多位!亦都多謝睇哂嘅師兄!

幾年前 我有買過 CINTIQ 21UX 同 Intuos 3 , 希望可以幫到你 .
1. Intuos 應該買M 唔好買SMALL . 太細塊唔方便 , 太大塊用起來會很累 . 一般用都是M 最方便.
2. 13HD 應該冇現貨了 , 因為就出第2代 , 有TOUCH 功能 . WACOM 官網都話 8500 蚊就直接 UPGRADE 到 16GB 既COMPANION 1 (ANDROID版...)
3. Cintiq Companion 2 感覺都唔太好, 比起其他平板佢係有好多優點, 但缺點都很明顯 : 貴 , 重, 大部 , 16:9 MON 反人類 , 唔方便打直用 . 要買就等動漫節吧, 應該會有得平.

TOP

幾年前 我有買過 CINTIQ 21UX 同 Intuos 3 , 希望可以幫到你 .
1. Intuos 應該買M 唔好買SMALL . 太細塊唔 ...
chrisyip9999 發表於 2015-7-16 13:59


唔該哂師兄解答先!不過想繼續問:

1. 睇到網上有評論話 s 好似好細其實夠畫,原來 m 先夠照師兄咁講。原來係咁。其實我都諗將成個芒嘅比例縮到去一塊繪圖板咁細畫出嚟啲線會好唔合比例咁,因為我個芒係 SAMSUNG 1920x1080 VGA 芒,其實呢類繪圖板會唔會唔係太好用。

2. 吓 13HD 依家冇得賣喇已經!?咁 SAD,即係 8500 有部 COMPANION 1?但係有多個 ANDROID 冇乜用個人認為... 又唔係有得用繪圖軟件嚟畫又要貴過齋液晶繪圖板,咁不如買番液晶繪圖板算。

3. 師兄其實建唔建議有 TOUCH 功能?聽網上講其實 TOUCH 好似仲會阻住畫畫,因為會唔小心放大縮細或移位,呢個情況出現喺 INTUOS PEN 入面,而 CINTIQ 都已經有快捷鍵仲用 TOUCH 好似有啲多餘咁,唔知師兄點睇?

4. 大部應該都叫做係優勢掛?定係缺點,我都唔清楚。不過 16:9 芒,唔係正常比例架咩?小弟唔清楚呢啲嘢,有請師兄指教。同埋師兄你講打直畫,係咩情況之下先會打直畫?因為我諗我應該都只係會打橫畫...

5. 動漫節入面有得買所有 WACOM 繪圖板仲有平?係咪真架?如果係咁真係要去睇下!不過會唔會等到最後幾日先有得平架... 我都係得星期六日先有得去...

唔該哂師兄解答!

TOP

做乜又開多條?

http://www.hkepc.com/forum/viewthread.php?tid=2180621&extra=&page=1

TOP

提示: 作者被禁止或刪除 內容自動屏蔽

TOP

如果樓主主要係响屋企用而又有一部效能唔錯既desktop,我會建議用Cintiq 13HD,因為Cintiq Companion 2在繪圖時會有delay,
由其在高解像繪圖時會比較明顯,畫面既顯示速度更係跟唔上隻手咁.
低階既板本個問題更加嚴重,只有兩皮幾嗰部先好少少.

  Cintiq Companion 2仲有一個問題就係唔可以駁電腦用,
當你發覺個delay好難搞時想駁去電腦用都唔得.




Cintiq 13HD衣家街價係 $8500
Cintiq 13HD touch 係$8900(有D地方賣$8500)
Cintiq Companion Hybrid 16GB $8900 (要訂)
Cintiq Companion Hybrid 32GB $9500 (要訂)


當使用touch板本時,畫筆靠近畫板大約3cm既高度,
觸控就會自動關閉,免除誤觸


貴有貴玩,平有平玩,想玩平既就睇另一隻牌子
http://www.waootech.com/#!penates101sp/c1yd0

TOP

本帖最後由 qwvb1111 於 2015-7-17 12:38 編輯

回覆 6# kkepic
多謝師兄解答先!

冇錯我係只係喺屋企用,因為以前打機忍唔住 $8600 砌咗部檯機,以下係詳細,唔知叫唔叫效能好・・ 不過估唔到畫插圖都要部電腦效能好先得,睇嚟真係有好多嘢我唔知...

130744j4zoyi4tbpeenzjp.jpg
2015-7-17 12:38


第二個估唔到嘅地方就係連 COMPANION 2 都會有延遲... 做到咁貴仲要平板電腦可以直接畫上去都會延遲... 睇嚟我真係應該唔會考慮,畀兩皮都真係太多...

- 係咪因為佢已經係部平板所以冇得當做液晶板去用?所以冇得駁落電腦用?

- 同埋照師兄咁講,就咁一塊液晶板 (C 13HD) 流暢度都好過咁貴部平板,係咪咁講?

- 師兄係咪有 COMPANION 2 所以先咁有心得?

- 師兄建唔建議買 Touch 功能?如果3CM 嘅話應該唔會有衝突同阻礙,不過其實 TOUCH 係咪真係好需要?


希望師兄唔好嫌煩,睇到好似 Intuos Pro Small / Medium 都幾多人用,http://www.price.com.hk/product.php?p=160501,唔知師兄建議呢個好過 Intuos 嘅繪圖板好啲定係都係 Cintiq 13HD 適合我啲呢?

