迪科爾係Shaq?

有留意開NBA嘅球迷,一定知道邊個係「巨無霸」奧尼爾(Shaquille O'Neal),亦一定知道佢射罰球好鬼水皮。熱刺前鋒迪科爾近期俾英國球迷封為「足球界奧尼爾」,點解?之唔係佢射12碼又係咁鬼水平囉!

打籃球射罰球嗰陣,唔會有人騷擾到主射嘅球員,係都係班球迷喺後面「掩掩揚揚」,影響個球員嘅集中力同信心。足球界嘅情況都差唔多係一樣,射12碼嗰陣多咗個龍門撲救,但距離咁近,當然會係入多過唔入。不過,迪科爾就喺近10個主射嘅12碼當中,只有4次能操刀成功,唔怪得佢俾人笑係「足球界奧尼爾」啦!

查實熱刺頭號劊子手本應係羅比堅尼,不過佢唔係場場有正選打,所以由迪科爾包辦球隊嘅12碼。可惜呢位對韋根識個人獨取5球嘅射手,竟然射12碼咁不濟,難怪連領隊哈利列納都話:「我未同迪科爾講關於12碼嘅事,但我肯定會再搵佢傾傾,睇睇佢適唔適合再做劊子手;其實我知隊中有大把主射12碼好叻嘅球員,例如卡蘭積卡同侯度史東都處理一流。」迪科爾假如被褫奪12碼主射權,睇怕神射手榜都唔追唔過朗尼咯。

英格蘭球員特色

TOP

10中4....多6球就追到Rooney LA...

TOP