Surface pro 3 保養期 被 MS 改左

原本7月換左機
換完返黎見保養去到2017年

頭幾個月無乜點用, 最近發現電池極速無電
正正常常上網, 3個鍾就0%電
再去CHECK 保養, 官網改左保養期去到2016年10月就完左保

可以去消委會投訴?
有無其他朋友仔都有咁既情況?

你係咪應該contact返MS先呢??

你部機邊到買返嚟? 有冇keep單??

TOP

保養跟單日期. 張單幾時1年保咪照加1年.

TOP

你係咪應該contact返MS先呢??

你部機邊到買返嚟? 有冇keep單??
louiefan 發表於 2016-12-7 11:15



梗係有搵個MS啦.
可惜香港個個廢既
佢話就算改左都係跟SYSTEM為準, SYSTEM UPDATE左個保養日子
問佢有無其他部門跟, 又話無
香港只有一個部門就係客戶服務部
問佢要投訴搵邊個, 又話係佢


但MS 有講, 個保養期係跟單1年, 或者跟硬件保用. 以後者為準

原本我硬件係去到2017年, 仲有成大半年
跟單就換機後3個月

依家佢改左我就會過左保養期

TOP

如果佢擺明唔理你, 你去消委會睇下有無辨法先啦

TOP

梗係有搵個MS啦.
可惜香港個個廢既
佢話就算改左都係跟SYSTEM為準, SYSTEM UPDATE左個保養日子
問佢有無 ...
Excalibur 發表於 2016-12-7 16:25

你有晒單, 跟單保養一年就一年.

你拎去維修最好帶正單(影印多幾份), 佢話過期就拎張單出嚟.
你張單係microsoft/百老滙/豐澤大舖頭佢都唔理嘅話, 可以call 蘋果東方幫佢哋做吓宣傳

你最好上埋microsoft community留個record, 表明7月新機落地10月失保養,
有單有據surface pro自己產品都唔保, 佢哋自然有人會contact你~~
(記得將留言條Link share過嚟等我哋幫手click吓~~)

TOP

同問...2016/4月買既機, 網上查係去2017/6月....呢個係正常...定點樣!?
維修唔睇單...咁樣咪多左2個月保!

TOP

你係咪本身有部surface pro3壞咗攞去整,之後佢換咗第二部俾你。
根據條款,佢換俾你部機嘅保養期係會跟返你原先部機嘅保養期或90日(較長者為準)。
你走去check換俾你部機嘅保養期一開始長咗可能只係系統未更新,之後更新完咪短咗。
正常。

TOP

你係咪本身有部surface pro3壞咗攞去整,之後佢換咗第二部俾你。
根據條款,佢換俾你部機嘅保養期係會跟返 ...
xxxxxx623 發表於 2016-12-9 14:02



    咁會唔會有少少欺騙成份
又話以長個個為準, 更新左又唔通知用家?

TOP

咁會唔會有少少欺騙成份
又話以長個個為準, 更新左又唔通知用家?
Excalibur 發表於 2016-12-14 13:35

按xxxxxx623意思, 假設你本身部SP3係2015年9月買, 1年保養即去到2016年9月.

咁你2016年7月時壞咗拎去整, 佢搞唔掂換咗另一部機俾你, 因為換機+90日保養, 所以去到2016年10月.

原本保養期係去到2016年9月, 依家喺去到2016年10月, 多咗1個月.

而你換機後上網check保養期時顯示2017年, 可能係因為你部機喺你accounts度登記時當咗新機1年保, 但系統更新後重設為換機+90日, 所以變短咗.


定係你本身部機係今年買, 用唔夠幾個月就壞咗, 換機後得90日保, 總之由本身部機買嗰日計起保養係唔夠1年??

TOP

相關文章