Tablet 做緊 Windows update 果陣 熄機, 係咪會無哂畫面既?

今日去左 SSP, 本來諗住買部 iWork 10 旗艋版, 跟 price.com.hk 去搵展X, 頂都無既.
旺電要 1899, 仲唔包 keyboard 同支筆.
最後見部 TBook 個 config 都 OK, 連 keyboard 都係 1850 有找, 而且個 keyboard 係插住部機, 雖然唔係藍牙唔可以分開用, 但就唔需要另外叉電.  反正個 mon 得 10吋, 都好少話將個 keyboard 攞開用.  價錢 OK 就去馬.

玩左一晚 android, 仲諗住出個 post 介紹下, 點知出事....

由 Android 轉 Windows, so far 都幾順利.  大約要 45 秒左右.
boot 完去 Windows, set 番 d WiFi 再 check 下機, 又度下 Boot to Android 要幾耐, 就出事了.
開始 boot to android 無耐, screen off 左, 以為開始 boot 過去...中途聽到佢響左聲唔知乜意思, 以為 boot 機掛.  
如是者不斷計時, 兩分鐘後, 仲係黑畫面.  PK, 感覺應該 boot 唔到了.
以為只係熄左唔識開番, 嘗試按一下 power 開機, 都係開唔番....
又以為玩左兩三粒鐘就無電, 插電比佢再開, 都開唔到.

嘩....嚇X死, 第一晚就變磚?
忽然想起 Windows 斷電關機大法, 長按 Power 十秒左右, 然後放開再按 Power, 果然再 Boot 機.
唔信邪再入 Windows, 今之選 關機.....結果一樣, 關左之後, 畫面熄左, 再等佢一分鐘, 單按 Power 開唔番.  又係要用 斷電關機大法至攪掂.
即係佢 shutdown 果下做唔到, 但係畫面又無野出.   呢樣野真係好煩, 唔知乜事.

再 boot 入 Windows, 忽然諗起 今日在鋪頭, 無上 network boot 機係 OK 既, 頭先既分別只係 set 左 account 上埋 network.
上左 network, 最大分別, 會唔會係 Windows 要做 update.  走去 Setting 度睇下, 真係有一串野 update.
家陣努力下載緊升級緊....(升左半粒鐘有多了, 我成篇文都打完佢仲係得 22%....好多野下載升級,)

有點奇怪, 如果係升級既, 平時用檯頭機, 應該係 shutdown 果陣出 upgrade 緊, 叫人唔好熄機既.
家陣我強行斷電熄左兩次, 唔知有無大影響 (Windows d file update 緊, 突然斷電, 對 disk 同個 file 都有影響)
唔知有無 ching 試過, 用 tablet 轉 OS 既時間, 如果 Windows 做緊 update , 係咪會無畫面既?

家陣仲煩....佢個畫面 timeout 左, 應該仲升級緊, 我去按 power, 又開唔番.
頂.....都唔知要等幾耐至熄得.  暫時諗住放通宵, 希望佢自己升級完會開得番.

真係無估錯, 佢升級緊其中一個既時候, 個畫面唔識開.
今次無用斷電關機, 得閒去按一下 power, 終於有一野開得番個mon 了.

希望真係我諗既....升緊野唔得閒開番個 mon.  如果唔係, 真係唔知點解了.
等佢完全升級完再試下 boot to android.  家陣已經攪左差不多一粒鐘了, 至係 53%....唔知仲要等幾耐.

TOP

53% .... 半粒鐘後, 仲係 53%, 完全無進展, 但中途響過幾聲.
pat pat 痕, 試下關機, 結果....一直出住 "正在準備 Windows 請勿關閉電腦".
睇怕, 今晚都係要長機了......最怕, 聽朝都仲係呢句.

TOP

忍唔住手 boot 左佢, boot 多幾次, 終於知乜事了.
KB3140741 .......就係呢個 update 整死左部機.
網上已經有唔少人 report 左(呢度都有 ching 出過 post), 呢個 update 對某D機, 係會永遠做唔完..... 即刻改左唔比佢自動更新, 睇下可以捱得幾耐.
家陣關機, 都仲係只 off 左 screen, 要黎多野 長按十秒等佢斷電, 然後至可以開番機.
希望 boot 多幾次, 之後正常番.   不過, 我部機主力係用 android 既, 暫時可以當睇佢唔到.

有無 ching 有同樣既問題呢?

TOP

我刷双,单系統都有数十次了,如有發生中途停机,黑屏,reboot,等事 ,我会重刷 ,重新系window個part OS DRIVE, DELETE OS, 再install, 费時留有後遗症。

TOP

回覆 5# b-29


唔該 ching, 我都驚個比我咁樣強行 boot 完, 個 windows partition 花左.

我唔係刷ROM, 只係正常既 Windows update, 不過衰左係個 KB3140741 度.
咁係咪就 Windows setting 入面 reset 番都可以呢?
Windows 10 家陣有無得指定某個 patch 唔裝?  否則我 reset 完, 一係全部 update 停哂, 一係又會再黎一次.

TOP

你现在既问题可能個OS 有问题,上官网查下有冇window drivers download, 如有,可以重新install window吧,重新装一次亦可對机硬件检查一次有冇问题,重装window会自动激活的,不要担心激活问题。小心系不要亂删除D drive, 否则要重刷整个双系统,做多好多工夫。

TOP

你现在既问题可能個OS 有问题,上官网查下有冇window drivers download, 如有,可以重新install window吧, ...
b-29 發表於 2016-4-8 09:31


我去台電, 搵唔到部機既 driver.  去到台電睇下至知, 原來部機剛剛出左無耐.
因為本來諗住買 iWork 10, SSP 無貨, X98 Pro 又無貨, 見呢部既 config 差唔多, 仲以為係同期出既添.

不過, 我諗佢既 restore 應該係另一個 partition, 希望無問題喇.

TOP

windows 有個唔知 quick startup定 quick boot 之類,關咗佢試下。

TOP

本帖最後由 b-29 於 2016-4-8 09:51 編輯

你可以重置window一次,重置window亦可証實系统完整否?会消耗時间久一点,先充电50%以上才做。不過重装会好D嘅。遟D有驱动便做吧,亦可以装番個企业或專业版呢。

TOP