最後就係師兄你講嗰隻 Penates,請問你有冇用過?我當然都想玩平嘢但係驚佢質素冇 WACOM 咁好,啲筆壓同流暢呀感應呀呢啲差,WACOM 做到街知巷問所以先想買佢,雖然 Penates 平一半但係如果好延遲又或者易壞就唔好搞喇都係...

唔該哂師兄!

TOP

畫咩都好 一係你就買最貴個樣,心理上唔洗煩,一係就最cheap ,返正你都係學
習階段,用tab 玩只係娛樂下就 ...
lovercharlene 發表於 2015-7-16 23:53


多謝師兄解答...

又唔係咁講嘅... 其實唔係貴同平嘅問題,而係我想揀樣適合自己可以利自己其事咁解姐...

即係學習階段嘅我用 pen tablet 就已經足夠?師兄係咪建議。

大機同壓力板,係咪即係desktop 同埋 Intuos Pro 呢啲好啲嘅板?唔係太明術語...

打直打橫呢啲我都未煩住嘅... 塊板本身打直打橫咪用番嗰種囉,冇咩所謂嘅...

TOP

回覆  kkepic
多謝師兄解答先!

冇錯我係只係喺屋企用,因為以前打機忍唔住 $8600 砌咗部檯機,以下係詳 ...
qwvb1111 發表於 2015-7-17 12:36



你部desktop個效能夠晒用C 13HD.

- 係咪因為佢已經係部平板所以冇得當做液晶板去用?所以冇得駁落電腦用?
係!companion2的確係冇得駁去電腦用,最多係比你駁多隻monitor.


- 同埋照師兄咁講,就咁一塊液晶板 (C 13HD) 流暢度都好過咁貴部平板,係咪咁講?
如果C13HD駁notebook用死得,但樓主部desktop夠快,會抉過用companion2(兩皮野嗰部)
   

- 師兄係咪有 COMPANION 2 所以先咁有心得?
試用過,由於網上有人講過companion2有衣個問題,所以特意出去試,太子始創2樓有得玩


- 師兄建唔建議買 Touch 功能?如果3CM 嘅話應該唔會有衝突同阻礙,不過其實 TOUCH 係咪真係好需要?
1.Touch和冇Touch一樣價錢.$8500
2.就算買咗Touch都可以隋時off咗衣個功能
3.當你畫畫時,會經常性使用放大縮細回轉功能,有touch會方便好多


希望師兄唔好嫌煩,睇到好似 Intuos Pro Small / Medium 都幾多人用,http://www.price.com.hk/product.php?p=160501,唔知師兄建議呢個好過 Intuos 嘅繪圖板好啲定係都係 Cintiq 13HD 適合我啲呢?
對於嗰D繪圖勁人黎講兩種板都一樣冇咩分別,
但對初心者來講液晶繪圖板就能幫佢地加快上手速度.


最後就係師兄你講嗰隻 Penates,請問你有冇用過?我當然都想玩平嘢但係驚佢質素冇 WACOM 咁好,啲筆壓同流暢呀感應呀呢啲差,WACOM 做到街知巷問所以先想買佢,雖然 Penates 平一半但係如果好延遲又或者易壞就唔好搞喇都係...
我曾經打過電話問代理,佢地話冇得比我試,所以我唔會考慮買佢.
而網上既平測亦都好單方面(你買咗自然實話佢好架啦),
除非係有人同時有用開C13HD同Penates,响衣個情況下都話penates好的話咁我會考慮買,
但搵唔倒,只搵到同時有C13HD, Surface pro3 和 ipad既比較結果(C13HD大勝)

TOP

你部desktop個效能夠晒用C 13HD.

- 係咪因為佢已經係部平板所以冇得當做液晶板去用?所以冇得駁落電腦 ...
kkepic 發表於 2015-7-17 16:38


多謝哂師兄畀咁多有用建議我!好有參考價值!

- 估唔到原來電繪都要部電腦快先得 o.o... 係 cpu 要勁定係顯卡要勁?最低要求又係咩...?整到我覺得如果用之前部腦實頂唔順...

- 師兄話有冇 TOUCH 都係 8500,但係有唔係貴啲架咩...? 邊度有信譽啲嘅舖頭你推薦?嚟緊動漫展你覺得有冇機會平啲?( 睇師兄咁講有 TOUCH 應該會好好多有用好多,我手畫好多時都好想放大同旋轉)

- 希望師兄唔好覺得我婆媽... 雖然話依家想畀自己好嘅器材同埋生活壓力大,師兄你亦都建議我用 C13HD 因為對初心者嚟講易上手,但係畢竟 8000 幾蚊都真係幾甘下... 我咁大個人最多錢一次過用就係部腦,第二就係部 G2 電話... 所以... 唔跳點講,其實都唔係問題嚟,不過如果 INTUOS PRO 都得嘅話,都唔係唔考慮得嘅...

PENATES 我諗我唔會考慮喇如果係咁,冇得試,又唔知點咁,都係 WACOM 好啲,等我番到屋企可能上傳啲畫畀師兄睇,睇下師兄覺得我嘅功力適合用邊種板... 唔該哂!

TOP